San Mateo 18:10 - Xochapa Mixteco

¹⁰ Saa ndi̱tuꞌun tuku ra iin tuꞌun ndíchi xiꞌin na sínaꞌa ra na, káchi ra saa: ―Koto ndo ndïkani ini ndo ya köo ndáa yaꞌvi na vali yóꞌó. Saa chi na tatun ndáa na vali yóꞌó, ta ndiꞌi saa kivi íyo na xiꞌin Iva i Ndioxi nuu ndivi.

San Mateo 18:10 Mawu Ofanana

San Mateo 1:20

Saa ndíkani ini ra ndá kuꞌva sindoo sěꞌe ra yá, ta ndi̱tuvi iin tatun Ndioxi nuu ra tixin xani ndi̱kaꞌan ya xiꞌin ra, káchi ya saa: ―José, seꞌe sikua ra David, ku ïꞌvi un ndikiꞌin un yá María koo yá xiꞌin un, saa chi ya loꞌo ndíkaa tixin yá ta Tachi I̱í Ndioxi i̱kan saa xiꞌin yá ndi̱kee seꞌe yá.

San Mateo 12:20

Na xa ti̱kueꞌe, na köo ndee, na ndóꞌo tá kuꞌva ndóꞌo itun ndoo, tun kúni nduva xiin, ta sïndiꞌi xaꞌa ra na. Ni na íin tá íin iꞌva tima kána iꞌma nuu nu ya xa kúni ndaꞌva nu, ta sïndiꞌi xaꞌa ra na. Saa ikan ra ya vaꞌa, ya ndaa ndakua kundee ra nuu ndiꞌi ya väꞌa.

San Mateo 18:14

Tá kuꞌva káa ra ndá levo ikán, saa káa Iva yo Ndioxi ra íyo nuu ndivi, köo kúni ra ndañuꞌu nda iin na vali yóꞌó ―káchi Jesús.

San Mateo 18:6

Saa ndi̱kaꞌan tuku Jesús, káchi ra saa: ―Ndá ka naꞌa táa sii naꞌa, na sikan ndíkundikun sata i ya ikan na ya väꞌa, ¡ta ndee ni ndoꞌo na íkan saa! Án vaꞌa ka yachi ndítikaa na yu̱ú yoso molinu sukun na ta kiꞌin ñaꞌa na sikana na nda kaꞌa nduta ñûꞌu nuu kunu ni, ndíkuu.

San Mateo 2:13

Tá ke̱e nda ndíchi ikán kuanuꞌu nda, ta ñǔu saa ndi̱kixi ra José, saa ndi̱xani ra ndi̱tuvi iin tatun ke̱e nuu Ndioxi nuu ra káꞌan ya xiꞌin ra, káchi ya saa: ―Kuándikoo, ta ndikiꞌin un ra loꞌo kuꞌun xiꞌin un xiꞌin siꞌí ra, ta kama ni koo ndo kunu ndo kuꞌun ndo xiꞌin ra ñuu Egipto. Ikán koo ndo nda kivi ná kaꞌan i xiꞌin ndo, saa ndiko koo ndo, saa chi ndinduku ra rey Herodes ra loꞌo, chi kúni ra kaꞌni ñaꞌa ra ―káchi tatun Ndioxi ikán xiꞌin ra José.

San Mateo 2:19

Sindiꞌi tá ndi̱xiꞌi ra Herodes, saa iin ñǔu ndi̱xani ra José tá íyo ra ñuu Egipto, ndi̱xani ra ndi̱xaa tatun Ndioxi káꞌan ya xiꞌin ra, káchi ya saa:

San Mateo 24:31

Saa tiꞌvi i na tatun Ndioxi ta ndee ni ndaꞌi na xiꞌin trompeta tivi na kuꞌun na ndikaya na ndiꞌi na ndi̱kaxin i ya kundikun na ichí i. Ta ndiꞌi ni kúu xaꞌa ñuu ivi kana koo na, xaa na nuu i.

San Lucas 1:19

Saa ndi̱kuiin tatun Ndioxi káchi ya saa: ―Yeꞌe Gabriel ku yeꞌe, ta ndiꞌi saa kivi ndíchi i nuu Ndioxi, íyo tuꞌva i kaka i chiñu nuu ra. Suvi ra ti̱ꞌvi yeꞌe vaxi i kaꞌan i tuꞌun vaꞌa yóꞌó xiꞌin un.

