San Mateo 18:27 - Xochapa Mixteco

²⁷ Saa ku̱ndaꞌvi ini ra rey xi̱ni ra ta ikán, ra xa̱a kaꞌnu ini ra xaꞌa ya níka ra nuu ra, ñaa sa̱ña ñaꞌa ra.

San Mateo 18:27 Mawu Ofanana

San Mateo 18:28

Saa ke̱ta ra moso ikán kuaꞌan ra, ñaa ndi̱kitaꞌan ra xiꞌin inka moso taꞌan mií ra, ta níka ra ikán iin ciento xuꞌun vali ya náni denario nuu ra. Ñaa xa̱á ra xáxin ra sukun ra xáa nduxa ra xiꞌin ra, káchi ra saa: “¡Chaꞌvi ya níka un nuu i!”, káchi ra xiꞌin ra.

San Mateo 18:32

Saa ka̱na ra rey ikán ra ta ndi̱kaꞌan ra xiꞌin ra, káchi ra saa: “¡Süvi ra vaꞌa ku un! Xa̱a kaꞌnu ini i xaꞌa ya xi̱nika un nuu i, saa chi xa̱ku ndaꞌvi un nuu i.

San Lucas 7:42

Saa ku̱u ta nda iin nda köo ndi̱kuchiñu cháꞌvi xuꞌun ra, ñaa ndi̱xiyo ra ya kaꞌnu ini xiꞌin uvi saa nda. ―¿Ta unku nda kúꞌvi ni ka ini xíni ñaꞌa xaꞌa ya xa̱a kaꞌnu ini ra xaꞌa uvi saa nda, túvi yóꞌo̱? ―káchi Jesús xiꞌin ra Simón.

San Lucas 7:43

Saa ndi̱kuiin ra Simón káchi ra saa: ―Tuvi yeꞌe, ra kuaꞌa ni xi̱nika ku ra kúꞌvi ni ini xíni ñaꞌa ―káchi ra. Ta saa ndi̱kuiin Jesús, káchi ra saa: ―Ya ndaa ni ndixa ku ya ndi̱kaꞌan un ―káchi ra xiꞌin ra.