San Mateo 19:28 - Xochapa Mixteco

²⁸ Saa ndi̱kaꞌan Jesús xiꞌin nda, káchi ra: ―Ya ndaa káꞌan i xiꞌin ndo, tá ná tindaa kivi ya nduxaa ñuu ivi yóꞌó, ta yeꞌe, Taa ra xa̱a ñuu ivi yóꞌó, ta koo i nuu tai toꞌo, itun luvi ni, ikán koo i kaꞌnda chiñu i. Ta ndóꞌo̱ ndíkun yeꞌe, uxi uvi saa ndo koo nuu iin iin tai toꞌo xaa nani ndo kuachi xiꞌin uxi uvi saa tiꞌvi na Israel.

San Mateo 19:28 Mawu Ofanana

San Mateo 16:27

Ta yeꞌe, Taa ra xa̱a ñuu ivi yóꞌó, vaxi kivi ndiko koo i ñuu ivi yóꞌó xiꞌin ndee ya vaꞌa Iva i Ndioxi, ta kixi na tatun ra xiꞌin i, ta saa chaꞌvi i iin iin na xaꞌa ya vaꞌa án ya väꞌa i̱kan na ñuu ivi yóꞌó.

San Mateo 19:27

Saa ndi̱kaꞌan ra Pedro xiꞌin Jesús, káchi ra: ―Tata, ta ndeꞌe, ¿unkua niꞌi nde? Chi si̱ndoo ndiꞌi nde ñaꞌa ya kúu mií nde, ta vaxi nde ndíkun nde yóꞌo̱ ―káchi ra xiꞌin Jesús.

San Mateo 20:21

Saa ndindakan tuꞌun ra yá, káchi ra: ―¿Unkua kúni un ikan i xiꞌin un, nana? ―káchi ra xiꞌin yá. Saa ndi̱kuiin yá káꞌan yá xiꞌin ra: ―Tata, tá ná xáa un kaꞌnda chiñu un ra taxi loꞌo un ichí ná koo uvi saa nda seꞌe i xiꞌin un nuu tai toꞌo, iin ra ná koo ñaꞌñu kuáꞌá un, ta inka ra ná koo loꞌo ñaꞌñu ítín un ―káchi yá xiꞌin Jesús.

San Mateo 25:31

Saa ndi̱kaꞌan ka Jesús xiꞌin na, káchi ra saa: ―Kivi tá ná ndiko koo yeꞌe, Taa ra xa̱a ñuu ivi yóꞌó, ta ndiko koo i xiꞌin ndiꞌi na tatun Ndioxi, tá káa rey ra ndee ni ndee saa koo i tá ná ndiko koo i xiꞌin ndiꞌi ñaꞌa ya ndee ni luvi yéꞌe̱. Ta saa ndikunduꞌu i nuu tai toꞌo kaꞌnda chiñu i.

San Mateo 6:33

Ndinuꞌu ni ini ndo kundikun ndo ichí nuu xáꞌnda chiñu Ndioxi, saa íkan ndo ya vaꞌa nuu ra. Ta ndiꞌi ka ñaꞌa ya xíniñuꞌu ndo ta mií ra taxi ndiꞌi ya ndaꞌa ndo.

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Marcos 10:37

Saa ndi̱kuiin nda káꞌan nda: ―Ikan un ya vaꞌa xiꞌin nde, taxi un ná koo nde xiꞌin un nuu koo un kaꞌnda chiñu un nuu ndivi, iin nde ná koo ñaꞌñu kuáꞌá un, ta iin nde ná koo ñaꞌñu ítín un ―káchi nda xiꞌin ra.

Los Hechos 3:21

Sundi vitin ta xíniñuꞌu Jesús koo ra nuu ndivi nda kivi ná xaa vií Ndioxi ñuu ivi yóꞌó. Nduxaa ya kindoo vaꞌa ndiꞌi ñaꞌa. Nduu ya tá ndi̱xiyo ya núnu̱ú tá täꞌan kiꞌvi kuachi ñuu ivi yóꞌó. Tá íyo ya ndi̱kaꞌan Ndioxi tixin ndiꞌi nda i̱í, nda ndi̱kaꞌan ndoso tuꞌun yuꞌu ra xinaꞌa, saa koo ya ikan ra.

2 Timoteo 2:12

Tá tu ndee ni tindoꞌo ndóꞌo yo ñuu ivi yóꞌó, ta saa kua niꞌi yo kaꞌnda chiñu yo xiꞌin ra nuu xáꞌnda chiñu ra. Tá tu ndíkuaa yo ra, ta saa ndikuaa tu mií va ra yoo.

2 Pedro 3:13

Sundi yoo ta ndátun yo koo yo nuu ndivi xa̱á tin ñuꞌú xa̱á, ya ndi̱kaꞌan Ndioxi taxi ra ndaꞌa yo, ta nina chiñu vaꞌa ya kúni mií Ndioxi ku ya kuu ikán.

