San Mateo 2:22 - Xochapa Mixteco

²² Saa ku̱ndaa ini ra José ya ra Arquelao, seꞌe ra Herodes, ku ra ndi̱kiꞌin chiñu nuu iva ra estado Judea, ta ndi̱ndiꞌvi ra kuꞌun ra chí ikán. Saa ndi̱xani tuku ra nuu ndi̱kaꞌan iin tatun Ndioxi xiꞌin ra ya küꞌun ra estado Judea. Ta saa ndi̱kiꞌin ra kuaꞌan ra ichí ya kuaꞌan estado Galilea.

San Mateo 2:22 Mawu Ofanana

San Mateo 1:20

Saa ndíkani ini ra ndá kuꞌva sindoo sěꞌe ra yá, ta ndi̱tuvi iin tatun Ndioxi nuu ra tixin xani ndi̱kaꞌan ya xiꞌin ra, káchi ya saa: ―José, seꞌe sikua ra David, ku ïꞌvi un ndikiꞌin un yá María koo yá xiꞌin un, saa chi ya loꞌo ndíkaa tixin yá ta Tachi I̱í Ndioxi i̱kan saa xiꞌin yá ndi̱kee seꞌe yá.

San Mateo 2:1

Tá ka̱ku Jesús ñuu Belén ya ndíkaa estado Judea, ta ra Herodes ku ra ndi̱xiyo rey nuu na. Ta tiempo ikán ndi̱xaa nda ndíchi, nda ndíkuni kimi ñuu Jerusalén, ta ki̱xi nda chí nuu kéta ñu̱ꞌù vaxi ya.

San Mateo 2:19

Sindiꞌi tá ndi̱xiꞌi ra Herodes, saa iin ñǔu ndi̱xani ra José tá íyo ra ñuu Egipto, ndi̱xani ra ndi̱xaa tatun Ndioxi káꞌan ya xiꞌin ra, káchi ya saa:

San Mateo 2:21

Saa ndi̱koo ra José ndi̱kiꞌin ra ra loꞌo xiꞌin siꞌí ra, ta ndi̱ko koo na kuanuꞌu na ñuu Israel.

San Mateo 3:13

Saa ke̱e Jesús chí Galilea, ta ndi̱xaa ra nuu íyo ra Juan ita Jordán. Ta ndi̱kaꞌan Jesús xiꞌin ra Juan ya ná sikuchi ñaꞌa ra.

San Lucas 2:39

Sindiꞌi tá xa̱a súvi ndiꞌi na ya ndi̱kaꞌan Ndioxi ya ta̱a ra Moisés, ta saa ndi̱ko koo na kuanuꞌu na ñuu Nazaret ya ndíkaa estado Galilea.

San Juan 7:52

Saa ndi̱kuiin nda káꞌan nda: ―¿Án taꞌan ra ikán ku tu yóꞌo̱ va? Xíniñuꞌu un kaꞌvi vaꞌa un tuꞌun Ndioxi saa kua kundaa ini un, chi nda iin na káꞌan ndoso tuꞌun yuꞌu Ndioxi, ta köo na kée nda iin ñuu ya ñúꞌu estado Galilea ―káchi nda xiꞌin ra.