San Lucas 10:16

Ta saa ndi̱kaꞌan ra xiꞌin uni xiko uxi saa nda ikán, káchi ra saa: ―Ndiꞌi na ndíkiꞌin tuꞌun ya káꞌan ndóꞌo̱, tuꞌun yeꞌe kua ndíkiꞌin na. Ta ndiꞌi na kúndasi ndóꞌo̱, yeꞌe ku i kúndasi na. Ndiꞌi na kúndasi yeꞌe, Ndioxi ku ra kúndasi na ikán, saa chi Ndioxi ku ra ti̱ꞌvi yeꞌe vaxi i ñuu ivi yóꞌó ―káchi Jesús xiꞌin nda.

San Lucas 16:22

Saa ku̱u ta ti̱ndaa kivi ndi̱xiꞌi ra ndaꞌvi. Ta ndi̱kiꞌin na tatun Ndioxi ra kuaꞌan ra xiꞌin na nuu ndivi, nuu íyo ra Abraham. Ta sindiꞌi ndi̱xiꞌi tu ra kuika va. Saa ndi̱xaꞌan na si̱nduxin na ra.

Los Hechos 10:3

Ta iin kivi kuꞌva kàà uni xikuaa si̱tuvi ya nuu ra, xi̱ni ra iin tatun Ndioxi ndi̱kiꞌvi ya ini veꞌe nuu ndíkaa ra. Ta saa ndi̱kaꞌan ya xiꞌin ra, káchi ya saa: ―¡Tata Cornelio! ―káchi ya xiꞌin ra.

Los Hechos 12:15

Ta köo ndi̱xiin na ikán kandixa na yá, saa ndi̱kaꞌan na xiꞌin yá, káchi na saa: ―¡Yóꞌo̱ sána ini ta ku yóꞌo̱! ―káchi na xiꞌin yá. Ta ndinuꞌu ini yá káꞌan yá xiꞌin na ya ndixa kua káchi yá xiꞌin na. Ta saa xa̱á na ikán káꞌan na: ―Süvi ra Pedro ku ra, va sana tachi va ra kua ―káchi na xiꞌin yá.

Los Hechos 12:23

Káꞌan na saa xaꞌa ra, ta ki̱xi iin tatun Ndioxi si̱ndikava ya kueꞌe ra. Ta saa ki̱ꞌin kueꞌe ra xaꞌa ya köo ndi̱xaa toꞌo ra Ndioxi. Mií va ra ku ndioxi, káꞌan na xaꞌa ra. Xaꞌa ya ta̱xi ra ndi̱kaꞌan na saa xaꞌa ra yakan kua ti̱in ni tindaku tixin ra ta xa̱ꞌni ñaꞌa ri.

Los Hechos 27:23

Sundi yoo ta ndïꞌi xaꞌa yo, chi Ndioxi ra káñuꞌu i, ra xáa chiñu i nuu ta ti̱ꞌvi ra tatun ra íyo ya xiꞌin i, ñǔu ndiveꞌe, ndi̱kaꞌan ya xiꞌin i,

Los Hechos 5:19

Saa tá ku̱ñuu ta ndi̱xaa tatun Ndioxi xu̱na ya veꞌe kàà ke̱e nda. Ta saa ndi̱kaꞌan ya xiꞌin nda káchi ya saa:

ROMANOS 14:10

Yakan kua ná käꞌan kuachi ndo xaꞌa ñani ndo án xaꞌa kuꞌva ndo. Ni kündasi nuu ndo kuni ndo na, saa chi vaxi kivi ta kundita iku̱n ndiꞌi yo nuu Ndioxi, saa chi mií ra ku juez.

ROMANOS 14:21

Yakan kua vaꞌa ka küxi ndo kuñu ni köꞌo ndo ndixi, tá tu xaꞌa ya ñaa ku ya táxi koyo na taꞌan ndo nuu kuachi. Nda iin ñaꞌa ïkan ndo nuu na taꞌan ndo ya sindikava ya ini na ndáa ni ini na xíni na Jesucristo.

ROMANOS 15:1

Yo köo xíka uvi ini ta xíniñuꞌu yo kiꞌin yo kuenta xiꞌin na taꞌan yo, na vita ni ini xiꞌin tuꞌun Ndioxi, na täꞌan kundaa vaꞌa ini xiꞌin tuꞌun ra. Ta ná ïkan yo ndisaa ya kúni mií yo.

1 Corintios 11:22

¿Án köo veꞌe ndo ná kundoo ndo kuxi ndo tin koꞌo ndo? Chi väꞌa íkan ndo síndikava ndo ini na veꞌe ñuꞌu, saa síkaꞌán ndo nuu na taꞌan yo, na köo ñaꞌa nuu kuxi.

