San Mateo 19:8 - Xochapa Mixteco

⁸ Saa ndi̱kuiin Jesús, káchi ra saa: ―Xaꞌa ya tuun ni nima ndo kua ta̱xi Ndioxi ichí ndaꞌa ra Moisés ta̱a ra ya vaꞌa sindikoo nda taa ná síꞌi nda. Sundi tá núnu̱ú ta süvi saa ndi̱xiyo ya.

San Mateo 19:8 Mawu Ofanana

San Mateo 19:7

Saa ndi̱kaꞌan tuku nda xiꞌin ra, káchi nda saa: ―Tá tu saa íyo ya, ta ¿ndachu ndi̱kaꞌan Ndioxi xiꞌin ra Moisés ya ta̱a ra ya vaꞌa sindikoo nda taa yá síꞌi nda, kaꞌnda nda tutu xiꞌin ná? ―káchi nda fariseo xiꞌin ra.

San Mateo 19:9

Ta yeꞌe káꞌan i xiꞌin ndo, tá iin ñaꞌa yá íyo ií köo ndíkiꞌvi yá xiꞌin inka taa, ta köo xíniñuꞌu ií yá kaꞌnda ra tutu xiꞌin yá. Tá iin taa xáꞌnda ra tutu xiꞌin yá síꞌi ra, ta tíndaꞌa tuku ra, ta kuakiꞌvi ra kuachi xiꞌin yá síꞌi ra yá uvi nuu Ndioxi. Saa taa ra tíndaꞌa xiꞌin yá ndi̱ndoo xa̱a ií, kuakiꞌvi ra kuachi xiꞌin yá saa chi nuu Ndioxi ta yá síꞌi taa ra núnu̱ú ku yá ―káchi Jesús xiꞌin nda fariseo.

San Mateo 3:15

Saa ndi̱kuiin Jesús, káchi ra saa: ―Käsi un nuu i, vaꞌa ka sikuchi un yeꞌe vitin, saa chi soꞌva xíniñuꞌu yo xaa súvi yo ya xáꞌnda chiñu Ndioxi ―káchi Jesús xiꞌin ra. Saa ndi̱xinu ini ra Juan si̱kuchi ñaꞌa ra.

San Mateo 8:31

Saa ndi̱xikan tachi nduvaꞌa ya mani nuu Jesús, káchi ya saa: ―Tá ná tava un ndeꞌe kuꞌun nde, ta taxi un kee nde ini kiti kini kaá ―káchi ya xiꞌin Jesús.

San Marcos 10:5

Saa ndi̱kuiin ra káꞌan ra: ―Saa ndixa íyo va ya ndi̱kaꞌan ra Moisés, xaꞌa ya soꞌo ndo, tuun nima ndo, yakan ta̱xi ra ichí ikan ndo saa.

San Marcos 16:14

Tá sindiꞌi ta ndi̱tuvi ra nuu uxi iin saa nda, tá ndóo nda xíxi nda nuu mesa. Ta saa ndi̱ndaꞌi ra xiꞌin nda xaꞌa ya tuun nima nda, ya köo ndi̱xiin nda kandixa nda ya ndi̱kaꞌan na taꞌan nda xiꞌin nda ya ndi̱taku ra.

1 Corintios 7:6

Ya káꞌan i tuꞌun yóꞌó xiꞌin ndo ta süvi yeꞌe xáꞌnda chiñu ku i nuu ndo ya ikan ndo saa, yeꞌe ndíkani va ku i nuu ndo.