San Mateo 22:13 - Xochapa Mixteco

¹³ Saa ndi̱kaꞌan ra rey xiꞌin nda moso ra, káchi ra saa: “Tiin ndo ra katun ndo ndaꞌa ra tin xaꞌa ra, saa tava ndo ra keꞌe ta chikaa ndo ra nuu naá ni, nuu ndee ni kuaku ra, tixuꞌvi ni ra ndakua ndikaxi nuꞌu ra”, káchi ra rey ikán.

San Mateo 22:13 Mawu Ofanana

San Mateo 12:29

Ná ndituꞌun i xiꞌin ndo: Tá íyo iin ra taa ndaku ni, ta küvi kiꞌvi inka ra kuiꞌna sikuiꞌna ra veꞌe ra ikán. Xiꞌna xíniñuꞌu ra katun ñaꞌa ra, saa kuchiñu ra kiꞌvi ra sikuiꞌna ra veꞌe ra ikán.

San Mateo 13:30

Vaꞌa ná kuaꞌnu ya xiꞌin taꞌan ya, nda kivi ná taꞌnda ya. Kivi ikán kaꞌan i xiꞌin na xáa chiñu nuu i kaꞌnda na xiꞌna iku väꞌa, saa katun na ya, ta taan na ya koko ya. Ta sindiꞌi saa kaꞌnda na trigo chivaꞌa na ya ini yaka i”, káchi ra chi̱ꞌi trigo xiꞌin nda xáa chiñu nuu ra ―káchi Jesús xiꞌin nda ítaꞌan xiꞌin ra.

San Mateo 13:42

Ta na tatun Ndioxi taan ñaꞌa na yóꞌó xitun nuu ndee ni xíxi ñu̱ꞌu̱, nuu kuaku ni na ta ndakua ndikaxi nuꞌu na xaꞌa ya ndee ni tixuꞌvi na.

San Mateo 13:50

Kiꞌin na, na väꞌa ikán taan na ini xitun nuu xíxi ni ñu̱ꞌu̱, nuu kuaku ni na, ta ndakua ndikaxin nuꞌu na ―káchi Jesús xiꞌin na.

San Mateo 24:51

Ta ndee ni sitixuꞌvi ñaꞌa patrón ra. Ñaa tiꞌvi ñaꞌa ra kuꞌun ra nuu ndóo na väꞌa, na uvi ini. Ta ikán ku nuu kuaku ni na ndakua ndikaxi nuꞌu na, xaꞌa ya ndee ni tíxuꞌvi na.

San Mateo 25:30

Ta ra moso väꞌa xáa chiñu, ta tava ndo ra keꞌe nuu naá ni, nuu kuaku ni ra ndakua ndikaxi nuꞌu ra”, káchi ra xitoꞌo ra ikán. Soꞌva káchi tuꞌun ndíchi yóꞌó ―káchi Jesús xiꞌin nda.

San Mateo 8:12

Ta na chi̱tuni Ndioxi koo xiꞌin ra nuu xáꞌnda chiñu ra ku na judío, sundi kuaꞌa ni na ikán köo xíin kandixa ñaꞌa. Xaꞌa ya ikán kua kuꞌun na kee na nuu naá ni, ta kuaku ni na xaꞌa ya tixuꞌvi na, saa ndakua ndikaxi nuꞌu na ―káchi Jesús xiꞌin naꞌa.

San Lucas 13:28

Ta kuaku ni ndo ndakua kaxi nuꞌu ndo, chi kuni ndo ra Abraham xiꞌin ra Isaac tin ra Jacob xiꞌin ndiꞌi nda ndi̱kaꞌan ndoso tuꞌun yuꞌu Ndioxi xinaꞌa. Kuni ndo nda íyo nda xiꞌin Ndioxi nuu xáꞌnda chiñu ra, ta ndóꞌo̱ küchiñu ka ndo kiꞌvi ndo.

San Juan 21:18

Ta saa ndi̱kaꞌan ka ra xiꞌin ra, káchi ra saa: ―Ya ndixa káꞌan i xiꞌin un, tá ndi̱xiyo kuâán un, ta ndíkundixi un toto un, ta kuaꞌan un nuu kúni mií un, sundi tá ná kuchee un ta tanii ndaꞌa un nuu na, ta inka na sikundixi yóꞌo̱, ta kundaka na yóꞌo̱ kuꞌun un xiꞌin na nuu köo kúni un kuꞌun un ―káchi ra xiꞌin ra.

