San Mateo 2:13 - Xochapa Mixteco

¹³ Tá ke̱e nda ndíchi ikán kuanuꞌu nda, ta ñǔu saa ndi̱kixi ra José, saa ndi̱xani ra ndi̱tuvi iin tatun ke̱e nuu Ndioxi nuu ra káꞌan ya xiꞌin ra, káchi ya saa: ―Kuándikoo, ta ndikiꞌin un ra loꞌo kuꞌun xiꞌin un xiꞌin siꞌí ra, ta kama ni koo ndo kunu ndo kuꞌun ndo xiꞌin ra ñuu Egipto. Ikán koo ndo nda kivi ná kaꞌan i xiꞌin ndo, saa ndiko koo ndo, saa chi ndinduku ra rey Herodes ra loꞌo, chi kúni ra kaꞌni ñaꞌa ra ―káchi tatun Ndioxi ikán xiꞌin ra José.

San Mateo 2:13 Mawu Ofanana

San Mateo 1:20

Saa ndíkani ini ra ndá kuꞌva sindoo sěꞌe ra yá, ta ndi̱tuvi iin tatun Ndioxi nuu ra tixin xani ndi̱kaꞌan ya xiꞌin ra, káchi ya saa: ―José, seꞌe sikua ra David, ku ïꞌvi un ndikiꞌin un yá María koo yá xiꞌin un, saa chi ya loꞌo ndíkaa tixin yá ta Tachi I̱í Ndioxi i̱kan saa xiꞌin yá ndi̱kee seꞌe yá.

San Mateo 10:23

Tá sítixuꞌvi na ndóꞌo̱ iin ñuu, ta kana koo ndo kuꞌun ndo inka ñuu. Ya ndixa káꞌan i xiꞌin ndo, täꞌan ka vi sindiꞌi ndo ndikani ndo tuꞌun Ndioxi nuu ndiꞌi na ñuu Israel ta yeꞌe, Taa ra xa̱a ñuu ivi yóꞌó ta xa ndiko koo tuku va i ñuu ivi yóꞌó.

San Mateo 2:12

Saa si̱xani Ndioxi nda ndíchi ikán, ta ku̱ndaa ini nda, ya ndïko koo nda ñuu nuu íyo ra Herodes. Ta saa ndi̱ko koo nda kuanuꞌu nda ñuu nda, ta köo ndi̱ndiko koo nda nuu ra Herodes. Inka ichí ndi̱kiꞌin nda kuaꞌan nda.

San Mateo 2:14

Saa ndi̱koo ñǔu ra José ndi̱kiꞌin ra kuaꞌan ra xiꞌin yá María tin ra loꞌo, kuaꞌan na chí ñuu Egipto.

San Mateo 2:16

Tá ku̱ndaa ini ra Herodes ya si̱ndaꞌvi nda ndíchi ikán ra, saa ndi̱saa ni ra. Ta ki̱ꞌin ra kuenta xiꞌin tiempo ya ndi̱kaꞌan nda xiꞌin ra. Saa xa̱ꞌnda ra chiñu ya ná kaꞌni nda lapa ndiꞌi na taa vali, na ndóo ñuu Belén xiꞌin ndiꞌi ñuu ya ñúꞌu yati, na uvi kuiya chí ni̱nu̱ ku na kuvi ndiꞌi káchi ra.

San Mateo 2:22

Saa ku̱ndaa ini ra José ya ra Arquelao, seꞌe ra Herodes, ku ra ndi̱kiꞌin chiñu nuu iva ra estado Judea, ta ndi̱ndiꞌvi ra kuꞌun ra chí ikán. Saa ndi̱xani tuku ra nuu ndi̱kaꞌan iin tatun Ndioxi xiꞌin ra ya küꞌun ra estado Judea. Ta saa ndi̱kiꞌin ra kuaꞌan ra ichí ya kuaꞌan estado Galilea.

