San Mateo 21:16 - Xochapa Mixteco

¹⁶ Saa ndi̱kaꞌan nda naꞌnu nuu sutu xiꞌin Jesús, káchi nda: ―¿Án xíni soꞌo un unkua káꞌan na vali yóꞌó? káchi nda. Saa ndi̱kuiin Jesús, káꞌan ra: ―Uun, xíni soꞌo va i ya káꞌan na. Ta ndóꞌo̱, ¿án täꞌan kaꞌvi ndo ya káꞌan tuꞌun Ndioxi xaꞌa ya yóꞌó, nuu káꞌan ya? “Nda na vali xiꞌin na lee vali chíchin ta ndee ni ndinuꞌu ini na káꞌan vaꞌa na xaꞌa i, saa xíta na yaa nuu i”, káchi ya íyo nuu tuꞌun Ndioxi ―káchi Jesús xiꞌin nda.

San Mateo 21:16 Mawu Ofanana

San Mateo 11:25

Tiempo ikán ndi̱kaꞌan Jesús xiꞌin Ndioxi, káchi ra saa: ―Tata Iva yo, yóꞌo̱ ku ra chee nuu ndiꞌi na ñuu ivi yóꞌó xiꞌin nuu ndivi. Xáa kaꞌnu ni i yóꞌo̱ chi xa si̱naꞌa un na ndaꞌvi, na köo kúndaa ini, na íin tá íin na vali, ku̱ndaa ini na ya vaꞌa xaꞌa un. Ta ti̱seꞌe un ya vaꞌa yóꞌó nuu naꞌa, na ndíchi, na xíni ni.

San Mateo 12:3

Saa ndi̱kuiin Jesús, káchi ra saa: ―¿Án täꞌan kaꞌvi ndo nuu tuꞌun Ndioxi, nuu káꞌan ya xaꞌa xii yo ra rey David unkua i̱kan ra tá kivi ndi̱kaꞌun ini ra xiꞌin nda taꞌan ra?

San Mateo 19:4

Saa ndi̱kuiin Jesús káchi ra saa: ―¿Án täꞌan kaꞌvi ndo unkua káꞌan tuꞌun Ndioxi tá kivi si̱kuaꞌa ra ñuu ivi yóꞌó? Chi kivi tá “si̱kuaꞌa Ndioxi ñuu ivi yóꞌó, ta si̱kuaꞌa ra iin taa xiꞌin iin ñaꞌa”.

San Mateo 22:31

Ta ya káꞌan tu ndóꞌo̱ án ndixa kua ndítaku na xa ndi̱xiꞌi, káchi ndo, ta nuu mií ley Ndioxi ya si̱ndoo ra Moisés ndaꞌa yo kua sínaꞌa yoo. ¿Ta án täꞌan kaꞌvi ndo ya ndi̱kaꞌan Ndioxi xaꞌa ya yóꞌó, tá ndi̱kaꞌan ra káchi ra soꞌva?

San Marcos 13:17

Ta ndaꞌvi ni ná ñaꞌa ná ñúꞌu seꞌe, saa tu ná sikan ka̱ku seꞌe lee ná chíchin seꞌe, ndoꞌo ni ná kivi tá ná kuu saa.

San Marcos 2:25

Saa ndi̱kuiin ra, káꞌan ra xiꞌin nda, káchi ra saa: ―¿Án köo kúndaa ini ndo unkua káꞌan tuꞌun Ndioxi xaꞌa ya i̱kan ra rey David, tá kivi ndi̱kaꞌun un ini ra xiꞌin nda taꞌan ra?

San Lucas 21:23

Saa ná ñaꞌa ñúꞌu seꞌe án ná chíchin seꞌe kivi ikán, ndaꞌvi ni ná chi ndee ni kuu. Saa chi yáꞌa ni ndee kuu ñuu ivi, ta saa ndee ni ndoꞌo na ñuu Jerusalén yóꞌó.