San Mateo 18:17 - Xochapa Mixteco

¹⁷ Tá köo ndíxiin ra kuni soꞌo ra ya káꞌan ndo xiꞌin ra, ta vaꞌa ndituꞌun ndo xiꞌin na veꞌe ñuꞌu xaꞌa ya íkan ra. Tá tu köo ndíxiin ra kuni soꞌo ra ni ya káꞌan na veꞌe ñuꞌu xiꞌin ra, ta kütaꞌan ka ndo xiꞌin ra, vaꞌa ikan ndo tá íkan ndo xiꞌin naꞌa na, na köo xíni Ndioxi án na ndíkaya xuꞌun kuaꞌan ndaꞌa gobierno ñuu Roma.

San Mateo 18:17 Mawu Ofanana

San Mateo 10:3

Xiꞌin ra Felipe, inka ra náni Bartolomé xiꞌin ra Tomás tin inka ra náni Mateo, ra ndíkaya xuꞌun nuu na gobierno, inka ra náni Jacobo seꞌe ra Alfeo ku ra, xiꞌin ra Lebeo, ra káꞌan na xiꞌin Tadeo.

San Mateo 11:19

Ta yeꞌe Taa ra xa̱a ñuu ivi yóꞌo, xíxi vaꞌa i ta xíꞌi i vinu. Ta káꞌan ndo xaꞌa i kini ni xíxi i tin xíꞌi i, saa kútoo ni i koo migo i naꞌa, na ndíkaya xuꞌun nuu gobierno, xiꞌin na köo káñuꞌu Ndioxi, káchi ndo xaꞌa i. Ta ndiꞌi na kúu mií ya ndíchi vaxi nuu Ndioxi, na yóꞌó ku na íkan ya vaꞌa ―káchi Jesús xiꞌin na.

San Mateo 5:46

Tá tu ndisaa naꞌa na kúꞌvi ini xíni ndóꞌo̱, kúꞌvi ini ndo xíni ndo, ta köo ndáa yaꞌvi ya nuu Ndioxi, chi saa íkan tu naꞌa, na köo xíni ichí Ndioxi va.

San Mateo 6:7

’Tá káꞌan ndo xiꞌin Ndioxi, ta ndïko koo ndo kaꞌan ndo suvi iin saa nuu tuꞌun, chi saa íkan naꞌa, na köo ndíkun Ndioxi, ndíkani ini na kuni soꞌo Ndioxi ya káꞌan na xiꞌin ra kuaꞌa ni nuu tuꞌun.

San Lucas 15:1

Saa ku̱u iin kivi ku̱yati ndiꞌi nda ndíkaya xuꞌun kuaꞌan ndaꞌa gobierno xiꞌin inka naꞌa na íkan ya väꞌa, ndi̱xaa na kuni soꞌo na ya káꞌan Jesús.

San Lucas 18:11

Ta ra fariseo ikán káꞌan ra xiꞌin Ndioxi, káchi ra saa: “Tata, táxi ni i tixaꞌvi ndaꞌa un saa chi köo káa i tá káa inka naꞌa, köo kuiꞌna i, ni köo íyo i kuachi xiꞌin inka naꞌa, ni xiꞌin yá síꞌi inka taa köo xíka i, ta ni süvi tá káa ra ndíkaya xuꞌun kuaꞌan ndaꞌa gobierno yóꞌó saa káa i.

1 Corintios 5:9

Xa yachi ta̱a i tutu xaa nuu ndo yá ná kütaꞌan ndo xiꞌin nda iin naꞌa, na xíka sii xiꞌin taꞌan.

1 Corintios 6:1

Ta ndóꞌo̱, tá kivi íyo ndo kuachi xiꞌin taꞌan ndo, ta ¿ndachu kuaꞌan ndo nuu na chiñu táxi ndo kuachi xaꞌa taꞌan ndo? ¿Án vaꞌa ka ná kuꞌun ndo nuu na chiñu veꞌe ñuꞌu ta na chiñu ikán ku na xaa nani kuachi xiꞌin ndo? Vaꞌa ka ná kaꞌan ndo xiꞌin na ñuu Ndioxi, na i̱í chindee taꞌan na xiꞌin ndo.

2 Tesalonicenses 3:6

Ñani yo xiꞌin kuva yo, tixin ndee Tata yo Jesucristo ya kúu mií nde kua xáꞌnda chiñu nde nuu ndo ya ná kuxika ndo nuu na ñani yo xiꞌin kuꞌva yo, na köo xíin xaa chiñu, chi ndiꞌi na íkan saa ta köo xáa súvi na ya si̱naꞌa nde ndóꞌo̱.

1 Timoteo 6:5

ndiꞌi saa ichí kánitaꞌan nda xiꞌin tuꞌun ya köo ndáa yaꞌvi. Chi köo ka vi ya xínituni nda, nda xa ndi̱yaꞌa vaꞌa ini va ku nda, köo xíni nda ya ndaa, köo íyo vaꞌa ka ini nda, xaꞌa ya ikán kua ku̱xika nda nuu ya ndaa. Saa ndíkani ini nda ya ndukuika ni nda xaꞌa ya ndíkun nda ichí Tata yo Jesucristo. Ta kütaꞌan un xiꞌin nda ñaa, vaꞌa kuxika un nuu nda.