San Mateo 21:24 - Xochapa Mixteco

²⁴ Saa ndi̱kuiin Jesús, káꞌan ra: ―Saa tu yeꞌe va, kúni i ndakan tuꞌun i ndóꞌo̱. Tá tu ná ndikuiin ndo yuꞌu i, ta ndi̱kuiin tu yeꞌe va yuꞌu ndo, kaꞌan i xiꞌin ndo, unku ta̱xi ichí ndaꞌa i ya íkan i ya yóꞌó.

San Mateo 21:24 Mawu Ofanana

San Mateo 10:16

Tiꞌvi i ndóꞌo̱ kuꞌun ndo ndikani ndo tuꞌun Ndioxi nuu naꞌa, ta ìyo ni kuꞌun ndo, nda tá ìyo kuaꞌan levo ñaꞌñu nuu íyo ni kiti ndivaꞌi, saa ìyo kuꞌun ndo tañu naꞌa. Tá kuꞌva íkan kiti ko̱ó, saa koo ndo, ndíchi vaꞌa koo ndo, saa tu tá kuꞌva íin kiti paloma köo kueꞌe ri, kuꞌva saa koo ndo.

San Mateo 21:23

Tá ndi̱xaa Jesús yeꞌe veꞌe ñuꞌu kaꞌnu, ta saa xa̱á ra sínaꞌa ra naꞌa. Tá sínaꞌa ra na, saa ku̱yati nda naꞌnu nuu sutu xiꞌin nda xikuaꞌa nuu na judío, saa ndi̱ndakan tuꞌun ñaꞌa nda, káchi nda: ―¿Míí ke̱e ichí ya íkan un saa? ¿Unku na ta̱xi ichí ndaꞌa un ikan un saa? ―káchi nda xiꞌin ra.

San Mateo 21:25

Ta kaꞌan ndo xiꞌin i, ¿unku na ti̱ꞌvi ra Juan ya sikuchi ra naꞌa? ¿Án Ndioxi ti̱ꞌvi ra, án naꞌa ti̱ꞌvi ra? Tá tu ná ndikuiin ndo yuꞌu i, ta saa tu yeꞌe va kaꞌan i xiꞌin ndo unku ta̱xi ichí ndaꞌa i ya ikan i saa ―káchi ra xiꞌin nda. Saa xa̱á nda káꞌan xiꞌin taꞌan nda, káchi nda saa: ―Tá ná kaꞌan yo Ndioxi ti̱ꞌvi ra, ta kaꞌan ra xiꞌin yo: “Ta ndachu köo ndi̱kandixa ndo ra?”, kachi ra xiꞌin yo.

San Lucas 6:9

Ñaa ndi̱ndakan tuꞌun Jesús nda maestro ikán xiꞌin nda fariseo, káchi ra saa: ―¿Unkua káꞌan ya ta̱a ra Moisés xaꞌa kivi ndíkundee yo? ¿Án vaꞌa ka ikan yo ya vaꞌa án ya väꞌa? ¿Án vaꞌa ka chindee yo naꞌa, án vaꞌa ka kaꞌni yo na? ―káchi ra xiꞌin nda.

Colosenses 4:6

Tá káꞌan ndo xiꞌin na, ta vivií ndi̱tuꞌun ndo xiꞌin na, nda tá kuꞌva yasin ñaꞌa xíxi yo ya kuakee iín xiꞌin, kuꞌva saa yasin ndituꞌun ndo xiꞌin na. Saa kua vaꞌa kuchiñu ndo ndikuiin ndo yuꞌu na tá ndákan tuꞌun na ndóꞌo̱ ndá ka ñaꞌa.