San Mateo 18:24 - Xochapa Mixteco

²⁴ Tá xa̱á ra rey ikán xáa súvi ra kuenta xiꞌin na xáa chiñu nuu ra, ta saa ndáka na iin ra xáa chiñu nuu ra ndi̱xaa ra, ta yáꞌa ni kuaꞌa ku ya níka ra ikán, kúu ya nda uxi mil xuꞌun ya náni talento.

San Mateo 18:24 Mawu Ofanana

San Mateo 18:23

Saa ndi̱tuꞌun Jesús inka tuꞌun ndíchi nuu sínaꞌa ra na, káchi ra saa: ―Nda tá káa iin ra rey kúni xaa súvi kuenta xiꞌin na xáa chiñu nuu ra, saa káa nuu xáꞌnda chiñu Ndioxi.

San Mateo 18:25

Ta köo xuꞌun ra cháꞌvi ra nuu ra rey, ta saa xa̱ꞌnda chiñu mií ra rey ikán ya kiaꞌvi ra moso ikán xiꞌin yá síꞌi ra tin seꞌe ra xiꞌin ndiꞌi ñaꞌa kúu mií ra. Ta xuꞌun ya kana ikán ndikiꞌin mií ra rey xaꞌa ya níka ra nuu ra.

San Mateo 25:15

’Ta̱xi ra iin bolsa chee nuu ñúꞌu uꞌun xuꞌun talento ndaꞌa iin ra, saa ta̱xi ra inka bolsa nuu ñúꞌu uvi xuꞌun talento ndaꞌa inka ra ikán, ta inka bolsa ta̱xi ra ndaꞌa inka ra nuu ndíkaa iin xuꞌun talento ini ya. Saa chi xíni vaꞌa ra nda, ta tá kuꞌva kúchiñu nda xáa chiñu nda, kuꞌva saa xuꞌun ta̱xi ra ndaꞌac iin iin nda ikán. Ta ndi̱kiꞌin ra kuaꞌan xíka ra.

San Mateo 25:16

Taa ra ndi̱kuiso uꞌun xuꞌun talento, ta xa̱a chiñu ra xiꞌin ya, saa ndi̱niꞌi ra inka tuku uꞌun siki ya.

San Mateo 25:20

Saa ndi̱xaa xiꞌna ra ndi̱kiꞌin uꞌun talento ndi̱kaꞌan ra xiꞌin xitoꞌo ra, káchi ra saa: “Tata, uꞌun ku xuꞌun talento ta̱xi un ndaꞌa i, ta xa̱a chiñu i xiꞌin ya ta ndi̱niꞌi ka i inka uꞌun siki ya”, káchi ra xiꞌin xitoꞌo ra.

San Mateo 25:22

Saa ndi̱xaa inka ra ndi̱kiꞌin uvi talento nuu xitoꞌo ra ta ndi̱kaꞌan ra xiꞌin ra, káchi ra saa: “Tata, uvi xuꞌun talento ta̱xi un ndaꞌa i, ta xa̱a chiñu i xiꞌin ya ta ndi̱niꞌi ka i uvi siki ya ka̱na xa̱a chiñu i xiꞌin ya”, káchi ra.

San Mateo 25:24

Saa ndi̱xaa inka ra ndi̱kiꞌin iin talento, ta ndi̱kaꞌan ra xiꞌin xitoꞌo ra, káchi ra saa: “Tata, xíni vaꞌa i yóꞌo̱, ta ndaku ni ini un, chi ndíkaya un ñaꞌa nuu köo chíꞌi un, saa ndíkuiso un ñaꞌa nuu köo xáa chiñu un, káchi ra xiꞌin xitoꞌo ra.

San Lucas 13:4

Tá kúu na xaꞌun uni ndi̱xiꞌi tá ndi̱kava torre ya Siloé, ¿án kini ni ka na ikán nuu inka na ndóo ñuu Jerusalén túvi ndo?

San Lucas 16:5

Saa ka̱na ra iin iin na níka nuu xitoꞌo ra. Ñaa ndi̱ndakan tuꞌun ñaꞌa ra núnu̱ú, káchi ra saa: “¿Ndisaa kua níka un nuu xitoꞌo i?”, káchi ra.

San Lucas 16:7

Tá ndiꞌi ndi̱ndakan tuꞌun tuku ra inka ra, káchi ra saa: “Ta yóꞌo̱, ¿ndisaa kua níka un?”, káchi ra. Saa ndi̱kuiin ra ikán káꞌan ra: “Iin ciento ku koxta trigo ya níka i”, káchi ra. Ñaa ndi̱kaꞌan ra xiꞌin ra: “Yóꞌó íin recibo ya níka un, ta vaꞌa ndisama ya ná nduu ya ndá soo kumi xiko koxta”, káchi ra.