San Mateo 21:15 - Xochapa Mixteco

¹⁵ Saa ndi̱saa ni nda naꞌnu nuu sutu xiꞌin nda sínaꞌa ley Ndioxi tá xi̱ni nda yatuꞌun i̱kan Jesús, xiꞌin ya xi̱ni soꞌo nda ndee ni ndi̱kaꞌan na vali ndíta keꞌe veꞌe ñuꞌu kaꞌnu, káchi na: ―¡Hosanna! ¡Ná xaa kaꞌnu yo Ndioxi xaꞌa seꞌe ra David yóꞌó! ―káchi na.

San Mateo 21:15 Mawu Ofanana

San Mateo 20:24

Saa tá ku̱ndaa ini inka uxi saa nda taꞌan ra Jacobo xiꞌin ra Juan, ñani ra, ta ndi̱saa nda xiꞌin nda ikán.

San Mateo 21:23

Tá ndi̱xaa Jesús yeꞌe veꞌe ñuꞌu kaꞌnu, ta saa xa̱á ra sínaꞌa ra naꞌa. Tá sínaꞌa ra na, saa ku̱yati nda naꞌnu nuu sutu xiꞌin nda xikuaꞌa nuu na judío, saa ndi̱ndakan tuꞌun ñaꞌa nda, káchi nda: ―¿Míí ke̱e ichí ya íkan un saa? ¿Unku na ta̱xi ichí ndaꞌa un ikan un saa? ―káchi nda xiꞌin ra.

San Mateo 21:9

Ta ndiꞌi naꞌa kuaꞌan xiꞌin ra, na ndóso nuu tin na ndíkun sata ra, iin ndáꞌi koꞌo ndiꞌi na, káchi na saa: ―¡Hosanna! ¡Ná xaa kaꞌnu ni yo Ndioxi xaꞌa Seꞌe ra David yóꞌó! ¡Chi yuꞌu Iva yo Ndioxi kua vaxi ra yóꞌó sikaku ra yoo! ¡Hosanna! ¡Ná kunuu sukun ni ya toꞌo Ndioxi! ―káchi na xaꞌa Jesús.

San Mateo 22:42

káchi ra saa: ―¿Unkua ndíkani ini ndóꞌo̱ xaꞌa ra kúu Cristo, ra ti̱ꞌvi Ndioxi sikaku yoo? ¿Unku na veꞌe ra yóꞌó? ―káchi Jesús. Saa ndi̱kuiin nda, káꞌan nda xiꞌin ra: ―Seꞌe sikua ra rey David ku ra ―káchi nda.

San Mateo 26:3

Ta suvi mií tiempo ikán íyo nda sutu naꞌnu nuu sutu xiꞌin nda sínaꞌa ley Ndioxi xiꞌin na xikuaꞌa nuu na judío, ndi̱kitaꞌan ndiꞌi na yeꞌe veꞌe ra Caifás, ra kaꞌnu nuu ndiꞌi sutu.

San Mateo 26:59

Ndiꞌi nda sutu nda naꞌnu nuu sutu xiꞌin na xikuaꞌa veꞌe ñuꞌu ndi̱xaa nda ndúku nda kuachi siki xaꞌa ra, saa kuchiñu nda nditaxi nda ra ndaꞌa naꞌa ya kaꞌni ñaꞌa na.

San Mateo 27:1

Tá ndi̱tuvi ta chi̱taꞌan tuꞌun ndiꞌi nda sutu ndóso nuu sutu, xiꞌin nda xikuaꞌa nuu na judío, chi̱taꞌan tuꞌun nda ya kaꞌni nda Jesús.

San Mateo 27:20

Sundi nda sutu naꞌnu nuu sutu, xiꞌin na xikuaꞌa nuu na judío, si̱xinu na ini naꞌa ya ná kaꞌan na xaꞌa ra Barrabás keta ra veꞌe kàà, ta ná kaꞌni na Jesús.

San Mateo 9:27

Saa ke̱e Jesús kuaꞌan ra, ta ndi̱kundikun uvi nda kuáa̱ kuaꞌan nda sata ra, ndáꞌi koꞌo nda, káchi nda saa: ―Tata, seꞌe ra David, kundaꞌvi ini un kuni un ndeꞌe ―káchi nda.

San Marcos 11:18

Saa tá xi̱ni soꞌo nda naꞌnu nuu sutu xiꞌin nda sínaꞌa ley ya ta̱a ra Moisés, ta ñaa xa̱á ndíkani ini nda ndá kuꞌva koo kaꞌni nda Jesús, saa chi xa̱á nda íꞌvi nda xaꞌa ya kuaꞌa ni naꞌa xa̱á xínu ini xaꞌa ya sínaꞌa ra.

San Lucas 20:1

Saa ku̱u iin kivi tá ndíkaa Jesús veꞌe ñuꞌu kaꞌnu ñuu Jerusalén sínaꞌa ra tuꞌun vaꞌa xaꞌa Ndioxi. Ta saa ndi̱xaa nda ínuu nuu ndiꞌi sutu xiꞌin nda sínaꞌa ya ta̱a ra Moisés tin na xikuaꞌa,

San Lucas 22:2

Ta kivi ikán xa̱á sava nda sutu naꞌnu xiꞌin nda sínaꞌa ya ta̱a ra Moisés, ndúku nda kuꞌva kaꞌni sêꞌe nda Jesús, xaꞌa ya íꞌvi nda nuu na ñuu.

San Lucas 22:66

Saa tá ndi̱tuvi ta ndi̱kitaꞌan ndiꞌi na xikuaꞌa xiꞌin nda sínaꞌa ya ta̱a ra Moisés tin nda sutu naꞌnu. Ndi̱kitaꞌan ndiꞌi nda ndóo nda nuu kúnani kuachi naꞌa. Saa ndáka nda lapa Jesús ndi̱xaa ra nuu nda ikán. Ñaa xa̱á nda káꞌan nda xiꞌin ra, káchi nda saa:

San Juan 11:57

Ta nda fariseo xiꞌin nda sutu naꞌnu xa̱ꞌnda nda chiñu, tá ndá naꞌa xi̱ni ra ta kama ni ná taxi na chiñu ya kuꞌun na tiin ñaꞌa na nda mií nuu ndíkaa ra.

San Juan 12:19

Ta ndi̱kaꞌan nda fariseo xiꞌin taꞌan nda káchi nda saa: ―Ya uun kuiti xíka yo sata ra. ¡Koto ndo toon! ¡Ndiꞌi naꞌa ndíkundikun kuaꞌan sata ra! ―káchi nda.

San Juan 4:1

Saa ku̱ndaa ini Tata yo ya káꞌan nda fariseo xaꞌa ra ya kuaꞌa ni naꞌa ndíkundikun sata ra ta saa kuaꞌa ni na síkuchi ra nuu ra Juan.

San Juan 7:42

Chi tuꞌun Ndioxi ya ta̱a na xinaꞌa káchi ya saa: Ra kúu Cristo ta kaku ra tixin seꞌe sikua ta rey David, ta ñuu Belén nuu ndi̱xiyo ra rey David kee ra, káchi tuꞌun Ndioxi ―káchi na.