San Mateo 21:45 - Xochapa Mixteco

⁴⁵ Tá xi̱ni soꞌo nda naꞌnu nuu sutu xiꞌin nda fariseo, ya ndi̱kaꞌan Jesús, saa ku̱ndaa ini nda ya ndi̱kaꞌan tuꞌun ndíchi ikán xaꞌa nda.

San Mateo 21:45 Mawu Ofanana

San Mateo 12:12

¡Yakan xíniñuꞌu ndo kundaa ini ndo, ya ndee ni ka ndáa yaꞌvi iin taa nuu kiti levo sana ndo! Xaꞌa ya ñaa kua vaꞌa ikan yo ya vaꞌa kivi i̱í ndíkundee yo ―káchi ra xiꞌin nda.

San Mateo 13:3

Saa xa̱á ra ndítuꞌun ra kuaꞌa ni nuu tuꞌun ndíchi xiꞌin na, sínaꞌa ra na, káchi ra saa: ―Kuni soꞌo ndo ya káꞌan i xiꞌin ndo: Saa ndo̱ꞌo iin ra chíꞌi siꞌva trigo.

San Mateo 21:44

Ndiꞌi na kákiꞌi ta kóyo na sata yu̱ú yóꞌó ta ndoꞌni yaa na ikan ya, tá ná ndikava ya sata na ta ndasa yuchi ndiꞌi ya na ―káchi Jesús xiꞌin na.

San Mateo 21:46

Ñaa ndi̱kani ini nda tiin nda ra, ta köo ndi̱kuvi tiin ñaꞌa nda xaꞌa ya íꞌvi nda nuu na ñuu, saa chi na ikán ta káꞌan na xaꞌa ra kúu ra profeta ra káꞌan ndoso tuꞌun yuꞌu Ndioxi.

San Lucas 11:45

Ta saa ndi̱kuiin iin ra maestro ra sínaꞌa ley ya ta̱a ra Moisés, káchi ra saa: ―Tata Maestro, nda ndeꞌe kánaꞌa un xaꞌa xiꞌin tuꞌun ya káꞌan un xiꞌin nda fariseo yóꞌó ―káchi ra.

San Lucas 20:19

Ñaa xi̱ni soꞌo nda naꞌnu nuu sutu ikán xiꞌin nda sínaꞌa ley ya ta̱a ra Moisés ya ndi̱kaꞌan Jesús, ta ndikun ku̱ni nda tiin ñaꞌa nda, chi ku̱ndaa ini nda xaꞌa mií nda kua ndi̱kaꞌan tuꞌun ndíchi ikán. Sundi köo ndi̱kuchiñu nda tiin nda ra, saa chi íꞌvi nda nuu na ñuu.