San Mateo 21:19 - Xochapa Mixteco

¹⁹ Saa xi̱ni ra iin itun higo ndíchi nu yati yuꞌu ichí, ñaa ku̱yati ra nuu ndíchi nu, ni köo kuiꞌi ndi̱niꞌi ra ndaꞌa nu, ndá iku mií íyo ndaꞌa nu. Saa ndi̱kaꞌan ra xiꞌin nu, káchi ra: ―Nda iin ka kuiꞌi käna ndaꞌa un kivi vaxi ―káchi ra xiꞌin nu. Saa ndikun ndi̱ndichi itun higo ikán.

San Mateo 21:19 Mawu Ofanana

San Mateo 21:20

Tá xi̱ni nda ítaꞌan xiꞌin ra, ya ndo̱ꞌo nu ikán, saa ndi̱kanda ni ini nda, ta ndi̱ndakan tuꞌun nda ra, káchi nda: ―¿Ndachu kama ni ndi̱ndichi itun higo yóꞌó? ―káchi nda xiꞌin ra.

San Marcos 11:14

Ta saa ndi̱kaꞌan ra xiꞌin nu, káchi ra saa: ―Nda iin ka kivi käxi naꞌa kuiꞌi ndaꞌa un ―káchi ra xiꞌin nu. Saa xi̱ni soꞌo nda ítaꞌan xiꞌin ra ya ndi̱kaꞌan ra xiꞌin itun higo ikán.

San Marcos 11:20

Ndi̱tuvi naꞌa inka kivi, ndi̱yaꞌa tuku Jesús xiꞌin nda ítaꞌan xiꞌin ra nuu ndíchi itun higo, ta saa xi̱ni nda ndi̱ndichi nda tioꞌo nu.

San Lucas 3:9

Ta ná kundaa ini ndo, chi Ndioxi ta xa íyo ndúvi ra xiꞌin yacha ya kaꞌnda ra nda tioꞌo itun köo kúun kuiꞌi vaꞌa ndaꞌa, ta kee nu koko nu nuu ñu̱ꞌu̱ ―káchi ra Juan xiꞌin na.

San Juan 15:2

Xáꞌnda ndiꞌi ra teꞌe ndaꞌa nu ya köo kúun kuiꞌi ndaꞌa. Ta ya kúun kuiꞌi ndaꞌa ta xáa vií ra xiꞌin ya, xáꞌnda ndoso ra ya, ná nana ndixin ya, ta saa kana kuaꞌa ka kuiꞌi ndaꞌa ya.

San Juan 15:6

Tá ndá na köo ítaꞌan tuun xiꞌin i, ta kundoꞌo na tá kuꞌva ndóꞌo teꞌe ndaꞌa nu íchi ya, ta saa ndíkuiso na ya xáta na nuu xíxi ñu̱ꞌu̱, ta ndee ni xíxi ya.

2 Timoteo 3:5

Ta kaꞌan na ya káñuꞌu ni na Ndioxi, sundi kuꞌva íkan na, ta ndínaꞌa na mií na ya köo ndinuꞌu ini na ndíkun na ra. Ta yóꞌo̱, ta vaꞌa kuxika un nuu na ñaa. Kütaꞌan un xiꞌin na.

Tito 1:16

Káꞌan na xíni na Ndioxi sundi ndiꞌi ñaꞌa väꞌa íkan na ta ndínaꞌa na mií na ya köo xíni na ra, ta ndíkuaa va na ra, saa kúndasi nuu na xíni na naꞌa, ta köo xíin na xaa súvi na ya kúni Ndioxi, ta nda iin ñaꞌa vaꞌa küchiñu na ikan na.

Judas 1:12

Ta nda vata káꞌan yo xaꞌa yóꞌó ta nda síndiꞌi xaꞌa va ku nda vikó ya táva ndo nuu ndíkaꞌán ini ndo xaꞌa Tata yo Jesucristo, chi tá xáa nda nuu ndóo ndo ta ndee ni xíxi nda tin xíꞌi nda ndakua xáa ini nda, ndisaa xaꞌa mií va nda ndee ni ndíꞌi ini nda, ta ni köo xáa toꞌo nda Ndioxi. Tá íin nda paxto ndáa kiti sana nda, ta ndisaa xaꞌa mií va nda ndíꞌi ni ini nda kuxi nda, saa íin nda ñaa. Saa íin tu nda tá íyo vi̱kó ya köo savi ndíso, ya síndiꞌi xaꞌa tachi. Saa íin tu nda tá íin itun kuiꞌi xa xíniñuꞌu kuun kuiꞌi ndaꞌa, ta ni köo kuiꞌi kúun ndaꞌa nu. Tá íin itun ta̱va vaꞌa naꞌa tioꞌo saa íin nda. Xa ndi̱ꞌi vaꞌa xaꞌa nda.

El Apocalipsis 22:11

Naꞌa na íkan ya väꞌa, ta vaꞌa ná ikan ka na ya väꞌa. Na íkan ya kini, ta ná ikan ka na ya kini. Na íkan ya vaꞌa ta ná ikan ka na ya vaꞌa. Na i̱í, na xáa súvi ya kúni Ndioxi, ta ná xaa súvi ka na ya kúni Ndioxi ―káchi tatun Ndioxi ikán xiꞌin i.