San Mateo 18:14 - Xochapa Mixteco

¹⁴ Tá kuꞌva káa ra ndá levo ikán, saa káa Iva yo Ndioxi ra íyo nuu ndivi, köo kúni ra ndañuꞌu nda iin na vali yóꞌó ―káchi Jesús.

San Mateo 18:14 Mawu Ofanana

San Mateo 18:13

Ya ndaa káꞌan i xiꞌin ndo, tá ndi̱niꞌi ra ri ikán ta kusini ni ka ra xiꞌin ri ikán nuu kiti kumi xiko xaꞌun kumi, kiti köo ndi̱ndañuꞌu.

San Mateo 18:15

Saa ndi̱kaꞌan ka Jesús xiꞌin na, káchi ra saa: ―Tá íyo iin ra ñani un, ta íkan ra ya väꞌa xiꞌin un, ta vaꞌa kuꞌun iin mií un kaꞌan un xiꞌin ra ndá xaꞌa kua íkan ra saa xiꞌin un. Tá xi̱ni soꞌo ra ya ndi̱kaꞌan un xiꞌin ra, ta vaꞌa ni ke̱e un chi si̱xinu un ini ra ndi̱kitaꞌan vaꞌa ra xiꞌin un.

San Mateo 5:16

Saa ndóꞌo̱, koo ndo tá kuꞌva kúni Ndioxi, ta saa kuchiñu ndiyeꞌe ndo tá kuꞌva ndíyeꞌe ñu̱ꞌu̱ xaꞌa ñaꞌa ya vaꞌa íkan ndo, ta saa kuni naꞌa ya íkan ndo ta kaꞌan vaꞌa na xaꞌa Iva yo Ndioxi ta xaa kaꞌnu na ra ―káchi Jesús xiꞌin na.

San Mateo 6:32

Naꞌa, na köo xíni Ndioxi ku na ndíꞌi ni ini xaꞌa taꞌan ñaꞌa yóꞌó. Ta ndóꞌo̱, ta kündiꞌi ini ndo xaꞌa ya yóꞌó. Saa chi Iva ndo ra íyo nuu ndivi ta xa xíni ra unkua xíniñuꞌu ndo.

San Mateo 6:9

Ta vaꞌa, tá káꞌan ndo xiꞌin ra, ta soꞌva kaꞌan ndo xiꞌin ra: “Tata Iva yo Ndioxi, ra íyo nuu ndivi, ná xaa toꞌo ni naꞌa kivi un.

San Lucas 12:32

Saa ndi̱kaꞌan ka Jesús, káchi ra saa: ―Ndóꞌo̱ ndíkun sata i ta ku ïꞌvi ndo chi tá íyo iin tiꞌvi levo vali sana i saa íin ndo. Ta kúsini ni va Ndioxi taxi ra koo ndo xiꞌin ra nuu xáꞌnda chiñu ra.

San Juan 17:12

Tá ndi̱xiyo i ñuu ivi yóꞌó xiꞌin na ta xi̱ndaa i na ta̱xi un ndaꞌa i, xi̱ndaa i na xiꞌin ndee kúu mií kivi un. Ta nda iin na köo ndi̱kindaa na ndaꞌa i. Iindaa ra xa íyo tuꞌun xaꞌa ndiꞌi xaꞌa ku ra ndi̱ꞌi xaꞌa, saa ndi̱xinu ya káꞌan tuꞌun Ndioxi ya ta̱a na xinaꞌa.

San Juan 21:15

Tá sindiꞌi nda xi̱xi nda, ta ndi̱kaꞌan Jesús xiꞌin ra Simón Pedro, káchi ra saa: ―Simón, seꞌe ra Jonás, ¿án kúꞌvi ka ini yóꞌo̱ xíni un yeꞌe, nuu ya kúꞌvi ini nda yóꞌó xíni nda yeꞌe? ―káchi Jesús xiꞌin ra. Saa ndi̱kuiin ra, káchi ra saa: ―Uun, kúꞌvi ni ini i xíni i yóꞌo̱, Tata. Xíni mií un ndá kuꞌva kúꞌvi ini i xíni i yóꞌo̱ ―káchi ra xiꞌin Jesús. Saa ndi̱kaꞌan Jesús xiꞌin ra, káchi ra saa: ―Tá tu saa, ta vaꞌa kundaa un levo sana i ―káchi ra xiꞌin ra.

2 Timoteo 2:10

Ta xaꞌa ya ikán kua xáꞌa ndee ndiꞌi ini i ndóꞌo̱ ni i xaꞌa naꞌa, na ndi̱kaxin Ndioxi ya ná niꞌi na ya vaꞌa kaku na tixin Tata yo Jesucristo, ta saa kuchiñu na koo na xiꞌin ra ndiꞌi saa kivi nuu luvi ni káa nuu ndee ni yéꞌe̱.

HEBREOS 12:13

Kuenta koo ndo, vívií kaka ndo kuꞌun ndo, täxi ndo nduvita ini ndo ta koyo ndo, kuenta ni koo ndo ya ná kaku ndo.

2 Pedro 3:9

Köo kuáchi vi Iva yo Ndioxi ya sixinu ra ya ki̱ndoo ra xaa súvi ra xiꞌin yo. Süvi tá kuꞌva ndíkani ini naꞌa, kuekuee ni kúu íkan ra, káchi na. Chi xaꞌa ya kaꞌnu ni ini ra xiꞌin yo kua íkan ra saa xiꞌin yo, saa chi köo kúni ra ndiꞌi xaꞌa nda iin naꞌa. Kúni ra ná ndiko koo ini na xaꞌa ya väꞌa íkan na, ta ná ndinama na kuꞌva íyo na.