San Mateo 22:21 - Xochapa Mixteco

²¹ Saa ndi̱kuiin nda, káꞌan nda: ―Naꞌna ra rey César kua, ta kivi ra ikán kua ínuu nuu ya ―káchi nda xiꞌin ra. Saa ndi̱kaꞌan ra xiꞌin nda, káchi ra saa: ―Taxi ndo ya kúu ñaꞌa na chiñu ndaꞌa na chiñu, ta taxi tu ndo ya kúu ñaꞌa Ndioxi ndaꞌa Ndioxi ―káchi ra xiꞌin nda.

San Mateo 22:21 Mawu Ofanana

San Mateo 22:20

Saa ndi̱ndakan tuꞌun ra nda, káchi ra saa: ―¿Unku na xíin naꞌna ya, ta unku kivi kua ínuu nuu xuꞌun yóꞌó? ―káchi ra xiꞌin nda.

San Mateo 22:37

Saa ndi̱kuiin Jesús, káchi ra saa: ―Ley ya xíniñuꞌu ni ka kua yóꞌó: “Kuꞌvi ini yo kuni yo Ndioxi xiꞌin ndiꞌi nima yo, xiꞌin ndiꞌi ya vaꞌa yo, xiꞌin ndiꞌi ya xínituni yo”.

San Mateo 4:10

Saa ndi̱kuiin Jesús, ndi̱kaꞌan ra xiꞌin ri, káchi ra saa: ―¡Kuataꞌa, keta kuáꞌan, kiti nǎꞌa! saa chi tuꞌun Ndioxi káchi ya saa: “Ndisaa Ndioxi xaa toꞌo naꞌa, ta ndisaa mií ra kandixa na”, káchi tuꞌun ra ―káchi Jesús xiꞌin kiti nǎꞌa.

San Marcos 12:17

Ta saa ndi̱kaꞌan ra xiꞌin nda: ―Tá tu saa ra taxi ndo ñaꞌa ra rey César ndaꞌa ra, ta taxi tu ndo ñaꞌa ya kúu kuenta Ndioxi va ndaꞌa ra ―káchi ra xiꞌin nda. Tá ndi̱kaꞌan ra saa ta ndi̱kanda ni ini nda xaꞌa ya vaꞌa ni ndi̱kuiin ra.

San Lucas 20:25

Saa ndi̱kuiin ra káchi ra saa: ―Tá tu naꞌna ra rey ínuu nuu ya, ta kúni kachi ya xuꞌun ra ikán kua. Taxi ndo ya kúu kuenta ra rey ndaꞌa ra, ta vaꞌa taxi tu ndo ya kúu kuenta Ndioxi va ndaꞌa mií Iva yo Ndioxi ―káchi Jesús xiꞌin nda.

San Lucas 23:2

Tá ndi̱xaa na xiꞌin ra nuu ra Pilato, ta xa̱á na táxi na kuachi siki xaꞌa ra, káchi na saa: ―Xi̱ni nde ra yóꞌó táa sii ni ra naꞌa ya kuꞌun na sata ra. Ta väꞌa íkan ra, ra táꞌvi ñuu yo ku ra chi káꞌan ra xiꞌin na, ya ná chäꞌvi na xuꞌun ya kuaꞌan ndaꞌa ra rey César, saa chi mií ra ku Cristo, ra ti̱ꞌvi Ndioxi vaxi ra nduu ra rey ñuu ivi yóꞌó, káchi ra xiꞌin na ―káchi nda.

Los Hechos 4:19

Ñaa ndi̱kuiin ra Pedro tin ra Juan káꞌan nda xiꞌin na, káchi nda saa: ―Ndikani ini mií ndo, tata, ¿án vaꞌa ka xaa súvi nde nde ya káꞌan ndóꞌo̱ xiꞌin nde ta kändixa nde ya káꞌan Ndioxi?

Los Hechos 5:29

Saa ndi̱kuiin ra Pedro xiꞌin nda taꞌan ra, káchi nda saa: ―Ya xíniñuꞌu ni nde xaa súvi nde kua kúni Ndioxi nuu ya xaa súvi nde ya kúni na ñuu ivi yóꞌó.

ROMANOS 13:7

Tá tu íyo na níka ndo nuu, ta chaꞌvi ndo nuu na. Tá ndá ñaꞌa níka ndo xaꞌa nuu na chiñu, ta chaꞌvi ndo nuu na. Tá íyo naꞌa na xíniñuꞌu ndo xaa toꞌo ndo, ta vaꞌa xaa toꞌo ndo na, tá íyo na xíniñuꞌu xaa kaꞌnu ndo, ta vaꞌa xaa kaꞌnu ndo na.