San Mateo 2:11 - Xochapa Mixteco

¹¹ Tá ndi̱kiꞌvi nda ini veꞌe, saa xi̱ni nda íyo yá María, xiꞌin ra loꞌo seꞌe yá, saa si̱kusiti nda xáa kaꞌnu nda ra loꞌo ikán. Saa xu̱na nda xatun vali ndíso nda, ta ta̱va nda kàà oro xiꞌin xuxa ya yaꞌvi ni ta tami ni xaꞌan ya, xiꞌin nduta tami xaꞌan, rá náni mirra. Ndiꞌi ya yóꞌó si̱niꞌi nda nuu ra loꞌo ikán.

San Mateo 2:11 Mawu Ofanana

San Mateo 1:18

Soꞌva ku̱u nuu ka̱ku Jesús ra kúu Cristo: Yá María, siꞌí Jesús, ta xa íyo yuꞌu yá tindaꞌa yá xiꞌin ra José, ta täꞌan ka vi tindaꞌa na xiꞌin taꞌan na, ta xa ndi̱kee va seꞌe yá i̱kan Tachi I̱í Ndioxi.

San Mateo 12:46

Saa káꞌan ka Jesús xiꞌin na, ñaa ndi̱xaa siꞌí ra xiꞌin nda ñani ra. Ndíta na keꞌe ndátun na, chi kúni na kaꞌan na xiꞌin ra.

San Mateo 14:33

Ñaa si̱kusiti ndiꞌi nda ndóso sata barco ikán xáa kaꞌnu nda Jesús, saa ndi̱kaꞌan nda xiꞌin ra, káchi nda: ―¡Ya ndixa ni kua kúu un Seꞌe Ndioxi! ―káchi nda xiꞌin ra.

San Mateo 2:10

Tá xi̱ni nda ndi̱kunuu tí kimi ikán, ta saa ku̱sini ni nda.

San Mateo 2:2

Saa tá ndi̱xaa nda ta ndi̱ndakan tuꞌun nda na ñuu Jerusalén, káchi nda saa: ―¿Mií kua ka̱ku ra loꞌo, ra kúu rey nuu na Judío? Saa chi nuu kéta ñu̱ꞌù xi̱ni nde ke̱ta kimi, saa ku̱ndaa ini nde xa ka̱ku ra, yakan vaxi nde koto nde ra, xaa kaꞌnu ñaꞌa nde ―káchi nda ndíchi ikán.

San Lucas 2:16

Saa ke̱e nda xínu nda kuaꞌan nda. Ñaa ndi̱xaa nda ñuu Belén ta ndi̱taꞌan nda yá María xiꞌin ra José ndóo na xiꞌin ra loꞌo ka̱ku, ndíkaa ra nuu ñúꞌu ñaꞌa xíxi kiti.

San Lucas 2:38

Ta saa ndi̱xaa yá mií hora ikán nuu íyo iva siꞌi ra loꞌo Jesús. Ñaa xa̱á yá káꞌan yá xiꞌin Ndioxi, táxi yá ndixaꞌvi ndaꞌa ra xaꞌa ya ti̱ꞌvi ra, ra loꞌo Jesús vaxi ra ñuu ivi. Ta saa ndítuꞌun yá xaꞌa ra xiꞌin ndiꞌi na ndátun Ndioxi ya tiꞌvi ra taa sikaku na Israel.

San Juan 19:39

Ta ndi̱xaa tu inka ra náni Nicodemo va, xa yachi ndi̱xaꞌan ra nuu Jesús, ñuu ndi̱xaꞌan ra xi̱to ñaꞌa ra. Ta vitin ndi̱xaa ra níꞌi ra oko uxi kilo ya tami xáꞌan ndi̱xaa xiꞌin ra, ta ya ikán náni ya mirra xiꞌin aloé.

El Apocalipsis 19:10

Saa si̱kusiti i nuu tatun ikán ya xaa toꞌo ñaꞌa i, ta ndi̱kaꞌan ya xiꞌin i, káchi ya saa: ―Ïkan un saa, küsiti un nuu i, chi tá kuꞌva íyo mií un xáa chiñu un xiꞌin na ñani un na ndíkun Tata yo Jesucristo saa íyo tu yeꞌe va. Chi yo xáa chiñu nuu Ndioxi ku ndiꞌi yo, saa kándixa yo tuꞌun ya ndaa ya ndi̱kaꞌan Tata yo Jesucristo, ta ná sïndoo yo ya kándixa yo tuꞌun ra. Yakan küsiti un nuu i, iin mií Ndioxi ná xaa kaꞌnu ni yo. Chi tuꞌun ya si̱naꞌa Tata yo Jesucristo, ta iin káchi ku ya xiꞌin tuꞌun ya ndi̱kaꞌan nda ndi̱kaꞌan ndoso tuꞌun yuꞌu Ndioxi xinaꞌa, chi mií Tachi I̱í Ndioxi ta̱xi ya ndaꞌa nda ikán ndi̱kaꞌan nda ―káchi tatun ikán xiꞌin i.

El Apocalipsis 5:8

Tá ti̱in soꞌva ri tutu ikán, ta ndikun si̱kusiti kumi saa ya táku ikán xiꞌin oko kumi saa na xikuaꞌa, si̱kusiti na nuu kiti Levo loꞌo ikán. Ta níꞌi iin iin na xikuaꞌa ikán itun arpa xiꞌin iin koꞌo chôꞌma ya oro nuu xíxi xuxa vaꞌa ya támi ni xáꞌan, ta iꞌma kána koo ini ya ikán kua káꞌan xaꞌa tuꞌun ya káꞌan naꞌa, na i̱í xiꞌin Ndioxi.