San Mateo 19:5 - Xochapa Mixteco

⁵ Yakan ndi̱kaꞌan Ndioxi káchi ra saa: “Xaꞌa ya yóꞌó kua xíniñuꞌu taa sindikoo ra iva ra xiꞌin siꞌí ra, ta tindaꞌa ra xiꞌin yá síꞌi ra, ta uvi saa na ikán nduu na iin yuꞌu xiꞌin taꞌan na”, káchi tuꞌun Ndioxi.

San Mateo 19:5 Mawu Ofanana

San Mateo 19:6

Süvi uvi ka ku na, saa chi iin yuꞌu ndu̱u na nuu Ndioxi. Ta na si̱kutaꞌan Ndioxi, nda iin naꞌa küvi taꞌvi na, chi Ndioxi ku ra chi̱taꞌan na ―káchi Jesús xiꞌin nda fariseo.

ROMANOS 12:9

Tá kúꞌvi ni ini ndo xíni taꞌan ndo, ta ndixa ndinuꞌu ini ndo kuꞌvi ini ndo kuni taꞌan ndo. Kundasi nuu ndo kuni ndo ya väꞌa, ta chikaa ni ndo ndee ya kundikun ndo ya vaꞌa.

1 Corintios 6:16

¿Án köo xíni ndo, iin taa ra kíꞌvi xiꞌin iin ñaꞌa yá xíko mií, ta iin nuu ndúu ra xiꞌin yá? Tá kuꞌva káꞌan tuꞌun Ndioxi, ya ta̱a na xinaꞌa, káchi ya saa: “Iin taa xiꞌin iin ñaꞌa, ta iin nuu ndúu uvi saa na”, káchi ya.

1 Corintios 7:2

Sundi xaꞌa ya ìyo ni kiꞌvi nda taa xiꞌin ndá ka mií ná síꞌi, yakan vaꞌa ka kua ná tindaꞌa va ndo, ta ná koo yá síꞌi ndo, ta saa tu ná ñaꞌa va, ná tindaꞌa ná koo ií ná.

1 Corintios 7:4

Saa chi ñaꞌá yá íyo ií, ta köo xáꞌnda chiñu ka yá nuu ikin kuñu yá, ií yá ku ra xáꞌnda chiñu nuu ikin kuñu yá. Ta ni ií yá ta köo xáꞌnda chiñu ra nuu ikin kuñu ra, yá síꞌi ra ku yá xáꞌnda chiñu nuu ikin kuñu ra.

Efesios 5:31

Xaꞌa ya ñaa kua xíniñuꞌu taa si̱ndoo ra iva ra tin siꞌí ra, saa ndikitaꞌan ra xiꞌin yá síꞌi ra, ta iin nuu ikin kuñu nduu uvi saa na.