San Mateo 19:11 - Xochapa Mixteco

¹¹ Saa ndi̱kuiin Jesús, káchi ra saa: ―Süvi ndiꞌi naꞌa kúchiñu koo saa. Ndisaa na ta̱xi Ndioxi tïndaꞌa na, na ikán ku na köo tíndaꞌa.

San Mateo 19:11 Mawu Ofanana

San Mateo 13:11

Saa ndi̱kuiin ra káꞌan ra xiꞌin nda: ―Ndóꞌo̱, ta xa mií Ndioxi ku ra ta̱xi ichí ndaꞌa ndo ya kundaa ini ndo xaꞌa ichí nuu xáꞌnda chiñu ra, ya íyo sěꞌe. Sundi na ikán, ta köo ndítaxi ra ichí ndaꞌa na kundaa ini na.

San Mateo 19:10

Saa ndi̱kaꞌan nda ítaꞌan xiꞌin ra, káchi nda saa: ―Tá tu saa íyo ya, küvi sindoo taa yá síꞌi ra, ta vaꞌa ka kua ná tïndaꞌa va na ―káchi nda.

San Mateo 19:12

Íyo sava nda taa ta köo tíndaꞌa nda saa chi xa saa ndi̱niꞌi taꞌvi nda tá ka̱ku nda, íyo tuku nda köo tíndaꞌa nda saa chi ndi̱taꞌnda nda i̱kan naꞌa. Ta íyo tuku sava nda xa saa chi̱kaa ini nda tïndaꞌa nda, saa chi kúni nda xaa chiñu nda nuu Ndioxi. Ndiꞌi taa nda kíꞌin kuenta kuchiñu nda koo nda saa, ta vaꞌa ná koo nda saa ―káchi Jesús.

1 Corintios 7:17

Ta vaꞌa koo ndo tá kuꞌva chi̱tuni mií Tata yo ta̱xi ra ndaꞌa ndo. Taꞌan ya káꞌan i xiꞌin ndo ku ya káꞌan i xiꞌin tá kúu ndiꞌi ni kúu naꞌa, na veꞌe ñuꞌu.

1 Corintios 7:2

Sundi xaꞌa ya ìyo ni kiꞌvi nda taa xiꞌin ndá ka mií ná síꞌi, yakan vaꞌa ka kua ná tindaꞌa va ndo, ta ná koo yá síꞌi ndo, ta saa tu ná ñaꞌa va, ná tindaꞌa ná koo ií ná.

1 Corintios 7:35

Ta ya káꞌan i ya yóꞌó xiꞌin ndo, ta ya kúni i ná koo vaꞌa ndo ku ya, ta köo sási i nuu ndo, chi yeꞌe ta kúni i ná koo vaꞌa ndo. Ta saa ná nditaxi ndiꞌi ndo mií ndo ndaꞌa Ndioxi, nda iin ñaꞌa ná käsi nuu ndo.