San Mateo 18:12 - Xochapa Mixteco

¹² ’¿Ta unkua ndíkani ini ndóꞌo̱? Tá íyo iin taa kúu mií ra iin ciento levo sana ra. Tá ná ndañuꞌu iin sana ra, ta saa sindoo ra kumi xiko xaꞌun kumi ti ikán, ta kuꞌun ra nduku ra kiti nda̱ñuꞌu.

San Mateo 18:12 Mawu Ofanana

San Mateo 12:11

Saa ndi̱kuiin Jesús, káchi ra saa: ―Tá sava ndóꞌo̱ íyo kiti levo sana, ta ndi̱kava ri ini iin yavi kivi i̱í ndíkundee yo, ta ¿án küꞌun ndo tava ndo ri? Ya ndixa kua kuꞌun ndo tava ndo sana ndo.

San Mateo 18:13

Ya ndaa káꞌan i xiꞌin ndo, tá ndi̱niꞌi ra ri ikán ta kusini ni ka ra xiꞌin ri ikán nuu kiti kumi xiko xaꞌun kumi, kiti köo ndi̱ndañuꞌu.

San Mateo 21:28

Saa ndi̱kaꞌan ka Jesús xiꞌin nda, káchi ra saa: ―Ta ndóꞌo̱, unkua ndíkani ini ndo xaꞌa ya káꞌan i xiꞌin ndo vitin? Saa ndo̱ꞌo iin taa, ndi̱xiyo uvi seꞌe taa ra. Saa ndi̱kaꞌan ra xiꞌin seꞌe nuu ra, káchi ra saa: “Iva, vitin kuꞌun un xaa chiñu un nuu ñuꞌú yo, nuu íyo kiti uva”, káchi ra.

San Mateo 22:42

káchi ra saa: ―¿Unkua ndíkani ini ndóꞌo̱ xaꞌa ra kúu Cristo, ra ti̱ꞌvi Ndioxi sikaku yoo? ¿Unku na veꞌe ra yóꞌó? ―káchi Jesús. Saa ndi̱kuiin nda, káꞌan nda xiꞌin ra: ―Seꞌe sikua ra rey David ku ra ―káchi nda.

1 Corintios 10:15

Ta ndóꞌo̱, ta ndo táku̱ ini ku ndo, yakan vaꞌa kúndaa ini ndo ya káꞌan i xiꞌin ndo. Vaꞌa koto ndoso ndo ya káꞌan i xiꞌin ndo án ya vaꞌa ku ya, án süvi ya vaꞌa ku ya.

1 Pedro 2:25

Chi yoo ta tá íin kiti levo, kiti nda̱ñuꞌu saa ndi̱xiyo yo. Ta vitin ndi̱ko koo yo nuu Tata yo Jesucristo ta ndee ni vaꞌa ndáa ra yoo, tá íkan iin ra ndee ni vaꞌa ndáa kiti levo sana ra, saa íkan ra xiꞌin yo.