San Mateo 2:15 - Xochapa Mixteco

¹⁵ Ikán ndi̱xiyo na nda kuiya ndi̱xiꞌi ra rey Herodes. Saa ndi̱xinu tuꞌun Ndioxi ya ta̱a iin ra ndi̱kaꞌan ndoso tuꞌun ra xinaꞌa nuu ndi̱kaꞌan ra, káchi ra saa: “Ka̱na i seꞌe i ke̱ta ra ñuu Egipto, ta ndiko koo ra nuꞌu ra ñuu ra”, káchi tuꞌun Ndioxi, ya ta̱a iin ra ndi̱kaꞌan ndoso tuꞌun Ndioxi.

San Mateo 2:15 Mawu Ofanana

San Mateo 1:22

Ndiꞌi ya yóꞌó ku̱u nuu ndi̱xinu ya ndi̱kaꞌan ndoso Tata yo tixin ra ndi̱kaꞌan ndoso tuꞌun ra, tá ndi̱kaꞌan ra, káchi ra saa:

San Mateo 2:14

Saa ndi̱koo ñǔu ra José ndi̱kiꞌin ra kuaꞌan ra xiꞌin yá María tin ra loꞌo, kuaꞌan na chí ñuu Egipto.

San Mateo 2:17

Saa ndi̱xinu tuꞌun ya ta̱a ra ndi̱kaꞌan ndoso tuꞌun Ndioxi, ra Jeremías, káchi ra saa:

San Mateo 2:19

Sindiꞌi tá ndi̱xiꞌi ra Herodes, saa iin ñǔu ndi̱xani ra José tá íyo ra ñuu Egipto, ndi̱xani ra ndi̱xaa tatun Ndioxi káꞌan ya xiꞌin ra, káchi ya saa:

San Mateo 2:23

Tá ndi̱xaa ra ikán ta ndi̱kiꞌin ra kuaꞌan ra koo ra ñuu Nazaret ya ndíkaa estado Galilea, saa ndi̱xinu tuꞌun ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, ka̱chi nda saa: “Ra tiꞌvi Ndioxi sikaku na ñuu ivi ta ra ñuu Nazaret ku ra”, káchi tuꞌun Ndioxi ya ta̱a na xinaꞌa.

San Mateo 21:4

Saa ku̱u nuu ndi̱xinu ndiꞌi ya ndi̱kaꞌan Ndioxi xiꞌin ra profeta, ra ndi̱kaꞌan tuꞌun yuꞌu Ndioxi xinaꞌa ta̱a ra, chi ya ta̱a ra ikán, káchi ya soꞌva:

San Mateo 26:54

Sundi tá ná tiꞌvi ra na tatun ra, ta küchiñu i xaa súvi i ya káꞌan tuꞌun ra, ya xíniñuꞌu i kundoꞌo i saa ―káchi ra xiꞌin nda ítaꞌan xiꞌin ra.

San Mateo 26:56

Ta ndiꞌi ya yóꞌó ndóꞌo i vitin, saa sixinu i ya ta̱a nda profeta xaꞌa i xinaꞌa ―káchi Jesús xiꞌin nda. Saa si̱ndoo ñaꞌa ndiꞌi nda ítaꞌan xiꞌin ra, ta xi̱nu ndiꞌi nda kuaꞌan nda.

San Mateo 27:35

Saa chi̱nuu nda ra ndaꞌa cruzin, ka̱ni nda clavo xaꞌa ra tin ndaꞌa ra. Ñaa chi̱kaa nda suerte sata toto ra, ya kuchiñu nditaꞌvi nda ya xiꞌin taꞌan nda. Ikán ku nuu si̱xinu nda ya ta̱a ra profeta xinaꞌa, ka̱chi ra saa: “Chi̱kaa nda suerte sata toto i nditaꞌvi nda ya xiꞌin taꞌan nda”, káchi ya ta̱a ra profeta ikán.

San Mateo 8:17

Ikán ku nuu ndi̱xinu ya ndi̱kaꞌan ra profeta Isaías xinaꞌa, ka̱chi ra saa: “Ndi̱kuiso ndiꞌi Ndioxi kueꞌe ndóꞌo yo, saa si̱ndaꞌa ra yoo xaꞌa ndiꞌi kueꞌe kúu mií yo”, káchi ya ta̱a ra ikán xinaꞌa.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

San Juan 19:28

Jesús ta xa kúndaa ini ra, ya xa xa̱a súvi ndiꞌi ra chiñu ya ta̱xi Ndioxi ndaꞌa ra, saa ndi̱kaꞌan ra inka tuꞌun, ya xa̱a súvi ra tuꞌun Ndioxi, ya ta̱a na xinaꞌa, káchi ra saa: ―Íchi ni i tikuii ―káchi ra.

San Juan 19:36

Köo ndi̱xaꞌnu na siꞌin Jesús, ta xaꞌa ya yóꞌó kua xa̱a súvi na ya ta̱a na xaꞌa ra xinaꞌa, chi ya ta̱a na xaꞌa ra káchi ya saa: “Nda iin leke ra täꞌnu”, káchi ya.

Los Hechos 1:16

―Ndóꞌo̱ ñani yo, Tachi I̱í Ndioxi ndi̱kaꞌan ya tixin tuꞌun ra ya ta̱a ra David xaꞌa ra Judas, ndi̱kaꞌan ya xaꞌa ra ya ndixiko ra Jesús, ta xaꞌa ya yóꞌó kua xi̱ndaka ra naꞌa ndi̱xaꞌan na xiꞌin ra ti̱in na Jesús, chi saa ku nuu ndi̱xinu tuꞌun Ndioxi ya xa íyo xaꞌa ra Judas ya xíniñuꞌu ra kundoꞌo ra saa.