San Mateo 21:29 - Xochapa Mixteco

²⁹ Ñaa ndi̱kuiin seꞌe ra, káꞌan ra: “Küꞌun i”, káchi ra. Saa kunaꞌa vaꞌa loꞌo, ta ndi̱nama xiní seꞌe ra, ta ndi̱xaꞌan ra xa̱a chiñu ra.

San Mateo 21:29 Mawu Ofanana

San Mateo 21:28

Saa ndi̱kaꞌan ka Jesús xiꞌin nda, káchi ra saa: ―Ta ndóꞌo̱, unkua ndíkani ini ndo xaꞌa ya káꞌan i xiꞌin ndo vitin? Saa ndo̱ꞌo iin taa, ndi̱xiyo uvi seꞌe taa ra. Saa ndi̱kaꞌan ra xiꞌin seꞌe nuu ra, káchi ra saa: “Iva, vitin kuꞌun un xaa chiñu un nuu ñuꞌú yo, nuu íyo kiti uva”, káchi ra.

San Mateo 21:30

Saa ke̱e iva ra ikán ndi̱xaꞌan ra ndi̱kaꞌan ra xiꞌin inka ra loꞌo seꞌe ra, ra uvi. Tá ndi̱kaꞌan ra xiꞌin ra núnu̱ú saa ndi̱kaꞌan tu ra xiꞌin ra ikán va. Ta ndi̱kuiin ra ikán kuꞌun ra, sundi köo ndi̱xaꞌan ra.

San Mateo 21:31

Ta vitin, ¿unkua túvi ndóꞌo̱? ¿Unku seꞌe ra yóꞌó xa̱a súvi ya ndi̱kaꞌan ra? ―káchi Jesús. Saa ndi̱kuiin na káꞌan na: ―Ra núnu̱ú ku ra xa̱a súvi chiñu ya kúni iva ra ―káchi na. Saa ndi̱kaꞌan Jesús xiꞌin na, káchi ra: ―Ya ndaa káꞌan i xiꞌin ndo, naꞌa na ndíkaya xuꞌun nuu gobierno ñuu Roma xiꞌin ná ñaꞌa ná xíko mií, na yóꞌó ku na xiꞌna kuakiꞌvi ichí nuu xáꞌnda chiñu Ndioxi, nuu ndóꞌo̱.

Los Hechos 26:20

Ndikun xa̱á i káꞌan i xiꞌin na, xiꞌna na ndóo ñuu Damasco xa̱á i káꞌan i xiꞌin, tá ndi̱ꞌi ikán ta xa̱á i káꞌan i xiꞌin na ndóo ñuu Jerusalén, saa ndi̱xaꞌan i ndiꞌi ka inka ñuu ya ñúꞌu estado Judea. Saa ke̱e tu i ndi̱xaꞌan i nda inka ñuu nuu ndóo na köo kúu judío. Ndi̱xaꞌan i ndi̱kaꞌan ndoso i xiꞌin na ya ná ndiko koo ini na nuu Ndioxi, saa ikan na ya vaꞌa xaꞌa ya ndi̱ko koo ini na nuu ra.

1 Corintios 6:11

Taꞌan ya väꞌa yóꞌó ku ya i̱kan sava ndo yachi. Sundi vitin ta xa ndo̱o kuachi ndo, xa ndu̱u ndo naꞌa, na i̱í, na köo ka kuachi kúu mií nuu Ndioxi. Ta xa ndi̱kuiso vaꞌa ra ndóꞌo̱ tixin ndee Tata yo Jesucristo, saa tu xiꞌin ndee Tachi I̱í mií Iva yo Ndioxi va.