Los Hechos 10:22

Saa ndi̱kuiin nda káꞌan nda: ―Ra Cornelio, ra xáꞌnda chiñu nuu iin ciento nda lapa ñuu Roma ku ra ti̱ꞌvi ndeꞌe vaxi nde nuu un. Vaꞌa ni taa ku mií ra ikán, káñuꞌu ni ra Ndioxi ta ndiꞌi na judío vaꞌa ni káꞌan na xaꞌa ra. Ta ndi̱tuvi iin tatun ya i̱í nuu ra ndi̱kaꞌan ya xiꞌin ra ya ná tiꞌvi ra ndeꞌe kixi nde nuu un kaꞌan nde xiꞌin un kuꞌun un veꞌe ra ndituꞌun un xiꞌin ra ta kuni soꞌo ra tuꞌun ya kaꞌan un xiꞌin ra ―káchi nda ikán xiꞌin ra Pedro.

Los Hechos 10:7

Saa ke̱e tatun ikán kuaꞌan ya. Tá ke̱ta ya kuaꞌan ya ta ka̱na ra Cornelio uvi nda xáa chiñu nuu ra xiꞌin iin ra lapa. Ta ra lapa ikán káñuꞌu ni tu ra ikán va Ndioxi, ta vaꞌa ni íyo yuꞌu ra xiꞌin ra Cornelio.

Los Hechos 12:11

Saa ndi̱kaxin vaꞌa ini ra Pedro, ta ku̱ndaa ini ra ya ndaa kua ke̱ta ra veꞌe kàà, ñaa xa̱á ra káꞌan ra: ―Nda vitin vi kúndaa ini i ya ndixa kua ti̱ꞌvi Ndioxi tatun ra ya sikaku ya yeꞌe ndaꞌa ra Herodes xiꞌin ndiꞌi ya väꞌa kúni na judío taꞌan i ikan na xiꞌin ―káchi ra.

Los Hechos 12:7

Saa iin ku̱u soꞌva ta ke̱ta iin tatun Ndioxi ta iin ndi̱yeꞌe ndaa ini mií veꞌe kàà ikán. Saa ti̱in ya kandika ra si̱kanda ñaꞌa ya, ndi̱kaꞌan ya xiꞌin ra, káchi ya saa: ―Ndikaxin ini un ndikoo un, kama koo un ndikoo un ―káchi ya xiꞌin ra. Ta saa ndikun ndi̱saña kàà ya núꞌni ndaꞌa ra ndi̱koyo ya.

Los Hechos 16:36

Saa ndi̱kaꞌan ra xiꞌin ra Pablo tin ra Silas, káchi ra saa: ―Ndi̱kaꞌan na chiñu xiꞌin i tava i ndóꞌo̱ kuꞌun ndo. Ta vaꞌa kee ndo kuꞌun ndo ―káchi ra xiꞌin nda.

Los Hechos 5:19

Saa tá ku̱ñuu ta ndi̱xaa tatun Ndioxi xu̱na ya veꞌe kàà ke̱e nda. Ta saa ndi̱kaꞌan ya xiꞌin nda káchi ya saa:

Los Hechos 7:19

Ñaa si̱ndaꞌvi ra na ñuu yo. Saa xa̱a nduxa ra xiꞌin na ya sindoo ndaꞌa na seꞌe vali na, na chíchin ya kuvi na, i̱kan ra saa xiꞌin na ya ná küina ka na.

El Apocalipsis 12:14

Ta ta̱xi Ndioxi uvi ndixin kiti tasun chee ni ndaꞌa yá, ta saa nda̱chi yá kuaꞌan yá nda iku yuyu. Ta ndi̱xaa yá nuu kâní ni, nuu köo íyo yati kiti ko̱ó nǎꞌa ikán. Ta ikán ta̱xi Ndioxi ñaꞌa xi̱xi yá, uni kuiya sava ta̱xi ra ya xi̱xi yá.

El Apocalipsis 12:4

Ta xiꞌin ndoꞌma ri si̱koyo ri uni taꞌvi kiti kimi, kiti íyo nuu ndivi, si̱koyo ñaꞌa ri nuu ñuꞌú. Ta kiti ko̱ó kini ni káa ikán, ndi̱xaa ri ndi̱kundichi ri nuu mií yá ñaꞌa ikán, ya kúni ri kaxi ri seꞌe yá tá sikan ka̱ku soꞌva ya.

El Apocalipsis 12:6

Ta xi̱nu yá ñaꞌa ikán kuaꞌan yá iku yuyu, ndi̱xaa yá nuu xa xa̱a vií Ndioxi koo yá. Ta iin mil uvi ciento uni xiko kivi chi̱ndee Ndioxi yá ta̱xi ra ñaꞌa kuxi yá.