San Mateo 19:29 - Xochapa Mixteco

²⁹ Ta ndiꞌi na síndikoo veꞌe na, án ñani na, án kuꞌva na, án iva siꞌí na, án yá síꞌi na, án seꞌe na, án ñuꞌú na, xaꞌa ya ndíkun na yeꞌe. Ta na yóꞌó ta kuaꞌa ni ya vaꞌa niꞌi na nuu Ndioxi. Nda iin ciento ka ya vaꞌa niꞌi na sata iin iin ñaꞌa ya si̱ndoo na. Ta saa niꞌi na koo na xiꞌin Ndioxi ndiꞌi saa kivi ya vaxi.

San Mateo 19:29 Mawu Ofanana

San Mateo 10:22

Ta ndiꞌi ni kúu naꞌa kundasi nuu kuni ndóꞌo̱ xaꞌa ya ndíkun ndo yeꞌe, sundi ndóꞌo̱ ta sïndoo ndo ichí i ya ndíkun ndo yeꞌe, chi saa kua kuchiñu ndo kaku ndo.

San Mateo 13:23

Ta ndikin ya ndikoyo nuu ñuꞌú xaꞌan ku ya káꞌan xaꞌa na xíni soꞌo tuꞌun Ndioxi, ta kúndaa ini na xiꞌin ya. Ta tá káa ñaꞌa ya vaꞌa ni kána, saa íin na yóꞌó. Nda tá íin ndikin ya kána iin ciento ndikin, án ya kána uni xiko ndikin án ya kána oko uxi ndikin, saa íin na ndinuꞌu ni kándixa tuꞌun Ndioxi ―káchi Jesús xiꞌin nda ítaꞌan xiꞌin ra.

San Mateo 13:8

Sava ya ndi̱koyo nuu ñuꞌú xaꞌan ni, ta kuaꞌa ni trigo ya ka̱na. Sava ya ka̱na nda iin ciento ndikin ya, sava ya ka̱na uni xiko ndikin ya, sava tuku ya ka̱na oko uxi ndikin ya ―káchi Jesús xiꞌin na.

San Mateo 16:25

Saa chi ndiꞌi na kúni sikaku xiꞌin mií ta ndiꞌi xaꞌa na. Ta ndiꞌi na ndíꞌi xaꞌa ya kuaꞌan na ichí i, ta síkaku na mií na.

San Mateo 19:16

Saa ndi̱xaa iin ra kuâán loꞌo nuu Jesús, káꞌan ra xiꞌin ra, káchi ra saa: ―Tata Maestro, taa ra vaꞌa ni ku un, ta kaꞌan loꞌo un xiꞌin i ¿unkua xíniñuꞌu i ikan i ya kuchiñu i kutaku i xiꞌin Ndioxi ndiꞌi saa kivi ya vaxi? ―káchi ra xiꞌin Jesús.

San Mateo 25:34

Ta yeꞌe, ra kúu rey kaꞌan i xiꞌin na ndóo ñaꞌñu kuáꞌá i, kachi i saa: “Naꞌa ndo, ndóꞌo̱ ku ndo niꞌi ya vaꞌa nuu Iva i Ndioxi. Naꞌa ndo kiꞌvi ndo nuu xáꞌnda chiñu ra, ya xa íyo ndúvi xaꞌa ndo nda tá täꞌan xikoo xaꞌa ñuu ivi yóꞌó.

San Mateo 25:46

Ta saa kuꞌun na nuu tixuꞌvi ni na ndiꞌi saa kivi ya vaxi, ta na vaꞌa, na xáa súvi ya kúni Ndioxi ta kuꞌun na nuu kutaku na xiꞌin Ndioxi ndiꞌi saa kivi ya vaxi ―káchi Jesús xiꞌin na.

San Mateo 5:11

’Vaꞌa ni kée ndo, tá íyo naꞌa kánaꞌa xiꞌin ndo, sítixuꞌvi na ndóꞌo̱, ta káꞌan kini na xiꞌin ndo, xaꞌa ya ndíkun ndo yeꞌe.

San Mateo 6:33

Ndinuꞌu ni ini ndo kundikun ndo ichí nuu xáꞌnda chiñu Ndioxi, saa íkan ndo ya vaꞌa nuu ra. Ta ndiꞌi ka ñaꞌa ya xíniñuꞌu ndo ta mií ra taxi ndiꞌi ya ndaꞌa ndo.

San Lucas 14:26

―Tá tu ndá ndóꞌo̱ kúni kundikun yeꞌe, ta xíniñuꞌu ni ka ndo kuꞌvi ini ndo kuni ndo yeꞌe nuu tata ndo xiꞌin siꞌí ndo tin yá síꞌi ndo xiꞌin seꞌe ndo, saa tu ñani va ndo xiꞌin kuꞌva ndo. Nda ni mií ndo ta xíniñuꞌu ndo koo ndúvi ndo ndoꞌo ndo xaꞌa i. Tá tu köo xáꞌa ndee ini ndo ikan ndo ya yóꞌó, ta küvi kundikun ndo yeꞌe.

