San Mateo 17:6 - Xochapa Mixteco

⁶ Tá xi̱ni soꞌo nda ítaꞌan xiꞌin Jesús tuꞌun ikán, ñaa si̱kusiti nda nda nuu ñuꞌú, ta íꞌvi ka vi nda.

San Mateo 17:6 Mawu Ofanana

San Mateo 17:5

Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa: ―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.

San Mateo 17:7

Saa ku̱yati Jesús nuu nda, ti̱in ndaa ñaꞌa ra ndi̱kaꞌan ra xiꞌin nda, káchi ra saa: ―Kundita ndo, ku ïꞌvi ndo ―káchi ra xiꞌin nda.

Los Hechos 22:7

Ñaa ndu̱va i kuaꞌan i nuu ñuꞌú. Ta saa xi̱ni soꞌo i tachi iin na káꞌan xiꞌin i: “Saulo, Saulo, ¿ndachu ndíkun un xíka un sata i sítixuꞌvi un yeꞌe?”, káchi tachi na xiꞌin i.

Los Hechos 26:14

Ñaa ndi̱koyo ndiꞌi nde kuaꞌan nde nuu ñuꞌú, saa xi̱ni soꞌo i tachi iin taa káꞌan ra xiꞌin i tuꞌun hebreo, káchi ra saa: “Saulo, Saulo, ¿ndachu kua ndíkun un xíka un sata i sítixuꞌvi un yeꞌe? Tá íkan sindiki ri kéta xaꞌa itun káni na ri, saa íkan un, chi sítixuꞌvi un mií va un”, káchi ra xiꞌin i.

2 Pedro 1:18

Ta ndeꞌe xi̱ni soꞌo nde tachi Ndioxi ya ke̱e nuu ndivi ndi̱kaꞌan ya xiꞌin Tata yo Jesucristo, tá xi̱ndoo nde xiꞌin ra nuu xiki ya kúu iku i̱í ni.