San Mateo 22:31 - Xochapa Mixteco

³¹ Ta ya káꞌan tu ndóꞌo̱ án ndixa kua ndítaku na xa ndi̱xiꞌi, káchi ndo, ta nuu mií ley Ndioxi ya si̱ndoo ra Moisés ndaꞌa yo kua sínaꞌa yoo. ¿Ta án täꞌan kaꞌvi ndo ya ndi̱kaꞌan Ndioxi xaꞌa ya yóꞌó, tá ndi̱kaꞌan ra káchi ra soꞌva?

San Mateo 22:31 Mawu Ofanana

San Mateo 12:3

Saa ndi̱kuiin Jesús, káchi ra saa: ―¿Án täꞌan kaꞌvi ndo nuu tuꞌun Ndioxi, nuu káꞌan ya xaꞌa xii yo ra rey David unkua i̱kan ra tá kivi ndi̱kaꞌun ini ra xiꞌin nda taꞌan ra?

San Mateo 12:7

Tá tu ndóꞌo̱ kúndaa ini ku ndo unkua kúni i ikan ndo, ta käꞌan ndo saa. Chi soꞌva káꞌan tuꞌun Ndioxi: “Ya xíniñuꞌu ni ndo ikan ndo kua yóꞌó: kundaꞌvi ini ndo kuni ndo inka naꞌa, chi ya ñaa ka kua ndee ni ka ndee xíniñuꞌu ndo ikan ndo nuu ñaꞌa ya sóko ndo nuu i”. Tá tu ndóꞌo̱ kúndaa ini ku ndo tuꞌun yóꞌó, ta täxi ndo kuachi xaꞌa na köo kuachi, ndikuu.

San Mateo 21:16

Saa ndi̱kaꞌan nda naꞌnu nuu sutu xiꞌin Jesús, káchi nda: ―¿Án xíni soꞌo un unkua káꞌan na vali yóꞌó? káchi nda. Saa ndi̱kuiin Jesús, káꞌan ra: ―Uun, xíni soꞌo va i ya káꞌan na. Ta ndóꞌo̱, ¿án täꞌan kaꞌvi ndo ya káꞌan tuꞌun Ndioxi xaꞌa ya yóꞌó, nuu káꞌan ya? “Nda na vali xiꞌin na lee vali chíchin ta ndee ni ndinuꞌu ini na káꞌan vaꞌa na xaꞌa i, saa xíta na yaa nuu i”, káchi ya íyo nuu tuꞌun Ndioxi ―káchi Jesús xiꞌin nda.

San Mateo 21:42

Saa ndi̱kaꞌan Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi? ya káchi saa: “Yu̱ú ya ku̱ndasi nda síkuaꞌa veꞌe, ya yóꞌó ku ya xíniñuꞌu ni ka ndikaa xaꞌa veꞌe. Soꞌva i̱kan Ndioxi. Ndioxi ku ra i̱kan ya yóꞌó, ta ndi̱kanda ni ini yo xiꞌin ya yóꞌó”, káchi ya ta̱a na xinaꞌa, káchi Ndioxi.

San Mateo 22:30

Tá ná ndi̱taku na ndíi, ta köo ka naꞌa tindaꞌa nuu ndivi, ni täxi ka na seꞌe síꞌi na tindaꞌa ná xiꞌin taa. Tá kuꞌva íin na tatun Ndioxi saa koo na koo xiꞌin Ndioxi.

San Mateo 22:32

“Yeꞌe ku Ndioxi ra káñuꞌu ra Abraham, xiꞌin ra Isaac tin ra Jacob”, káchi Ndioxi. Ta xiꞌin tuꞌun yóꞌó kua kúndaa ini yo ya nditaku va nda xii yo yóꞌó, saa chi tá ná ndïtaku nda ta küvi xaa kaꞌnu nda Ndioxi ―káchi Jesús xiꞌin nda saduceo ikán.

San Mateo 9:13

Xíniñuꞌu ndo kundaa vaꞌa ini ndo unkua kúni kachi Ndioxi nuu tuꞌun ra, ya káchi saa: “Kúni i ná kundaꞌvi ni ini ndo kuni ndo inka naꞌa, chi ya ñaa ka kua ndee ni ndee nuu ñaꞌa ya sóko ndo nuu i”, káchi tuꞌun Ndioxi. Saa chi yeꞌe, ta växi i xaꞌa na vaꞌa, xaꞌa na väꞌa vaxi i, kaꞌan i xiꞌin na ya ná ndiko koo ini na kundikun na ichí Ndioxi ―káchi Jesús xiꞌin nda fariseo.