San Mateo 21:5 - Xochapa Mixteco

⁵ Kaꞌan un xiꞌin na ñuu Sión: “Koto ndo, vaxi ra rey ñuu ndo nuu ndo, Ra toꞌo ni ku ra, ta yóso ra burru loꞌo, iin ri loꞌo ku ri yóso ra, seꞌe kiti ndíso vee ku ri”. Soꞌva káchi Ndioxi nuu ta̱a ra profeta xinaꞌa.

San Mateo 21:5 Mawu Ofanana

San Mateo 11:29

Xaa súvi ndo ya káꞌan i xiꞌin ndo ya káa tá káa itun yuku i. Sikuaꞌá ndo tá kuꞌva íyo i, chi yeꞌe ta köo kueꞌe ini i, ndaꞌvi ni ini i, vaꞌa ni taa ku i, ikán ndo saa, ta saa kuchiñu ndo ndikundee ndo.

San Mateo 2:2

Saa tá ndi̱xaa nda ta ndi̱ndakan tuꞌun nda na ñuu Jerusalén, káchi nda saa: ―¿Mií kua ka̱ku ra loꞌo, ra kúu rey nuu na Judío? Saa chi nuu kéta ñu̱ꞌù xi̱ni nde ke̱ta kimi, saa ku̱ndaa ini nde xa ka̱ku ra, yakan vaxi nde koto nde ra, xaa kaꞌnu ñaꞌa nde ―káchi nda ndíchi ikán.

San Mateo 2:6

Ñuu Belén, ya ndíkaa estado Judea kuu iin ñuu ya ndáa yaꞌvi ni ka nuu ndiꞌi ñuu, chi nda ñuu ikán kixi ra xaa kuenta xiꞌin na ñuu Israel, káchi Ndioxi, nuu ta̱a nda profeta ―káchi nda ndíso chiñu nuu na judío xiꞌin ra rey Herodes.

San Mateo 21:6

Saa ke̱e nda ítaꞌan xiꞌin Jesús kuaꞌan nda, xa̱a súvi nda tá kuꞌva íyo ya ndi̱kaꞌan ra xiꞌin nda.

San Lucas 24:27

Saa xa̱á ra sínaꞌa ra nda, xiꞌna ya ta̱a ra Moisés kua xa̱á ra ndíkani ra nuu nda, saa sínaꞌa ndiꞌi ka ra nda unkua káchi ndiꞌi tuꞌun Ndioxi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, nuu káꞌan ndiꞌi ya xaꞌa mií ra.

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

2 Corintios 10:1

Ta yeꞌe Pablo, ku ra káꞌan xiꞌin ndo xáku ndaꞌvi i nuu ndo xiꞌin ya vaꞌa, ya mani ta̱xi Cristo ndaꞌa i. Saa chi sava ndo káꞌan xaꞌa i ya ndee ni vita ini i tá íyo i xiꞌin ndo, sundi tá íyo xíka i nuu ndo ta ndee ni ndaku ini i, káchi ndo xaꞌa i.