San Mateo 2:4 - Xochapa Mixteco

⁴ Saa ku̱u nuu ndi̱kaya ndiꞌi ra rey Herodes nda naꞌnu nuu sutu, xiꞌin nda maestro nda sínaꞌa ya ta̱a ra Moisés, ta ndi̱ndakan tuꞌun ra nda mií kua kaku ra kúu Cristo, ra vaxi sikaku na ñuu ivi.

San Mateo 2:4 Mawu Ofanana

San Mateo 13:52

Saa ndi̱kaꞌan ka Jesús xiꞌin nda, káchi ra saa: ―Tá kúu sava nda sínaꞌa ley Ndioxi ya ta̱a ra Moisés, ndíkundikun nda ichí nuu xáꞌnda chiñu Ndioxi, ta nda tá káa iin taa xiꞌin veꞌe ra nuu chivaꞌa ra ñaꞌa yata ra xiꞌin ñaꞌa xa̱á ra, saa íyo nda. Saa chi nda ikán, ta kúchiñu nda táva nda ya kuika yata ya xa xíni nda xiꞌin ya kuika xa̱á ―káchi ra xiꞌin nda.

San Mateo 2:3

Tá ku̱ndaa ini ra rey Herodes xaꞌa tuꞌun ya ndi̱kaꞌan nda ndíchi ikán, ta ndi̱ndiꞌi ni ini ra. Saa ndíꞌi ni tu ini ndiꞌi na ñuu Jerusalén va.

San Mateo 2:5

Saa ndi̱kuiin nda, káchi nda saa: ―Ñuu Belén, ya ndíkaa estado Judea yóꞌó kaku ra, chi saa káchi tuꞌun Ndioxi ya ta̱a nda profeta, nda ndikaꞌan ndoso tuꞌun yuꞌun Ndioxi xinaꞌa, káchi ya saa:

San Mateo 21:15

Saa ndi̱saa ni nda naꞌnu nuu sutu xiꞌin nda sínaꞌa ley Ndioxi tá xi̱ni nda yatuꞌun i̱kan Jesús, xiꞌin ya xi̱ni soꞌo nda ndee ni ndi̱kaꞌan na vali ndíta keꞌe veꞌe ñuꞌu kaꞌnu, káchi na: ―¡Hosanna! ¡Ná xaa kaꞌnu yo Ndioxi xaꞌa seꞌe ra David yóꞌó! ―káchi na.

San Mateo 21:23

Tá ndi̱xaa Jesús yeꞌe veꞌe ñuꞌu kaꞌnu, ta saa xa̱á ra sínaꞌa ra naꞌa. Tá sínaꞌa ra na, saa ku̱yati nda naꞌnu nuu sutu xiꞌin nda xikuaꞌa nuu na judío, saa ndi̱ndakan tuꞌun ñaꞌa nda, káchi nda: ―¿Míí ke̱e ichí ya íkan un saa? ¿Unku na ta̱xi ichí ndaꞌa un ikan un saa? ―káchi nda xiꞌin ra.

San Mateo 26:3

Ta suvi mií tiempo ikán íyo nda sutu naꞌnu nuu sutu xiꞌin nda sínaꞌa ley Ndioxi xiꞌin na xikuaꞌa nuu na judío, ndi̱kitaꞌan ndiꞌi na yeꞌe veꞌe ra Caifás, ra kaꞌnu nuu ndiꞌi sutu.

San Mateo 26:47

Saa káꞌan ka ra, ta ndi̱xaa ra Judas taꞌan nda uxi uvi ítaꞌan xiꞌin ra ku ra. Kuaꞌa ni naꞌa ndi̱xaa xiꞌin ra ikán, ta ndíso na i̱chi ndi̱xaa na, saa ndíso tu na carroti va ndi̱xaa xiꞌin na. Na xikuaꞌa nuu na judío xiꞌin nda naꞌnu nuu sutu ku nda ti̱ꞌvi nda ikán kuaꞌan nda tiin nda Jesús.

San Mateo 27:1

Tá ndi̱tuvi ta chi̱taꞌan tuꞌun ndiꞌi nda sutu ndóso nuu sutu, xiꞌin nda xikuaꞌa nuu na judío, chi̱taꞌan tuꞌun nda ya kaꞌni nda Jesús.

San Mateo 7:29

Saa chi sínaꞌa ra, nda tá kuꞌva sínaꞌa iin taa ra kúu mií chiñu ndee ni, ta köo sínaꞌa ra tá kuꞌva sínaꞌa nda maestro nda sínaꞌa ley Ndioxi ya taa ra Moisés xinaꞌa.

