San Mateo 21:25 - Xochapa Mixteco

²⁵ Ta kaꞌan ndo xiꞌin i, ¿unku na ti̱ꞌvi ra Juan ya sikuchi ra naꞌa? ¿Án Ndioxi ti̱ꞌvi ra, án naꞌa ti̱ꞌvi ra? Tá tu ná ndikuiin ndo yuꞌu i, ta saa tu yeꞌe va kaꞌan i xiꞌin ndo unku ta̱xi ichí ndaꞌa i ya ikan i saa ―káchi ra xiꞌin nda. Saa xa̱á nda káꞌan xiꞌin taꞌan nda, káchi nda saa: ―Tá ná kaꞌan yo Ndioxi ti̱ꞌvi ra, ta kaꞌan ra xiꞌin yo: “Ta ndachu köo ndi̱kandixa ndo ra?”, kachi ra xiꞌin yo.

San Mateo 21:25 Mawu Ofanana

San Mateo 16:7

Saa xa̱á nda káꞌan xiꞌin taꞌan mií nda, káchi nda saa: ―Án sana xaꞌa ya köo xíta vaꞌa ndíso yo yakan káꞌan ra saa ―káchi nda.

San Mateo 21:24

Saa ndi̱kuiin Jesús, káꞌan ra: ―Saa tu yeꞌe va, kúni i ndakan tuꞌun i ndóꞌo̱. Tá tu ná ndikuiin ndo yuꞌu i, ta ndi̱kuiin tu yeꞌe va yuꞌu ndo, kaꞌan i xiꞌin ndo, unku ta̱xi ichí ndaꞌa i ya íkan i ya yóꞌó.

San Mateo 21:26

Tá ná kaꞌan yo na ivi ti̱ꞌvi ra, kachi yo, ta íꞌvi yo nuu naꞌa, saa chi ndiꞌi na ndíkani ini Ndioxi ti̱ꞌvi ra vaxi ra ―káchi nda.

San Lucas 14:4

Ta köo ndi̱kuiin nda yuꞌu ra. Saa chi̱nuu ndaꞌa ra sata ra kúꞌvi ikán ta si̱ndaꞌa ñaꞌa ra. Saa ti̱ꞌvi ñaꞌa ra kuanuꞌu ra veꞌe ra.

San Lucas 20:5

Ñaa xa̱á nda káꞌan nda xiꞌin taꞌan nda, káchi nda saa: ―Tá ná kaꞌan yo xiꞌin ra: “Ndioxi ku ra ta̱xi ichí ndaꞌa ra Juan”, kachi yo, ta kaꞌan ra xiꞌin yo: “¿Ndachu köo ndi̱kandixa ndo ra?”, kachi ra.

San Juan 1:15

Ta ra Juan ku ra ndíkuiin xaꞌa ra ikán, chi ra ikán ku taa, ra kúu tuꞌun Ndioxi. Ndee ni ndi̱kaꞌan ra Juan káchi ra saa: ―Ra yóꞌó ku taa ra ndi̱kaꞌan i xaꞌa xiꞌin ndo yachi, ka̱chi i saa: Ra vaxi sata i, ta chee ni ka ra ikán nuu i chi xa yachi vi íyo ra ―káchi ra Juan.

San Juan 1:6

Ndi̱xiyo iin taa ra ti̱ꞌvi Ndioxi xaa chiñu nuu ra, ta ra ikán nani ra Juan.

San Juan 3:18

’Ta ndiꞌi na kándixa Seꞌe Ndioxi ta küꞌun na nuu ndoꞌo ni na, sundi na köo xíin kandixa Seꞌe ra ta xa chi̱tuni Ndioxi ndiꞌi xaꞌa na, chi xïin na kandixa na kivi Seꞌe Ndioxi, ra iindaa mituꞌun nuu ra.

1 Juan 3:20

Tá táxi nima yo kuachi xaꞌa yo nuu Ndioxi, ta ná kundaa ini yo chi kaꞌnu ni ini mií ra ya xaa kaꞌnu ini ra xaꞌa yo, saa chi xa xíni ndiꞌi va mií ra ya íyo ini yo.