Los Hechos 21:11

Ndi̱xaa ra xíto ra ndeꞌe. Tá ndi̱xaa ra, ta ti̱in ra cinturón ra Pablo, ka̱va nuu ra sukun ndaꞌa ra tin sukun xaꞌa ra, saa xa̱á ra káꞌan ra: ―Soꞌva káchi Tachi I̱í Ndioxi xaꞌa ra xíin iín toko ya yóꞌó, tá kuꞌva i̱kan i xiꞌin cinturón ra, saa ikan na judío xiꞌin ra tá ná xaa ra ñuu Jerusalén. Katun na ndaꞌa ra tin xaꞌa ra, saa ndi̱taxi na ra ndaꞌa naꞌa na köo kúu judío, káchi Tachi I̱í Ndioxi ―káchi ra Agabo ikán xiꞌin nde.

Los Hechos 7:54

Tá xi̱ni soꞌo na ya ndi̱kaꞌan ra Esteban xiꞌin na ta kini ni ndi̱saa na xiꞌin ra, ndakua ndíkaxi nuꞌu na xíto na nuu ra.

2 Tesalonicenses 1:9

Na ikán, ta ndee ni sindoꞌo Ndioxi na, ndiꞌi saa ichí taxi ra ndoꞌo ni na, saa tava ra na kuꞌun xika na nuu ra. Täxi ra koo na xiꞌin ra nuu luvi ni káa, nuu koo ra kaꞌnda chiñu ra.

2 Pedro 2:17

Ta saa kundoꞌo nda sínaꞌa ya vata ikán, chi tá íin poso nuu ndi̱ndichi tikuii va saa íin nda, án tá íin viko ya ndíso ndisaa tachi va saa íin nda. Sundi Ndioxi ta xa chi̱tuni ra ya kuꞌun nda nuu naá ni, nuu ndee ni kundoꞌo nda.

2 Pedro 2:4

Saa chi nda na tatun Ndioxi ta köo ndi̱xaa kaꞌnu ini ra xaꞌa na tá ndi̱yaꞌa na nuu ra i̱kan na ya väꞌa ta ti̱ꞌvi ra na kuaꞌan na ndaya, ta̱an ra na ini yavi nuu naá ni, ta ikán kuñuꞌu na nda kivi ná xaa nani ra kuachi xiꞌin na ñuu ivi.

Judas 1:13

Tá kuꞌva xíto yo ndee ni ndíkanda nuu nduta ñûꞌu ta iin kána koo ndiꞌi chiñu nuu ra ya kána koo ñaꞌa yakua ñúꞌu ini rá maá, ta kuꞌva saa íkan nda ikán ndínaꞌa nda ya yakua íyo nima nda. Tá ndo̱ꞌo kiti kimi, kiti nda̱ñuꞌu, ta ke̱e ri kuaꞌan ri ndi̱koyo ri nuu naá ni va, saa íin nda ikán. Ta saa kundoꞌo nda ndiꞌi saa kúu kivi.

Judas 1:6

Ta ndikaꞌán tu ini ndo ya kundo̱ꞌo na tatun Ndioxi, na köo ndi̱xaa súvi chiñu ya xa̱ꞌnda chiñu Ndioxi nuu na, si̱ndoo ndaꞌa na chiñu vaꞌa ni ta̱xi ra ndaꞌa na xaa súvi na. Ta xaꞌa ya ikán kua ta̱an ra na veꞌe kàà nuu naá ni, núꞌni na, ta ikán kuñuꞌu na ndiꞌi saa kúu tiempo ya vaxi, ta kundátun na nda ná tindaa kivi nuu yáꞌa ni ndee kuu ya xaa nani Ndioxi kuachi xiꞌin ndiꞌi na ñuu ivi.

El Apocalipsis 21:27

Ta nda iin ya kini, ni ya yakua küchiñu ya kiꞌvi ya ñuu i̱í ikán. Ni na ka̱ndixa ñaꞌa ya köo kúu Ndioxi ra ndaa ta kïꞌvi na, nda iin ñaꞌa ya väꞌa kïꞌvi ya ñuu ikán. Ndisaa naꞌa na ndóso kivi nuu tutu mií Levo ikán ku na kuchiñu kiꞌvi, saa chi nuu tutu ikán ndóso ndiꞌi kivi ndiꞌi na kutaku xiꞌin Ndioxi ndiꞌi saa kivi ya vaxi.