San Mateo 20:15 - Xochapa Mixteco

¹⁵ Mií i xíni va xaꞌa ya íkan i xiꞌin ñaꞌa i. ¿Án kûní ini un xaꞌa ya vaꞌa íkan i xiꞌin naꞌa?” káchi ra xíin ñuꞌú ikán xiꞌin ra xáa chiñu nuu ra.

San Mateo 20:15 Mawu Ofanana

San Mateo 11:25

Tiempo ikán ndi̱kaꞌan Jesús xiꞌin Ndioxi, káchi ra saa: ―Tata Iva yo, yóꞌo̱ ku ra chee nuu ndiꞌi na ñuu ivi yóꞌó xiꞌin nuu ndivi. Xáa kaꞌnu ni i yóꞌo̱ chi xa si̱naꞌa un na ndaꞌvi, na köo kúndaa ini, na íin tá íin na vali, ku̱ndaa ini na ya vaꞌa xaꞌa un. Ta ti̱seꞌe un ya vaꞌa yóꞌó nuu naꞌa, na ndíchi, na xíni ni.

San Mateo 20:14

Ta vaꞌa ndikiꞌin xuꞌun un ya xa̱a chiñu un, ta kuanuꞌu vitin. Ni tá kuꞌva ki̱ꞌin yóꞌo̱ saa ki̱ꞌin na ndi̱kee sindiꞌi, saa chi saa kúni mií i ikan i xiꞌin na.

San Mateo 6:23

Tá tu väꞌa íyo nduchi nuu ndo, ta ni nima ndo ta väꞌa íyo ya. Tá tu ndíkani ini ndo xíka ndo nuu ñu̱ꞌu̱ yéꞌe, ta süvi ya ndaa ku ya xíka ndo nuu yéꞌe̱, ¡tá íin naꞌa, na xíka nuu naá va, saa íin ndo!

San Marcos 7:22

xiꞌin ya síkuiꞌna, tin ya kútoo ni na koo kuaꞌa ñaꞌa na, xiꞌin ndiꞌi ka ya kini íkan na ivi yóꞌó, saa tu ya síndaꞌvi na naꞌa, xiꞌin ya kútoo ni na ikan na ñaꞌa ya kúni mií na xiꞌin ikin kuñu na, xiꞌin ya kúu uni ini na, tin ya távi chiꞌña na inka naꞌa, tin ya kútai ni ini na, xiꞌin ya ndíkani ini na xaꞌa ya köo ndáa yaꞌvi inka naꞌa.

San Juan 17:2

Chi yóꞌo̱ ku ra ta̱xi ichí ndaꞌa i xaꞌa ndiꞌi na ñuu ivi na ta̱xi un ndaꞌa i yóꞌó, ya ná taxi i ichí ndaꞌa na kutaku na ndiꞌi saa kivi.

Los Hechos 13:45

Saa xi̱ni nda naꞌnu nuu na judío ya kuaꞌa ni naꞌa ndi̱kaya xíni soꞌo tuꞌun ya káꞌan ra Pablo xiꞌin ra Bernabé, ta xa̱á nda kûni ini nda xíni ñaꞌa nda. Xa̱á nda kánaꞌa nda xaꞌa nda, ta káꞌan nda süvi ya ndaa kua káꞌan nda, káchi nda ikán.

1 Corintios 4:7

Ta ¿ndachu ndíkani ini ndo, vaꞌa ni ka mií ndo nuu inka naꞌa, túvi ndo? Ndiꞌi ñaꞌa ya kúu mií ndo ta Ndioxi ku ra ta̱xi ya ndaꞌa ndo. Süvi mií ndo ndínduku ya yakan kütai ni ini ndo xiꞌin ya.

Efesios 1:11

Chi xa yachi ka vi ndi̱kaxin Ndioxi yoo tixin Seꞌe ra Jesucristo ya nduu yo seꞌe ra, ta saa niꞌi yo ndiꞌi ñaꞌa nuu ra ya chi̱tuni ra taxi ra ndaꞌa yo, saa chi mií ra ta ndee ni vaꞌa kíꞌin ra kuenta xiꞌin ñaꞌa íkan ra, ya ná kana vaꞌa ndiꞌi ya tá kuꞌva kúni mií ra.

Efesios 2:1

Ta ndóꞌo̱, tá yachi tá täꞌan kandixa ndo Jesucristo, ta tá íin naꞌa, na xa ndíi saa ndi̱xiyo ndo nuu Ndioxi xaꞌa kuachi ya väꞌa i̱kan ndo nuu ra.

Efesios 2:5

Tá íin yo xa ndi̱xiꞌi va ndi̱xiyo yo nuu Ndioxi xaꞌa kuachi yo ya väꞌa i̱kan yo nuu ra. Vani tá íin na ndíi saa ndi̱xiyo yo ta si̱taku ra yoo kivi ndi̱kitaꞌan yo xiꞌin Jesucristo. Ndi̱xaꞌvi ni Ndioxi xaꞌa ya vaꞌa ni ra xiꞌin yo, chi ni köo ñaꞌa ndi̱kan yo ta si̱kaku uun ra yoo.

Santiago 1:18

Ta saa chi̱tuni ra nda̱sa xa̱á ra nima yo xiꞌin tuꞌun ra ya ndaa, ya ná kuchiñu yo nduu yo naꞌa, na vaꞌa, ta xiꞌna ka yoo ku yo núnu̱ú nda̱sa xa̱á ra nuu tá kúu ndiꞌi ñaꞌa ya si̱kuaꞌa ra íyo ñuu ivi yóꞌó.

Santiago 5:9

Ñani yo xiꞌin kuꞌva yo, käꞌan kuachi ni ndo xaꞌa taꞌan ndo, chi ìyo ni taxi Ndioxi tindoꞌo kixi ya nuu ndo. Koto ndo chi mií Tata yo Jesucristo kúu juez, ta xa íyo tuꞌva ra ndíchi ra yéꞌe ya ndiko koo ra kixi ra.