San Mateo 21:40 - Xochapa Mixteco

⁴⁰ Saa ndi̱ndakan tuꞌun Jesús na xi̱ni soꞌo tuꞌun ndíchi ikán, káchi ra saa: ―¿Unkua ndíkani ini ndóꞌo̱? Tá ná ndiko koo ra ta̱xi too ñuꞌú nuu íyo teꞌe uva ikán, ta ¿unkua ikan ra xiꞌin na ndu̱ku too ñuꞌú nuu ra, túvi ndóꞌo̱? ―káchi ra xiꞌin na.

San Mateo 21:40 Mawu Ofanana

San Mateo 21:34

Tá ti̱ndaa kivi ya taꞌnda ri, ta saa ti̱ꞌvi ra sava na xáa chiñu nuu ra kuaꞌan na nuu nda xáa chiñu xiꞌin ri ya nduku nda yaꞌvi ñuꞌú ra.

San Mateo 21:39

Saa ti̱in nda ra, ki̱ꞌin nda ra ta̱va nda sata nama ya ndási nuu ñuꞌú ikán, ta xa̱ꞌni nda ra ―káchi Jesús xiꞌin na.

San Mateo 21:41

Saa ndi̱kuiin na, káꞌan na, káchi na saa: ―Ndee ni ikan ra xiꞌin na, kaꞌni ra na. Sindiꞌi xaꞌa ra na. Saa taxi too ra ñuꞌú ra ndaꞌa inka na vaꞌa chaꞌvi ―káchi na.

San Marcos 12:9

Saa ndi̱kaꞌan ra xiꞌin na, káchi ra saa: ―¿Unkua ikan ra ta̱xi too ñuꞌú xiꞌin nda ndu̱ku too ya nuu ra, káchi ndóꞌo̱? Yeꞌe káchi saa, tá ná ndiko koo ra ta kaꞌni ra nda ikán, saa taxi too ra ñuꞌú ra ndaꞌa inka naꞌa ―káchi Jesús xiꞌin na.

HEBREOS 10:29

Ta ndisaa ka vi ndee ni ndee kundoꞌo naꞌa, na kóso kava Tata yo Jesucristo, ra kúu Seꞌe Ndioxi, chi köo kíꞌin na kuenta xaꞌa nií ra, nda tá káa rá väꞌa saa káa ra nuu na, saa íkan naꞌa, na kúndasi nuu xíni Tachi I̱í Ndioxi, ra kúꞌvi ni ini xíni ñaꞌa, chi suvi xiꞌin nií Tata yo Jesucristo kua ki̱ndoo ra trato ya ikan ra ya vaꞌa xiꞌin yo.