San Mateo 22:24 - Xochapa Mixteco

²⁴ ―Tata Maestro, soꞌva ndi̱kaꞌan ra Moisés xinaꞌa: “Tá ndi̱xiꞌi iin taa, ta köo seꞌe ra ndi̱kaku xiꞌin yá síꞌi ra, ta vaꞌa tindaꞌa ñani ra xiꞌin yá ya ná kaku seꞌe yá. Nda tá koo seꞌe ra ndi̱xiꞌi saa koo na yóꞌó”, káchi ya ta̱a ra Moisés.

San Mateo 22:24 Mawu Ofanana

San Mateo 22:16

Ñaa ti̱ꞌvi nda ikán nda taꞌan nda, nda ítaꞌan xiꞌin nda ñúꞌu xiꞌin partido ra Herodes, saa ndi̱xaa nda nuu Jesús ndi̱kaꞌan nda xiꞌin ra, káchi nda saa: ―Tata Maestro, xíni nde ya káꞌan un ya ndaa. Ta ndinuꞌu ni ini un sínaꞌa un naꞌa xiꞌin ya ndaa xaꞌa ichí Ndioxi. Ta köo xáꞌni un mií un ya káꞌan naꞌa xaꞌa ya sínaꞌa un na, saa chi köo kíꞌin un kuꞌva xiꞌin na tá kuꞌva íin na, iin káchi íkan un xiꞌin ndiꞌi va na.

San Mateo 22:25

Ta ¿unkua káchi yóꞌo̱ xaꞌa ya yóꞌó? Chi saa ndo̱ꞌo na taꞌan nde: ndi̱xiyo uxa ñani nda. Ta ra núnu̱ú ti̱ndaꞌa ra xiꞌin iin ñaꞌa, saa ndi̱xiꞌi ra, ta köo seꞌe yá ndi̱xiyo xiꞌin ra, saa ti̱ndaꞌa ñani ra, ra uvi xiꞌin yá.

San Mateo 22:36

―Tata Maestro, ¿ndá ley kua ndee ni ka xíniñuꞌu nuu ndiꞌi ya? ―káchi ra xiꞌin Jesús.

San Mateo 7:21

Saa káꞌan tuku Jesús, káchi ra saa: ―Íyo naꞌa káꞌan xiꞌin i: “Yóꞌo̱ ku ra chee, ra xáꞌnda chiñu nuu nde”, káchi na xiꞌin i. Sundi süvi ndiꞌi na ikán ku na kiꞌvi koo nuu xáꞌnda chiñu Ndioxi. Ndisaa na xáa súvi ya káꞌan Iva i Ndioxi ra íyo nuu ndivi ku na kiꞌvi koo xiꞌin ra.

San Marcos 12:19

―Tata Maestro, ley Ndioxi ya ta̱a ra Moisés káchi ya saa: “Tá íyo iin taa ta íyo yá síꞌi ra, ta köo seꞌe ra ndi̱kaku xiꞌin yá, ñaa ndi̱xiꞌi ra ta nduxa ndikiꞌin ñani ra yá, tá ka̱ku seꞌe ra xiꞌin yá ta nduu ya seꞌe ñani ra, ra ndi̱xiꞌi”, káchi ya ta̱a ra Moisés.

San Lucas 20:28

―Tata Maestro, ley ya ta̱a ra Moisés káchi ya saa: “Tá íyo iin ra ti̱ndaꞌa xiꞌin iin ñaꞌa, tá tu ndi̱xiꞌi ra ta ndi̱ndoo kuâan mií yá síꞌi ra, ta xíniñuꞌu ndikiꞌin ñani ra yá, ya ná kaku seꞌe yá. Tá tu ka̱ku seꞌe yá, ta tá káa seꞌe ií yá ra ndi̱xiꞌi saa nduu mií ya loꞌo ikán”, káchi ya ta̱a ra Moisés.

San Lucas 20:33

Ná nditaku na ndíi, ta ¿unku nda kindoo xiꞌin yá xaꞌa ya ndi̱xiyo ndiꞌi nda xiꞌin yá? ―káchi nda saduceo ikán xiꞌin Jesús.

San Lucas 6:46

Ta saa ndi̱kaꞌan ka ra xiꞌin na, káchi ra saa: ―Ta ndóꞌo̱, ¿ndachu kua káꞌan ndo ku i ra chee, ra ndee nuu ndo, ta köo íkan ndo ya káꞌan i xiꞌin ndo?