1 Corintios 16:11

Xaꞌa ya ñaa kua kündasi nuu nda iin ndo kuni ndo ra, vívií koo ndo xiꞌin ra, chindee taꞌan ndo xiꞌin ra ná ndiko koo ra xiꞌin ya vaꞌa nuu íyo i. Saa chi yeꞌe xiꞌin nda ñani yo, nda íyo xiꞌin i, ndátun nde ra ndiko koo ra.

1 Corintios 9:22

Tá íyo i xiꞌin naꞌa, na vita ni ini, na sikan kándixa Tata yo Jesucristo, ta tá íin na ikán saa ndúu i, ya kuchiñu chindee taꞌan i xiꞌin na, ná kachi yo. Yakan tá kuꞌva íin ndá ka mií naꞌa, kuꞌva saa ndúu i nuu na ya kuchiñu chindee taꞌan i xiꞌin sava na kaku na.

2 Corintios 10:1

Ta yeꞌe Pablo, ku ra káꞌan xiꞌin ndo xáku ndaꞌvi i nuu ndo xiꞌin ya vaꞌa, ya mani ta̱xi Cristo ndaꞌa i. Saa chi sava ndo káꞌan xaꞌa i ya ndee ni vita ini i tá íyo i xiꞌin ndo, sundi tá íyo xíka i nuu ndo ta ndee ni ndaku ini i, káchi ndo xaꞌa i.

2 Corintios 10:10

Chi sava ndo káꞌan: “Tutu ya táa ra Pablo ñaa, ta ndee ni kueꞌe káꞌan ra xiꞌin ya, ndaku ni káꞌan ra, sundi mií ra ta ni köo ndee káꞌan vi ra, vita ni va ini ra, ta ni köo ndáa yaꞌvi tuꞌun káꞌan ra nuu naꞌa, káchi ndo xaꞌa i”.

Gálatas 6:1

Ñani yo, ndóꞌo̱ xa xuxa ini, ndóꞌo̱ vaꞌa ni xáa súvi ya kúni mií Tachi I̱í Ndioxi, ta án sana ndá na taꞌan yo kóyo nuu kuachi, íkan na ya väꞌa. Ta vaꞌa kuyati ndo nuu na ya chindee taꞌan ndo xiꞌin na, ta vívií kaꞌan ndo xiꞌin na ya ná sindikoo na ya väꞌa íkan na. Ta saa kuenta ni koo ndo chi ìyo ni koyo tu mií va ndo nuu kuachi.

1 Tesalonicenses 4:8

Ta ndiꞌi naꞌa, na köo xíin xaa súvi ya yóꞌó, ta süvi ya káꞌan ndeꞌe kua köo xíin na xaa súvi na, chi ya káꞌan mií Iva yo Ndioxi kua köo xíin na xaa súvi na, chi mií ra ku ra táxi Tachi I̱í ra ndaꞌa yo íyo ya xiꞌin yo.

1 Timoteo 4:12

Täxi un xaa ni̱nu̱ na yóꞌo̱, xaꞌa ya loꞌo un, kuâán un. Vivií koo un nuu na ya ná kuni na ikan na taꞌan ya vaꞌa íkan un, xaꞌa kuꞌva ndituꞌun un xiꞌin na, xiꞌin kuꞌva xíka un nuu na, xiꞌin kuꞌva kúꞌvi ini un xíni un na, saa kundaa ni ini un kuni un Tata yo Jesucristo, kundaa ni un mií un, xäa yakua xiꞌin mií un.

HEBREOS 1:14

Ta na tatun Ndioxi ta xa síin va ku na, chi na ikán ta tachi va ku na xíka na chiñu nuu ra, tíꞌvi ra na kuaꞌan na chindee na naꞌa, na sikaku ra.

HEBREOS 9:24

Saa chi veꞌe ñuꞌu nuu ndee ni I̱í ndi̱kiꞌvi Jesucristo, ta süvi na ñuu ivi yóꞌó ku na ndi̱sikuaꞌa ya. Chi ya si̱kuaꞌa na ivi yóꞌó, ta tá káa copia mií veꞌe ñuꞌu ya ndee ni vaꞌa íyo mií nuu ndivi saa káa ya si̱kuaꞌa na. Ta ikán ku nuu ndi̱kiꞌvi Jesucristo ini veꞌe ñuꞌu ya ndee ni vaꞌa ikán, káꞌan ndaꞌvi ra xaꞌa yo xiꞌin Ndioxi, ya ná xaa kaꞌnu ini ra xaꞌa yo.

El Apocalipsis 8:2

Saa xi̱ni i uxa nda tatun Ndioxi ndíta nda yati nuu Ndioxi, saa ta̱xi ra iin itun trompeta ndaꞌa iin iin nda ikán.