San Lucas 5:11

Ta saa ta̱va nda tun barco nda nuu íchi yuꞌu tikuii, ikán ki̱ꞌin nda nu si̱ndikoo nda, si̱ndikoo ndiꞌi nda ndaꞌa chiñu nda. Ñaa ndi̱kiꞌin nda kuaꞌan nda xiꞌin Jesús.

San Lucas 6:22

’Vaꞌa ni kée ndo tá tu kúndasi nuu naꞌa xíni na ndóꞌo̱, köo xíin ka na kaꞌan na xiꞌin ndo, káꞌan uꞌvi na xaꞌa ndo, chínuu kuéꞌe na tuꞌun ndo xaꞌa ya kándixa ndo yeꞌe, ra kú Taa ra xa̱a ñuu ivi yóꞌó.

San Juan 15:19

Tá tu taꞌan na ñuu ivi yóꞌó ku ndo, ta kuꞌvi ini na kuni na ndóꞌo̱, ndikuu. Sundi ndóꞌo̱ ta süvi taꞌan na ku ndo. Chi yeꞌe ta ndi̱kaxin i ndóꞌo̱ ya ndu̱u ndo kuenta mií i. Ta xaꞌa ya ñaa kua kúndasi nuu na xíni na ndóꞌo̱.

San Juan 4:36

Ta Ndioxi ku ra cháꞌvi na ndíkaya ivi, saa chi ndiꞌi na yóꞌó ta kutaku na xiꞌin ra ndiꞌi saa kúu kivi, tá kúu ra chíꞌi xiꞌin ra síkee ta iin káchi kúsini nda xiꞌin taꞌan nda.

Los Hechos 9:16

Saa chi yeꞌe ta sinaꞌa i ra ndá kuꞌva xíniñuꞌu ra ndoꞌo ni ra xaꞌa kivi i ―káchi Jesús xiꞌin ra Ananías.

1 Corintios 2:9

Ta ndaꞌa yóo kua ta̱xi Ndioxi ya, tá káꞌan tuꞌun ra ya ta̱a na xinaꞌa, káchi ya saa: Nda iin naꞌa täꞌan ndikani ini xaꞌa ya si̱kuaꞌa Ndioxi xaꞌa yoo kúꞌvi ni ini ra xíni ra, ni täꞌan kuni xiꞌin nuu na ya, ta ni täꞌan kuni soꞌo na ya.

2 Corintios 5:16

Ta vitin xiꞌin ndiꞌi saa kivi ya vaxi, ta ndeꞌe ta xa si̱ndikoo nde ya ndíkani ini nde xaꞌa inka naꞌa, köo íkan ka nde tá kuꞌva íkan na ñuu ivi yóꞌó. Ya ndixa kua saa ndi̱kani ini nde xaꞌa na yachi tá täꞌan kundikun nde Jesucristo. Nda ni mií ra ta saa ndi̱kani ini nde xaꞌa ra, ta vitin ta köo ndíkani ka ini nde xaꞌa ra kuꞌva saa.

Filipenses 3:8

Ta ndiꞌi ya vaꞌa ni ndi̱xiyo nuu i yachi, ta nda loꞌo ka köo ndáa yaꞌvi ya nuu i vitin xaꞌa ya xi̱ni taꞌan i xiꞌin Tata yo Jesucristo, ra Chee ni nuu yo. Xaꞌa ra yóꞌó kua si̱ndoo ndaꞌa ndiꞌi i ñaꞌa ya ndee ni vaꞌa xi̱ndaa yaꞌvi nuu i tá yachi, ta ni köo xaꞌa ka ya nuu i vitin, tá íyo taka va saa íyo ya nuu i chi ya ndee ni vaꞌa ka kua nduu i kuenta Jesucristo.

1 Pedro 4:14

Tá ndá naꞌa kánaꞌa xaꞌa ndo ya ndíkun ndo Tata yo Jesucristo, ta vaꞌa ni kée ndo chi íyo Tachi I̱í Ndioxi ya ndee ni xiꞌin ndo, chi naꞌa, na köo xíni Ndioxi ta na kánaꞌa va ku na xaꞌa ra, ta ndóꞌo̱ ta xáa kaꞌnu ni va ndo ra.

3 Juan 1:7

Chi na ñaa ta ka̱na koo na xíka na chiñu nuu Tata yo Jesucristo, ta nda iin ñaꞌa köo ndúku na nuu na köo xíni Ndioxi.