San Mateo 18:4 - Xochapa Mixteco

⁴ Naꞌa na chee ni nuu xáꞌnda chiñu Ndioxi ku na ndása ni̱nu̱ xiꞌin mií, na íyo ini tá kuꞌva íyo ini na vali, na ikán ku na chee ni ka.

San Mateo 18:4 Mawu Ofanana

San Mateo 18:1

Suvi mii kivi ikán ndi̱xaa nda ítaꞌan xiꞌin Jesús nuu ra, ndi̱ndaka tuꞌun nda ra, káchi nda saa: ―¿Tata, unku ra ku ra chee ka nuu nde, nuu xáꞌnda chiñu Ndioxi? ―káchi nda xiꞌin ra.

San Mateo 18:3

saa ndi̱kaꞌan ra xiꞌin nda, káchi ra saa: ―Ya ndixa káꞌan i xiꞌin ndo, tá tu köo ndíko ini ndo nduu ndo tá íyo ini na vali, ta küchiñu ndo kiꞌvi ndo koo ndo nuu xáꞌnda chiñu Ndioxi.

San Mateo 18:5

Ta ndiꞌi na ndíkiꞌin vaꞌa na vali xaꞌa yeꞌe, xaꞌa ya kándixa na yeꞌe, ta yeꞌe ku i ndíkiꞌin na ―káchi Jesús.

San Marcos 10:43

Sundi tañu ndóꞌo̱ ta süvi saa koo ya, tá kúu na kúni xaa chee xiꞌin mií, ta xíniñuꞌu na koo ndúvi na ya chindee taꞌan na xiꞌin inka na.

San Marcos 9:34

Saa iin ku̱taxin yuꞌu nda, nda iin nda köo ndi̱kuiin, chi tá kuaꞌan nda ichí ta kánitaꞌan taꞌan nda xiꞌin taꞌan nda, unku nda ku nda chee ka nuu ndiꞌi nda, káchi nda xiꞌin taꞌan nda.

San Lucas 14:11

Saa chi ndiꞌi na chínuu mií tuꞌun ta kukaꞌan nuu na, ta ndiꞌi na köo chínuu mií tuꞌun ta ndikunuu vaꞌa ni tuꞌun na ―káchi ra xiꞌin na.

San Lucas 9:48

Ta saa ndi̱kaꞌan ra xiꞌin nda, káchi ra saa: ―Tá ndá naꞌa ndíkiꞌin vií na vali taꞌan ra loꞌo yóꞌó, ta yeꞌe ku i ndíkiꞌin na, ta na ndíkiꞌin yeꞌe, ndíkiꞌin na Iva i Ndioxi, ra ti̱ꞌvi yeꞌe vaxi i ñuu ivi yóꞌó. Saa ndiꞌi na ni̱nu̱ ni íin, na íin tá íin na vali, na yóꞌó ku na kúu mií chiñu ndee ni ka nuu ndiꞌi ndóꞌo̱ ―káchi Jesús xiꞌin nda.

Santiago 4:10

Kusiti ndo nuu Iva yo Ndioxi, sindikava ndo ini ndo nuu ra ta xaa kaꞌnu ini ra xaꞌa ndo.

1 Pedro 5:5

Ta saa íyo tu ya káꞌan i xiꞌin ndóꞌo̱ kuâán va, ya ná kuni soꞌo ndo ya káꞌan na xikuaꞌa veꞌe ñuꞌu xiꞌin ndo, ta xaa ni̱nu̱ ndo mií ndo, saa xaa súvi ndo chiñu nuu taꞌan ndo. Chi saa káꞌan tuꞌun Ndioxi ya ta̱a na xinaꞌa, káchi ya saa: Kúndasi nuu va Ndioxi xíni ra naꞌa, na xáa kaꞌnu ni xiꞌin mií, ta chíndee ni va ra naꞌa, na ni̱nu̱ kúni.