El Apocalipsis 11:16

Ta oko kumi saa nda xikuaꞌa, nda ndóo nuu tai toꞌo nuu Ndioxi, si̱kusiti nda, nda nuu ñuꞌú ya xáa toꞌo nda Ndioxi,

El Apocalipsis 12:1

Saa xi̱ni i iin seña chee ni nuu ndivi, chi xi̱ni i iin yá ñaꞌa ndíxi níí yá ñu̱ꞌù, saa ndíkaa kiti yo̱ó tixin xaꞌa yá, ta ínuu corona xiní yá, ta kúu mií corona ikán uxi uvi kiti kimi.

El Apocalipsis 20:4

Saa xi̱ni i kuaꞌa ni tai toꞌo, ta nuu nu ikán ndóo ndiꞌi na kúu mií ichí ya xaa nani na kuachi. Ta xi̱ni tu i ya vaꞌa na ndee ni tuun xi̱ndikun Jesús, saa ndi̱xiꞌi na ndi̱taꞌnda sukun na chi ndi̱xika na ndi̱kaꞌan ndoso na tuꞌun vaꞌa xaꞌa Jesús yakan ndo̱ꞌo na saa. Ta köo ndi̱kañuꞌu na ikán kiti ìyo ni káa, ni naꞌna ri köo ndi̱kañuꞌu na, ta köo ndi̱taxi na ndikunuu sello ri taan na án ndaꞌa na. Saa ndi̱taku na ta xa̱á na xáꞌnda chiñu na xiꞌin Tata yo Jesucristo iin mil kuiya.

El Apocalipsis 21:5

Saa ndi̱kaꞌan ra índuꞌu nuu tai toꞌo, káchi ra saa: ―Ndasa xa̱á ndiꞌi i ñaꞌa ya si̱kuaꞌa i yachi. Saa ndi̱kaꞌan tuku ra xiꞌin i, káchi ra saa: ―Taa tuꞌun ya káꞌan i xiꞌin un, chi ya ndaa ni ndixa ku ya káꞌan i xiꞌin un ―káchi ra xiꞌin i.

El Apocalipsis 22:2

Ta yáꞌa sava rá maꞌñu ichí kaꞌnu ñuu i̱í ikán, ta uvi saa ñaꞌñu yuꞌu mií i̱tà ikán ndíta itun kuiꞌi, ta kúun kuiꞌi ndaꞌa nu tá yoó, uxi uvi ichí kúun kuiꞌi ndaꞌa nu nuu kuiya. Ta kuiꞌi ndaꞌa nu ikán kua táxi kutaku naꞌa xiꞌin Ndioxi ndiꞌi saa ichí, ta iku ndaꞌa nu kua síndaꞌa na ke̱e ndiꞌi saa xaꞌa ñuu ivi.

El Apocalipsis 22:5

Ta nda iin ichí ndüu ñǔu ka ñuu i̱í ikán, ni küniñuꞌu ka na ñu̱ꞌu̱ ya sindiyeꞌe ya nuu na, ni ñu̱ꞌù sïndiyeꞌe ka ya nuu na, saa chi mií Ndioxi ku ra sindiyeꞌe nuu na, saa kaꞌnda chiñu na xiꞌin ra ndiꞌi saa ichí.

El Apocalipsis 3:21

Ndiꞌi naꞌa, na kúchiñu nuu ya väꞌa, xaꞌa ya köo síndoo na ichí i, ta yeꞌe taxi i koo na xiꞌin i nuu ndivi ya kaꞌnda chiñu na xiꞌin i. Saa chi yeꞌe ta xa ku̱chiñu i nuu ya väꞌa, yakan ta̱xi Iva i Ndioxi ichí ndaꞌa i ndi̱kunduꞌu i xiꞌin ra ñaꞌñu kuáꞌá ra, íyo i xáꞌnda chiñu i xiꞌin ra.

El Apocalipsis 4:4

Ta nuu ndíchi tai toꞌo chee ikán ndíta ka oko kumi tai toꞌo, ndi̱kava nduu ndiꞌi nu sata itun tai toꞌo chee ikán, ta ndóo oko kumi na xikuaꞌa nuu nu, yaa ka vi toto ndíxi iin iin na xikuaꞌa ikán, saa ínuu iin corona ya oro xiní iin iin na.

El Apocalipsis 7:4

Saa xi̱ni soꞌo i ndi̱kaꞌan ya ndi̱saa ku naꞌa, na kúu mií sello Ndioxi, ta na ikán kúu na iin ciento uvi xiko kumi mil naꞌa, ka̱na koo na ikán tixin uxi uvi tiꞌvi seꞌe ñani sikua ra Israel.