San Mateo 22:11 - Xochapa Mixteco

¹¹ ’Saa ndi̱kiꞌvi mií ra rey ka̱na na ikán veꞌe nuu ndóo na, ñaa ndi̱koto ra nuu iin ra índuꞌu ikán, ta köo ndíxi ra tá kuꞌva ndíxi na kuaꞌan nuu viko tíndaꞌa.

San Mateo 22:11 Mawu Ofanana

San Mateo 13:30

Vaꞌa ná kuaꞌnu ya xiꞌin taꞌan ya, nda kivi ná taꞌnda ya. Kivi ikán kaꞌan i xiꞌin na xáa chiñu nuu i kaꞌnda na xiꞌna iku väꞌa, saa katun na ya, ta taan na ya koko ya. Ta sindiꞌi saa kaꞌnda na trigo chivaꞌa na ya ini yaka i”, káchi ra chi̱ꞌi trigo xiꞌin nda xáa chiñu nuu ra ―káchi Jesús xiꞌin nda ítaꞌan xiꞌin ra.

San Mateo 22:10

Saa ka̱na koo nda xáa chiñu nuu ra kuaꞌan nda ichí ndíkaya ndiꞌi nda na ndítaꞌan nda. Na vaꞌa tin na väꞌa ta ndíkaya ndiꞌi ñaꞌa nda, saa chu̱tu ndaa na veꞌe ra nuu íyo viko ikán.

San Mateo 3:12

Ta xa íyo tuꞌva ra kixi ra, tá ná kixi ra, ta ikan ra tá íkan na ndítivi nuni. Chívaꞌa na nuni ini yaka na, ta táan na xeꞌe xíxi ya. Kuꞌva saa íyo nduvi ra ikán, ikan ra xiꞌin naꞌa kuꞌun na koko na nuu xíxi ñu̱ꞌu̱.

ROMANOS 13:14

Vaꞌa ni ka kua ná ndikundixi ni yo ndee Tata yo Jesucristo. Ta ná ndïkani kíꞌvi ini yo tá kuꞌva ndíkani ini na ñuu ivi yóꞌó, chi na ikán ta ndisaa xaꞌa chiñu kíꞌvi ya kútoo ni mií ikin kuñu na kua íkan na.

ROMANOS 3:22

Ta ya yóꞌó kua sínaꞌa Ndioxi nuu yo vitin: xaꞌa ya kándixa yo Jesucristo kua, ndúu yo naꞌa, na vaꞌa na köo ka kuachi kúu mií nuu ra, án yo judío ku yo, án süvi yo judío ku yo.

1 Corintios 4:5

Xaꞌa ya ñaa kua káꞌan i xiꞌin ndo, táxi i nuu ndo. Käꞌan kama ni ndo xaꞌa naꞌa ya xaa nani ndo kuachi xiꞌin na. Kundatun ndo nda ná xinu mií tiempo ya ndiko koo Tata yo Jesucristo, chi mií ra ku ra sindiyeꞌe ndiꞌi saa kúu. Ta saa kua ndituvi ndiꞌi ñaꞌa ya íyo sěꞌe vitin. Ta saa kua ndituvi nda ñaꞌa ya íyo sěꞌe nima naꞌa, ndá kuꞌva ku ya ndíkani ini na. Ta suvi mií tiempo ikán kua xaa kaꞌnu Ndioxi naꞌa, tá kuꞌva íyo ya i̱kan na, saa koo ya ikan ra xiꞌin na.

2 Corintios 5:3

Chi tá ná tindaa kivi ya ndundaa ikin kuñu kúu mií yo vitin, ta köo chála yo, chi ndi̱kiꞌin yo inka ikin kuñu ya xa̱á.

Gálatas 3:27

Tá kúu ndiꞌi yo chi̱chi xaꞌa ya kándixa yo Cristo ta iin ndu̱u yo xiꞌin ra, tá káa iin toto xa̱á saa káa ya táxi ra ndíxi yo, chínuu ra ya sata yo sísaꞌvi ya yoo.

Efesios 4:24

Ta xaꞌa ya ndu̱u ndo naꞌa, na xa ndu̱xaa ini tá kuꞌva kúni mií Ndioxi, ta saa kua ndu̱u ndo tá íin naꞌa, na köo ka kuachi kúu mií nuu ra, ta ndu̱u ndo naꞌa, na i̱í xaꞌa ya ku̱ndaa ini ndo ya ndaa xaꞌa ra.

El Apocalipsis 16:15

Xaꞌa ya ikán kua xíniñuꞌu ndi̱kaꞌán ini ndo xaꞌa tuꞌun ya ndi̱kaꞌan Tata yo Jesucristo xiꞌin na ndíkun sata ra, káchi ra saa: ―¡Koto ndo vii! Tá íkan iin ra kuiꞌna, kivi köo ndátun ndo ra. Saa koo kivi ndiko koo i ñuu ivi. Ta naꞌa na ndíto koo tuꞌva na ndikiꞌin na yeꞌe, ta taxi Ndioxi ya ndixa kusini na ikán. Ta naꞌa na ndíto, xíniñuꞌu koo tuꞌva tikoto na ya kundixi na, ya ná kükaꞌan nuu na íyo chála na kivi ndiko koo i ―káchi Tata yo Jesucristo ndi̱kaꞌan ra.

El Apocalipsis 19:8

Ta ñaꞌa yá tíndaꞌa ikán ta xa kúu mií yá ichí kundixi yá toto yaa ni, ya kúu ya lino, ya yéꞌe̱ táxan ni, chi ya lino yaa ni ikán ku ya vaꞌa ni, ya i̱í íkan na ndíkun Tata yo Jesucristo káchi tuꞌun ya xi̱ni soꞌo i.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.

El Apocalipsis 3:18

Yakan yeꞌe, ta káꞌan i xiꞌin ndo, vaꞌa sata ndo oro ya ndinuꞌu nuu i, oro ya xáꞌmi na xiꞌin ñu̱ꞌu̱ xíxi, ya ndúu ya oro nina. Taꞌan ya ikán kua íyo nuu i. Sata ndo ya nuu i, saa nduu ndo naꞌa, na ndixa ni kuika. Tá tu köo kúni ndo kukaꞌan ni nuu ndo xaꞌa ya chála ndo, ta sata ndo toto yaa ni nuu i kundixi ndo. Saa sata tu ndo tatan nuu i, kee nduchi nuu ndo ya ná ndikoto vaꞌa ndo.