San Mateo 20:34 - Xochapa Mixteco

³⁴ Saa ku̱ndaꞌvi ini Jesús xi̱ni ñaꞌa ra, ñaa ti̱in ndaa ra nduchi nuu nda. Ta ndikun ndu̱vaꞌa nduchi nuu nda, ndi̱koto vaꞌa nda, ta saa ndi̱kundikun nda sata ra, kuaꞌan nda.

San Mateo 20:34 Mawu Ofanana

San Mateo 14:14

Tá nu̱u ra sata barco saa xi̱ni ra iin chútu ndaa naꞌa, ñaa ku̱ndaꞌvi ni ini ra xi̱ni ra na, saa si̱ndaꞌa ra ndiꞌi na kúꞌvi ndáka naꞌa kuaꞌan xiꞌin na.

San Mateo 15:32

Saa ka̱na Jesús nda ítaꞌan xiꞌin ra, ta ndi̱kaꞌan ra xiꞌin nda, káchi ra saa: ―Kúndaꞌvi ni ini i xíni i na yóꞌó, saa chi xa íyo uni kivi ndóo na xiꞌin i ta ni köo ñaꞌa kuxi na. Ta küvi tiꞌvi i na kuꞌun na xiꞌin soko, koto ka kuvi ndiuu na ichí ―káchi ra xiꞌin nda.

San Mateo 20:33

Saa ndi̱kuiin nda káꞌan nda: ―Tata, kúni nde sindaꞌa un ndeꞌe, ná ndikuna nuu nde ya vaꞌa ndikoto nde ―káchi nda xiꞌin ra.

San Mateo 21:1

Tá xa kuaꞌan kúyati nda xaa nda ñuu Jerusalén, saa ndi̱xaa nda ñuu Betfagé nuu xiki náni itun Olivo. Saa ndi̱kaꞌan Jesús xiꞌin uvi nda ítaꞌan xiꞌin ra,

San Mateo 8:15

Saa ti̱in ndaa ra ndaꞌa yá, ta sa̱ña ya ndítuvi ya xiꞌin yá, ndu̱vaꞌa yá. Ñaa ndi̱koo yá xáa vií yá kuxi nda.

San Mateo 9:29

Saa ti̱in ndaa ra nduchi nuu nda kuáa̱ ikán, ta ndi̱kaꞌan ra xiꞌin nda, káchi ra saa: ―Xaꞌa ya kándixa ndo yeꞌe ta nduvaꞌa ndo vitin ―káchi ra xiꞌin nda.

San Mateo 9:36

Tá xíto ra nuu ndiꞌi na, saa ku̱ndaꞌvi ni ini ra xi̱ni ra na, saa chi ndóꞌo ni na. Ta ni köo naꞌa chindee ñaꞌa, tá íin na ndee ni ku̱naa saa íin na. Nda tá íin levo kiti köo xitoꞌo, saa íyo na.

San Marcos 7:33

Saa ndi̱kiꞌin Jesús ra, ta ndi̱xaꞌan ra xiꞌin ra iin ñaꞌñu loꞌo nuu köo naꞌa, ta ikán tu̱vi ndaꞌa ra soꞌo ra, saa si̱kuchi ra sii nuu ndaꞌa ra ñaa ti̱in ndaa ra yaá ra ikán.

San Lucas 18:43

Ñaa ndikun ndi̱kuna nuu ra. Saa ndi̱kundikun ra kuaꞌan ra xiꞌin Jesús, káꞌan ra ya vaꞌa xaꞌa Ndioxi kuaꞌan ra. Saa tu na xi̱ni ndi̱xuna nuu va ra, xa̱á na káꞌan na ya vaꞌa xaꞌa Ndioxi.

San Lucas 22:51

Saa ndi̱kaꞌan Jesús xiꞌin ra, káchi ra saa: ―Xa vaꞌa, këꞌe ka ndo nda ―káchi ra xiꞌin nda. Saa ku̱yati ra ti̱in ndaa ra soꞌo ra moso ikán si̱tiin taꞌan ra ya, si̱ndaꞌa ñaꞌa ra.

San Lucas 7:13

Ta saa ndi̱taꞌvi ni ini ra xi̱ni ra yá. Ñaa ndi̱kaꞌan ra xiꞌin yá káchi ra saa: ―Nana, kuäku un xaꞌa seꞌe un ―káchi ra xiꞌin yá.

Los Hechos 26:18

ya kuna un nuu na, sindiko koo un na kixi na nuu i, nuu yéꞌe̱, saa saña na ndaꞌa ndee kiti nǎꞌa ta ndikundikun na ichí Ndioxi, kandixa na yeꞌe saa xaa kaꞌnu ini Ndioxi xaꞌa kuachi na, saa kuchiñu na koo na xiꞌin na i̱í na ndíkun ichí i”, káchi Jesús xiꞌin i ―ka̱chi ra Pablo xiꞌin ra rey Agripa.

HEBREOS 2:17

Xaꞌa ya ndu̱u ra iin káchi tá kuꞌva íin mií yo na ivi yóꞌó, na kúu ñani ra. Xaꞌa ya ikán kua vaꞌa ndi̱xinu ra ndu̱u ra sutu, ra ndee ni ndinuꞌu xáa súvi ndiꞌi ñaꞌa, ta saa kúndaꞌvi ni ini ra xíni ra naꞌa. Xaꞌa ya ndi̱taxi ra mií ra ndi̱xiꞌi ra, yakan vaꞌa ku̱chiñu ra ndi̱soko ra mií ra nuu Ndioxi ya xaa kaꞌnu ini ra xaꞌa kuachi yoo, na kúu ñuu Ndioxi.

1 Pedro 3:8

Vitin káꞌan i xiꞌin ndo, vívií koo ndo xiꞌin taꞌan ndo, iin yuꞌu koo ndo. Vívií kutaꞌan ndo. Kuꞌvi ini ndo kuni taꞌan ndo, kundaꞌvi ini ndo kuni taꞌan ndo, xaa ni̱nu̱ ndo mií ndo.