San Marcos 8:31

Saa ku̱u xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Yeꞌe ku ra xa̱a ñuu ivi yóꞌó ta ndoꞌo ni i, saa kundasi nuu na xikuaꞌa ñuu yo Israel kuni na yeꞌe, xiꞌin nda naꞌnu nuu nda sutu xiꞌin nda maestro nda sínaꞌa ley ya ta̱a ra Moisés xinaꞌa ―káchi ra. Ndítuꞌun ra xiꞌin nda ítaꞌan xiꞌin ra ya xaa nduvaꞌa ni na chiñu xiꞌin ra kaꞌni ñaꞌa na, sundi kivi uni nditaku ra, káchi ra xiꞌin nda.

San Lucas 20:19

Ñaa xi̱ni soꞌo nda naꞌnu nuu sutu ikán xiꞌin nda sínaꞌa ley ya ta̱a ra Moisés ya ndi̱kaꞌan Jesús, ta ndikun ku̱ni nda tiin ñaꞌa nda, chi ku̱ndaa ini nda xaꞌa mií nda kua ndi̱kaꞌan tuꞌun ndíchi ikán. Sundi köo ndi̱kuchiñu nda tiin nda ra, saa chi íꞌvi nda nuu na ñuu.

San Lucas 23:10

Ta saa xa ndóo kuee nda sutu naꞌnu xiꞌin nda sínaꞌa ya ta̱a ra Moisés. Ndóo nda táxi nda kuachi siki xaꞌa Jesús ndaꞌa ra Herodes, ndinuni loꞌo káꞌan nda.

San Juan 18:3

Saa ndi̱xaa ra Judas xiꞌin iin tiꞌvi nda lapa, ta ndi̱xaa tu nda policía nda ndáa veꞌe ñuꞌu kaꞌnu va, ta nda sutu naꞌnu veꞌe ñuꞌu xiꞌin nda naꞌnu nuu nda fariseo, ku nda ti̱ꞌvi nda ikán, ndíso nda ñu̱ꞌu̱ xíxi saa túun nda ñu̱ꞌu̱ xiꞌin itin ta ndíso tu nda i̱chi va ndi̱xaa nda.

San Juan 3:10

Saa ndi̱kuiin Jesús, káꞌan ra: ―Maestro nuu na Israel ku un. ¿Ta ndachu köo kúndaa ini un xaꞌa ya káꞌan i xiꞌin un?

San Juan 7:32

Saa xi̱ni soꞌo nda fariseo ya vaꞌa ni káꞌan naꞌa xaꞌa Jesús, ta iin ndi̱kitaꞌan yuꞌu nda xiꞌin sutu nda naꞌnu nuu na veꞌe ñuꞌu, ta sutu ikán ti̱ꞌvi nda naꞌa, na ndáa veꞌe ñuꞌu ya kuaꞌan na tiin na Jesús.

San Juan 8:3

Saa kúu ta ndi̱xaa nda maestro nda sínaꞌa ley ya ta̱a ra Moisés xiꞌin nda fariseo, ndáka nda iin ñaꞌa yá ndi̱tuvi xiꞌin taa, ndi̱xaa nda xiꞌin yá nuu Jesús, ta ki̱ꞌin nda yá ka̱ndichi sava nda maꞌñu ndiꞌi na ikán.

Los Hechos 23:9

Xaꞌa ya ñaa kua xa̱á iin ndá síso káꞌan ndiꞌi nda, saa ndi̱kundita sava nda maestro, nda kíꞌin sata nda fariseo, káꞌan nda saa: ―Köo ñaꞌa ndi̱kan vi ra, án iin tatun ndi̱kaꞌan xiꞌin ra án iin tachi vaꞌa ndi̱kaꞌan xiꞌin ra. Kuenta koo yo chi án sana xiꞌin Ndioxi va káni taꞌan yo ―káchi nda.

Los Hechos 4:5

Saa ndi̱tuvi inka kivi ta iin ndi̱kitaꞌan ndiꞌi mií na chiñu nuu na judío xiꞌin na xikuaꞌa tin nda sínaꞌa ley Ndioxi ya ta̱a ra Moisés. Ndi̱kitaꞌan ndiꞌi na koo iin junta ñuu Jerusalén.

Los Hechos 6:12

Ta tixin ya siki ndi̱kaꞌan nda ikán, ku̱chiñu nda si̱saa nda ndiꞌi naꞌa xiꞌin na xikuaꞌa tin nda sínaꞌa ley Ndioxi ya ta̱a ra Moisés. Xaꞌa ya ikán kua ti̱in na ra Esteban kuaꞌan ra̱ xiꞌin na nuu ndi̱kitaꞌan ndiꞌi na chiñu ndóo na.