San Mateo 20:12 - Xochapa Mixteco

¹² káchi na: “Naꞌa, na xa̱a chiñu iin hora loꞌo, na ndi̱kiꞌvi sindiꞌi, ta cha̱ꞌvi un na tá kuꞌva cha̱ꞌvi un ndeꞌe xa̱a chiñu iin nduvi ndaa, ta niꞌni ka vi xa̱a chiñu nde, ta iin káchi cha̱ꞌvi un ndeꞌe, ni väꞌa kéta ya”, káchi na xiꞌin ra.

San Mateo 20:12 Mawu Ofanana

San Mateo 20:11

Tá ndi̱kiꞌin na yaꞌvi na saa xa̱á na kánaꞌa na xaꞌa ra xáa chiñu na nuu,

San Lucas 12:55

Tá xíni ndo vaxi tachi chí sur ta káꞌan ndo: “Niꞌni ni koo”, káchi ndo, ta saa ndixa xíyo ya.

ROMANOS 3:27

Ta ¿án íyo vi ya vaꞌa ikan yo ya kuchiñu yo xaa kaꞌnu xiꞌin mií yo nuu Ndioxi? ¡Köo ya ikan yo! Chi süvi xaꞌa ya xáa súvi yo ley Ndioxi kua ndúu yo naꞌa, na köo kuachi kúu mií nuu ra. Xaꞌa ya kándixa yo Jesucristo kua, ndúu vaꞌa yo köo kuachi yo nuu Ndioxi.

ROMANOS 3:30

Iin mituꞌun ku Ndioxi mií ra ndaa ni, ta iin káchi íkan ra xiꞌin naꞌa, na ndúu vaꞌa nuu ra, na köo kuachi kúu mií nuu ra, án na judío ku na, án süvi na judío ku na. Xaꞌa ya kándixa na Jesucristo kua ndúu na, naꞌa na vaꞌa nuu ra.

1 Corintios 4:11

Ta nda kivi vitin ta ndee ni káꞌun ini nde kúni kuxi nde ta íchi tu nde tikuii va, ni köo tu toto kundixi va nde, saa xáa nduvaꞌa naꞌa xiꞌin nde, ta ni köo tu veꞌe va nde.

Efesios 3:6

Ta ya yóꞌó ku ya chi̱tuni Ndioxi ndi̱xiyo sěꞌe: Iin káchi niꞌi naꞌa, na köo kúu judío xiꞌin na judío. Niꞌi na ñaꞌa ya ki̱ndoo Ndioxi taxi ra ndaꞌa naꞌa, na ndixa kúu seꞌe ra. Nda na köo kúu judío niꞌi ya yóꞌó xaꞌa ya kándixa na Jesucristo ya sikaku ra na.

Santiago 1:11

Chi tá kétá ñu̱ꞌù saa ndísaa ni, ñaa xáa íchi mií i̱ku ya, saa xáa ya kóyo ita ya, ta ndíꞌi xaꞌa ya ndee ni luvi kúu mií ya. Ta saa kundoꞌo naꞌa, na kuika. Uvi ndaa va kivi ndee ni xáa chiñu na nuu ya kuika kúu mií na, saa ndiꞌi xaꞌa na kundoꞌo na tá ndóꞌo ita.