San Mateo 22:3 - Xochapa Mixteco

³ Ka̱na ra rey ikán nda xáa chiñu nuu ra ya kuꞌun nda ndikuiso nda naꞌa xa ndi̱kaꞌan ra xiꞌin kuꞌun kuxi viko veꞌe ra, ta köo ndi̱xiin na kuꞌun na.

San Mateo 22:3 Mawu Ofanana

San Mateo 21:34

Tá ti̱ndaa kivi ya taꞌnda ri, ta saa ti̱ꞌvi ra sava na xáa chiñu nuu ra kuaꞌan na nuu nda xáa chiñu xiꞌin ri ya nduku nda yaꞌvi ñuꞌú ra.

San Mateo 23:37

Saa ndi̱kaꞌan tuku Jesús, káchi ra saa: ―¡Ndóꞌo̱ ñuu Jerusalén, kúsuchi ni ini i xíni i ndóꞌo̱, saa chi ndóꞌo̱ xáꞌni nda profeta ku ndo, ta káni ndo yu̱ú sata nda ti̱ꞌvi Ndioxi vaxi kaꞌan ndoso tuꞌun ra xiꞌin ndo. ¡Ndisaa vi ichí ndi̱kani ini i xiꞌin ndo ndikaya i ndóꞌo̱, tá kuꞌva ndíkaya nduxi tiatan seꞌe ri kuakee na tixin ri, saa ku̱ni i ikan i xiꞌin ndo, ta köo ndi̱xiin ndo!

San Mateo 3:2

Káchi ra saa: ―Ndiko koo ini ndo, ïkan ka ndo ya väꞌa, chi xa ti̱ndaa yati ichí ya kaꞌnda chiñu Ndioxi nuu yo ―káchi ra Juan xiꞌin na.

San Mateo 9:15

Saa ndi̱kuiin Jesús, káchi ra saa: ―Tá íyo iin viko tíndaꞌa, ta kúsini ni mií na migo mií ra tíndaꞌa ikán, köo naꞌa kúsuchi ini, chi viko kua. Sundi vaxi kivi tá ná ndikiꞌin na ra tíndaꞌa ikán kuꞌun ra xiꞌin na, saa kua kuxi suꞌun na.

San Lucas 13:34

Saa xa̱á ra káꞌan ra: ―¡Ndóꞌo̱ na ñuu Jerusalén!, ndóꞌo̱ ku ndo xáꞌni nda káꞌan ndoso tuꞌun yuꞌu Ndioxi, ta kóꞌni ndo yu̱ú sata nda tíꞌvi Ndioxi vaxi chindee ndóꞌo̱. Kuaꞌa ni ichí ku̱ni i sikitaꞌan i ndóꞌo̱, tá íkan nduxi tiatan xiꞌin seꞌe vali ri, síkitaꞌan ri na tixin ri, ta köo ndi̱xiin ndo.

San Lucas 15:28

Saa tá ku̱ndaa ini ra, ta ndi̱saa ni ra, ni köo ndi̱xiin ka ra ndiꞌvi ra ini veꞌe. Ñaa ke̱ta iva ra xáku ndaꞌvi ra nuu ra ndiꞌvi ra ini veꞌe, ta ni köo xíin ra ndiꞌvi ra.

San Lucas 19:27

Saa tu ndiꞌi na sáa ini xíni yeꞌe, na köo ndi̱kuni koo i rey, siyaꞌa ndiꞌi ndo na ná kixi na chí choꞌo, ta vitin kaꞌni ndo na nuu i”, káchi ra rey ikán. Soꞌva káchi tuꞌun ndíchi ikán ―káchi Jesús xiꞌin na.

San Juan 5:40

Sundi ndóꞌo̱ ta köo xíin ndo kixi ndo nuu i ya taxi i ichí ndaꞌa ndo koo ndo xiꞌin Ndioxi ndiꞌi saa kivi ya vaxi.

Los Hechos 13:45

Saa xi̱ni nda naꞌnu nuu na judío ya kuaꞌa ni naꞌa ndi̱kaya xíni soꞌo tuꞌun ya káꞌan ra Pablo xiꞌin ra Bernabé, ta xa̱á nda kûni ini nda xíni ñaꞌa nda. Xa̱á nda kánaꞌa nda xaꞌa nda, ta káꞌan nda süvi ya ndaa kua káꞌan nda, káchi nda ikán.

ROMANOS 10:21

Saa ndi̱kaꞌan ka Ndioxi xiꞌin ra Isaías xaꞌa na ñuu Israel, káchi ra saa: “Iin nduvi ndaa ndi̱xiyo i tánii ndaꞌa i nuu na kixi na nuu i, ta köo ndi̱xiin na kixi na. Soꞌo ni na, köo xíin na kundikun na yeꞌe”, káchi ra Isaías.

HEBREOS 12:25

Yakan kua xíniñuꞌu ni yo kuni soꞌo yo ya káꞌan Ndioxi xiꞌin yo, süvi ka vi ya kundoꞌo yo tá ndo̱ꞌo xií sikua yo kivi köo ndi̱xiin na kuni soꞌo na ya ndi̱kaꞌan ra xiꞌin na iku Sinaí ñuu ivi yóꞌó. Tá tu köo ndi̱kuchiñu na ikán kaku na kivi ndi̱kaꞌan ra xiꞌin na ñuu ivi yóꞌó, ta ndisaa ka vi yoo, unkua ikan yo kaku yo tá tu köo xíin yo kuni soꞌo yo ya káꞌan ra xiꞌin yo kivi vitin. Saa chi kivi káꞌan ra xiꞌin yo ta nda nuu ndivi vaxi ya káꞌan ra xiꞌin yo.

HEBREOS 9:15

Xaꞌa ya yóꞌó kua ndi̱xiꞌi Jesucristo xaꞌa yo, ta si̱kitaꞌan mani ra yoo ivi yóꞌó xiꞌin Ndioxi, nuu ki̱ndoo ra iin trato ya vaꞌa ni, ya xa̱á xiꞌin yo, ta ikán ku nuu ndo̱o kuachi yo ya i̱kan yo tixin trato ya yata ki̱ndoo Ndioxi xiꞌin yo tá núnu̱ú. Ta vitin kuchiñu niꞌi ndiꞌi yo ya vaꞌa ki̱ndoo Ndioxi taxi ra ndaꞌa yo ka̱na ra kundikun ñaꞌa.

El Apocalipsis 22:17

Tachi I̱í Ndioxi xiꞌin na veꞌe ñuꞌu na íin tá káá ñaꞌa yá tindaꞌa xiꞌin Levo loꞌo ikán kána na ra, káchi na saa xiꞌin ra: “Naꞌa Tata yo Jesús”, káchi na. Ta ndóꞌo̱ xíni soꞌo tuꞌun yóꞌó, kaꞌan tu ndóꞌo̱ saa va xiꞌin naꞌa: “Naꞌa ndo”, kachi ndo. Ta ndóꞌo̱ íchi tikuii ta kúni ndo koꞌo ndo rá, ta vaꞌa kixi ndo koo ndo rá, chi táxi rá kutaku ndo ndiꞌi saa kivi. Ta síniꞌi uun Ndioxi rá koꞌo ndo.