San Mateo 20:30 - Xochapa Mixteco

³⁰ Ta ndóo uvi nda kuáa̱ yuꞌu ichí ikán, saa xi̱ni soꞌo nda yáꞌa Jesús kuaꞌan ra, ta ndee ni ndee ndi̱kaꞌan nda ikán, káchi nda: ―¡Tata, Seꞌe ra David, kundaꞌvi ini un kuni un ndeꞌe! ―káchi nda xiꞌin Jesús.

San Mateo 20:30 Mawu Ofanana

San Mateo 13:4

Xa̱á ra xáta yava ra ndikin nuu ñuꞌú, saa ndi̱koyo sava ndikin ikán yuꞌu ichí, ñaa ndi̱xaa sàà ya̱xi ri ya.

San Mateo 15:22

Ta iin ñaꞌa yá kúu seꞌe sikua na Canaán, süvi yá judío ku yá, ta vitin íyo yá inka ñaꞌñu náni Sirofenicia yati ñuu Tiro xiꞌin Sidón. Saa ndi̱xaa yá nuu Jesús ndee ni ndee ndi̱kaꞌan yá xiꞌin ra, káchi yá saa: ―¡Tata, seꞌe sikua ra David! ¡Kundaꞌvi ini un kuni un yeꞌe, ta chindee un yeꞌe xiꞌin seꞌe i! Ndee ni ndee ndóꞌó seꞌe síꞌi loꞌo i, tachi nduvaꞌa ki̱ꞌin yá ―káchi yá xiꞌin ra.

San Mateo 20:31

Ta na kuaꞌan xiꞌin Jesús ndi̱kaꞌan na xiꞌin nda ikán, ya ná kutaxin yuꞌu nda, ta iin ndáꞌi koꞌo vaꞌa ka nda, káchi nda saa: ¡Tata, Seꞌe ra David, kundaꞌvi ini un kuni un ndeꞌe! ―káchi nda xiꞌin Jesús.

San Mateo 21:14

Saa ku̱yati sava na kuáa̱ xiꞌin na küvi kaka. Ku̱yati na nuu Jesús nuu íin ra keꞌe yeꞌe veꞌe ñuꞌu, ta si̱ndaꞌa ra na.

San Mateo 21:9

Ta ndiꞌi naꞌa kuaꞌan xiꞌin ra, na ndóso nuu tin na ndíkun sata ra, iin ndáꞌi koꞌo ndiꞌi na, káchi na saa: ―¡Hosanna! ¡Ná xaa kaꞌnu ni yo Ndioxi xaꞌa Seꞌe ra David yóꞌó! ¡Chi yuꞌu Iva yo Ndioxi kua vaxi ra yóꞌó sikaku ra yoo! ¡Hosanna! ¡Ná kunuu sukun ni ya toꞌo Ndioxi! ―káchi na xaꞌa Jesús.

San Mateo 22:42

káchi ra saa: ―¿Unkua ndíkani ini ndóꞌo̱ xaꞌa ra kúu Cristo, ra ti̱ꞌvi Ndioxi sikaku yoo? ¿Unku na veꞌe ra yóꞌó? ―káchi Jesús. Saa ndi̱kuiin nda, káꞌan nda xiꞌin ra: ―Seꞌe sikua ra rey David ku ra ―káchi nda.

San Marcos 10:46

Saa ndi̱xaa nda ñuu Jericó. Ñaa tá xa kétá Jesús ñuu ikán kuaꞌan ra xiꞌin nda ítaꞌan xiꞌin ra, saa kuaꞌan iin tiꞌvi chee naꞌa xiꞌin ra. Tá ka̱na koo na ñuu ikán kuaꞌan na, ta ndi̱taꞌan na iin ra kuáa̱ índuꞌu ra yuꞌu ichí ndákan ra ta náni ra Bartimeo seꞌe ra Timeo ku ra.

San Lucas 4:18

Íyo Tachi I̱í Ndioxi xiꞌin i, saa ndi̱kaxin ya yeꞌe vaxi i ndituꞌun i tuꞌun vaꞌa xiꞌin na ndaꞌvi. Saa ti̱ꞌvi ya yeꞌe vaxi i sindaꞌa i na ndee ni taꞌvi nima. Ta ti̱ꞌvi ya yeꞌe vaxi i saña i na núꞌni xaꞌa kuachi na. Saa vaxi i kuna i nuu na kuáa̱, ta vaxi i chindee i na tíxuꞌvi.

San Lucas 7:21

Ta mi hora ikán, si̱ndaꞌa Jesús kuaꞌa ni na kúꞌvi xiꞌin ndiꞌi nuu kueꞌe, saa si̱ndaꞌa ra na kúu mií tachi nduvaꞌa tin si̱ndaꞌa tu ra na kuáa̱ va.

Los Hechos 2:30

Sundi ra ndi̱kaꞌan ndoso tuꞌun yuꞌu Ndioxi ndi̱xiyo ra, ta ku̱ndaa ini ra xaꞌa tuꞌun ya ndi̱kaꞌan Ndioxi xiꞌin ra, nuu chi̱naꞌa ñaꞌa Ndioxi ya kaku iin taa tixin seꞌe sikua ra ñuu ivi yóꞌó, ta ra ikán ku ra ku Cristo, ra ndikunduꞌu nuu tai toꞌo nuu xi̱nduꞌu mií ra rey ikán.