San Mateo 17:3 - Xochapa Mixteco

³ Ta iin ku̱u soꞌva, ndi̱tuvi ra Moisés xiꞌin ra Elías ndítuꞌun nda xiꞌin Jesús.

San Mateo 17:3 Mawu Ofanana

San Mateo 17:2

Ta ikán xi̱ni nda ndee ni ndi̱yeꞌe taxan nuu ra ndi̱nama ndiꞌi ra, nda tá kuꞌva yéꞌe̱ ñu̱ꞌù tá kaꞌñu sava, saa ndi̱yeꞌe nuu ra. Saa tu toto ra, ndee ni ndu̱yaa sami ya tá kuꞌva yéꞌe̱ ñu̱ꞌù, saa nduu ya.

San Mateo 17:4

Saa ndi̱kaꞌan ra Pedro xiꞌin Jesús, káchi ra saa: ―Tata, vaꞌa ni ku̱u ndóo nde xiꞌin un. Tá tu kúni un ta sikuaꞌa nde uni veꞌe ita vali, iin ya koo yóꞌo̱ ta iin ya koo ra Moisés inka ya koo ra Elías ―káchi ra xiꞌin ra.

San Marcos 9:4

Saa xi̱ni nda ndi̱tuvi ra Elías xiꞌin ra Moisés, káꞌan nda xiꞌin Jesús.

San Lucas 1:17

Chi suvi ra kunuu kuꞌun nuu ra kee kixi nuu Ndioxi, ta koo Tachi I̱í Ndioxi xiꞌin ra, saa koo ndee Ndioxi xiꞌin ra taꞌan ya ndi̱xiyo xiꞌin ra Elías ra ndi̱kaꞌan ndoso tuꞌun Ndioxi xinaꞌa, taꞌan ya ikán ku ya koo xiꞌin ra. Saa kuu mií ra ichí kaꞌan ra xiꞌin naꞌa ya ndikundoo vaꞌa na xiꞌin iva na tin seꞌe na. Ta saa ndiꞌi na iku ni ta nduvaꞌa na ikan na ya vaꞌa. Ta ra loꞌo seꞌe un ku ra chindee na koo ndúvi na, xáa na kaka na ichí Iva yo xiꞌin ndiꞌi nima na ―káchi tatun Ndioxi xiꞌin ra.

San Lucas 16:16

Saa ndi̱kaꞌan ka Jesús, káchi ra saa: ―Tá yachi ta ley Ndioxi xiꞌin ya ta̱a nda ndi̱kaꞌan ndoso tuꞌun yuꞌu Ndioxi kua ndi̱xiyo, iin saa nda kivi tá ki̱xi ra Juan, ra si̱kuchi naꞌa. Saa ku nuu xa̱á káꞌan ndoso nde ndá kuꞌva xáꞌnda chiñu Ndioxi. Ta kuaꞌa ni na xáa nduxa kuakiꞌvi na ichí ra.

San Lucas 24:27

Saa xa̱á ra sínaꞌa ra nda, xiꞌna ya ta̱a ra Moisés kua xa̱á ra ndíkani ra nuu nda, saa sínaꞌa ndiꞌi ka ra nda unkua káchi ndiꞌi tuꞌun Ndioxi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, nuu káꞌan ndiꞌi ya xaꞌa mií ra.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

San Lucas 9:33

Ñaa nda̱ñuꞌu nda ikán kuaꞌan nda, ta saa ndi̱kaꞌan ra Pedro xiꞌin Jesús, káchi ra saa: ―Tata Maestro, vaꞌa ni ku̱u ndóo nde xiꞌin un. Ta sikuaꞌa nde uni veꞌe vixin vali, iin ya koo yóꞌo̱, ta iin ya koo ra Moisés, inka ya koo ra Elías ―káchi ra Pedro xiꞌin ra. Ta köo ndi̱kundaa ini ra ndá xaꞌa kua ndi̱kaꞌan ra saa xiꞌin Jesús.

San Juan 1:17

Ta ley Ndioxi ta ndaꞌa xii sikua yo ra Moisés ta̱xi Ndioxi ya xa̱ꞌnda chiñu ya nuu yo. Sundi ya ndaa xiꞌin ya kúꞌvi ni ini Ndioxi xíni ra yoo ta tixin Jesucristo kua xa̱a ya nuu yo.