San Mateo 19:10 - Xochapa Mixteco

¹⁰ Saa ndi̱kaꞌan nda ítaꞌan xiꞌin ra, káchi nda saa: ―Tá tu saa íyo ya, küvi sindoo taa yá síꞌi ra, ta vaꞌa ka kua ná tïndaꞌa va na ―káchi nda.

San Mateo 19:10 Mawu Ofanana

San Mateo 19:11

Saa ndi̱kuiin Jesús, káchi ra saa: ―Süvi ndiꞌi naꞌa kúchiñu koo saa. Ndisaa na ta̱xi Ndioxi tïndaꞌa na, na ikán ku na köo tíndaꞌa.

San Mateo 19:9

Ta yeꞌe káꞌan i xiꞌin ndo, tá iin ñaꞌa yá íyo ií köo ndíkiꞌvi yá xiꞌin inka taa, ta köo xíniñuꞌu ií yá kaꞌnda ra tutu xiꞌin yá. Tá iin taa xáꞌnda ra tutu xiꞌin yá síꞌi ra, ta tíndaꞌa tuku ra, ta kuakiꞌvi ra kuachi xiꞌin yá síꞌi ra yá uvi nuu Ndioxi. Saa taa ra tíndaꞌa xiꞌin yá ndi̱ndoo xa̱a ií, kuakiꞌvi ra kuachi xiꞌin yá saa chi nuu Ndioxi ta yá síꞌi taa ra núnu̱ú ku yá ―káchi Jesús xiꞌin nda fariseo.

1 Corintios 7:8

Ta ya yóꞌó ku ya ndítuꞌun i xiꞌin ndóꞌo̱ kuâán täꞌan tindaꞌa, saa tu ná kuâán ndi̱xiꞌi ndaa: ya vaꞌa ni ka kua ná tïndaꞌa ndo, kindoo kuâán ndo tá kuꞌva íyo yeꞌe.

1 Timoteo 4:3

Ta ya sínaꞌa na kua küvi tindaꞌa taa xiꞌin ñaꞌa, saa káꞌan na ya küvi kuxi naꞌa sava ñaꞌa vaꞌa xíxi, káchi na. Sundi naꞌa, na kándixa Tata yo Jesucristo ta xa xíni na ya ndaa, yakan vaꞌa xíni na ya vaꞌa kuxi na ndiꞌi ñaꞌa, ta saa taxi na tixaꞌvi ndaꞌa ra xaꞌa ñaꞌa xíxi na.