San Mateo 18:19 - Xochapa Mixteco

¹⁹ ’Yakan káꞌan i xiꞌin ndo, tá iin yuꞌu íyo uvi ndo ñuu ivi yóꞌó, ta ndúku ndo ndá ka ñaꞌa nuu Ndioxi, ra íyo nuu ndivi, ta xaa súvi ra ya ndúku ndo nuu ra, taxi ra ya ndaꞌa ndo.

San Mateo 18:19 Mawu Ofanana

San Mateo 21:22

Tá tu ndinuꞌu ni ini ndo kándixa ndo Ndioxi, tá káꞌan ndo xiꞌin ra, ta saa koo ya niꞌi ndo nuu ra ―káchi Jesús xiꞌin nda ítaꞌan xiꞌin ra.

San Mateo 5:24

ta vaꞌa sindoo ndo ñaꞌa sóko ndo nuu Ndioxi nuu íyo ndo táxi ndo ya ndaꞌa ra. Saa kuꞌun ndo nuu na íyo kuachi xiꞌin ndo, nduku ndo ya mani nuu na, ndikitaꞌan vaꞌa ndo xiꞌin na. Ta saa ndiko koo ndo taxi ndo ñaꞌa ya sóko ndo nuu Ndioxi.

San Mateo 7:7

Saa ndi̱kaꞌan Jesús, káchi ra saa: ―Ndúku ndo ñaꞌa ya xíniñuꞌu ndo nuu Ndioxi, ta taxi ra ya ndaꞌa ndo. Saa ndinduku ndo ñaꞌa nuu ra ta niꞌi ndo ya. Kani ndaꞌa ndo yeꞌe, ta kuna ra ya nuu ndo, kiꞌvi ndo.

San Marcos 11:24

Yakan kua káꞌan i xiꞌin ndo, ndiꞌi ñaꞌa ndúku ndo nuu Ndioxi tá ndáa ni ini ndo ra, vani täꞌan taxi ra ya ndaꞌa ndo sundi tá xa íyo ya ndi̱kiꞌin va ndo saa íyo ya túvi ndo, ta niꞌi ndixa ndo ya nuu ra.

San Juan 15:16

Ta süvi mií ndo ndi̱kaxin yeꞌe, mií i ndi̱kaxin ndóꞌo̱. Ta ndi̱kaxin i ndóꞌo̱ ya ná ikan ndo nina ya vaꞌa. Tá íin itun kuiꞌi kána kuaꞌa ni ñaꞌa ndaꞌa saa ná koo ndo. Ndiꞌi saa ichí koo ndo tá íin kuiꞌi vaꞌa ni kúun. Tá íkan ndo saa ta vaꞌa nduku ndo ndiꞌi ya kúmani nuu ndo nuu Iva i. Ta tixin kivi yeꞌe taxi ra ya ndúku ndo nuu ra ndaꞌa ndo.

San Juan 15:7

’Tá tu ítaꞌan tuun ndo xiꞌin i, ta íyo tuun tuꞌun i nima ndo, ta vaꞌa nduku ndo ndá ka ya kúni ndo nuu Iva i, ta niꞌi va ndo ya.

San Juan 16:23

’Tá ná tindaa kivi ikán ta nda iin ka ya ndäkan tuꞌun ndo yeꞌe. Ta ya ndaa káꞌan i xiꞌin ndo, tá ndá ya ndúku ndo nuu Iva i Ndioxi tixin kivi yeꞌe ta taxi ndiꞌi ra ya ndaꞌa ndo.

Los Hechos 1:14

Ndiꞌi saa ichí ndíkitaꞌan ndiꞌi nda káꞌan nda xiꞌin Ndioxi saa xáku ndaꞌvi nda nuu ra, ta ndíkitaꞌan tu siꞌí Jesús yá María va xiꞌin nda saa tu nda ñani va ra, ndíkitaꞌan na káꞌan na xiꞌin Ndioxi.

Los Hechos 12:5

Ñaa ndakua iin ndáa tuun nda lapa ikán ra Pedro tá ndíkaa ra veꞌe kàà. Sundi na kándixa Jesús ta ndinuni loꞌo káꞌan na xaꞌa ra xiꞌin Ndioxi.

Los Hechos 16:10

Tá ndi̱xani ra Pablo ta ndikun saa xa̱a súvi nde ñaꞌa nde, ta ndi̱kiꞌin nde kuaꞌan nde estado Macedonia, chi ku̱ndaa ini nde Ndioxi ku ra kúni kuꞌun nde kaꞌan ndoso nde tuꞌun vaꞌa xaꞌa Jesús xiꞌin na ñuu ikán.

Los Hechos 6:4

Ta ndeꞌe kaꞌan nde xiꞌin Ndioxi saa kaka nde sinaꞌa nde naꞌa xaꞌa tuꞌun ra ―káchi nda xiꞌin na.

Filipenses 1:19

Saa chi xíni i xaꞌa ya káꞌan ndo xiꞌin Ndioxi xaꞌa i ya chíndee Tachi Jesucristo yeꞌe, ta kama keta i veꞌe kàà yóꞌó kuꞌun ndíka i.

1 Juan 3:22

Ta saa ndá ñaꞌa ndúku yo nuu ra ta taxi ra ya ndaꞌa yo, saa chi xáa súvi yo ya káꞌan ra xiꞌin yo. Ta íkan yo ya vaꞌa nuu ra tá kuꞌva kúni mií ra.