San Mateo 17:27 - Xochapa Mixteco

²⁷ Ni saa va íyo ya, ta ya ná sïsaa yo nda ndíkaya xuꞌun, ta vaꞌa kuaꞌan yuꞌu nduta ñûꞌu chikaa un iꞌva ya tíin kàà chikiꞌi yuꞌu. Tá ka̱kuꞌun iin tiaka saa kuna un yuꞌu ri, ta ikán nditaꞌan un xuꞌun ndíkaa ya yuꞌu ri. Nani ya ikán chaꞌvi un nuu i xiꞌin nuu mií un ―káchi Jesús xiꞌin ra Pedro.

San Mateo 17:27 Mawu Ofanana

San Mateo 17:26

Saa ndi̱kuiin ra Pedro káꞌan ra: ―Nuu na inka ñuu ndúku nda ya ―káchi ra. Saa ndi̱kaꞌan Jesús xiꞌin ra, káchi ra saa: Tá tu saa, ta na ñuu mií nda rey ta köo cháꞌvi na nuu nda.

San Mateo 18:6

Saa ndi̱kaꞌan tuku Jesús, káchi ra saa: ―Ndá ka naꞌa táa sii naꞌa, na sikan ndíkundikun sata i ya ikan na ya väꞌa, ¡ta ndee ni ndoꞌo na íkan saa! Án vaꞌa ka yachi ndítikaa na yu̱ú yoso molinu sukun na ta kiꞌin ñaꞌa na sikana na nda kaꞌa nduta ñûꞌu nuu kunu ni, ndíkuu.

San Mateo 18:8

’Tá ndá ya väꞌa íkan ndo xiꞌin ndaꞌa ndo án xaꞌa ndo, ta vaꞌa ka kaꞌnda ndo ya ta kiꞌin ndo ya kata xika ndo. Kuchiñu ka ndo koo ndo xiꞌin Ndioxi tá íyo iin ndaꞌa ndo án iin xaꞌa ndo, ta süvi ka vi ya íyo uvi saa ndaꞌa ndo án xaꞌa ndo, ta kuꞌun ndo ndaya.

San Mateo 5:29

Xaꞌa ya ñaa kua káꞌan i xiꞌin ndo, tá tu xiꞌin nduchi nuu kuáꞌá ndo ku ya kuakiꞌvi ndo kuachi, ta vaꞌa tava ndo ya sikana ndo. Vaꞌa ka kua ná ndiꞌi xaꞌa iin ñaꞌñu ikin kuñu ndo, süvi ka vi ya ndiꞌi vaꞌa xaꞌa ndo kuꞌun ndo ndaya.

San Mateo 5:30

Tá tu ndaꞌa kuáꞌá ndo kua táxi ichí ya kiꞌvi ndo kuachi, ta vaꞌa ka kaꞌnda ndo ya, tava ndo ya mií ndo, vaꞌa ka kua ná ndiꞌi xaꞌa iin ñaꞌñu ikin kuñu ndo, süvi ka vi ya ndiꞌi xaꞌa ndiꞌi ikin kuñu ndo kuꞌun ndo ndaya ―káchi Jesús.

San Marcos 9:42

Saa ndi̱kaꞌan ka Jesús, káchi ra saa: ―Tá kúu na síkoyo na vali na sikan xáa kándixa yeꞌe, kuaꞌan na nuu kuachi. Ta vaꞌa ka án yachi ka ndi̱katun na yoso itun molino sukun na ikán, ta kiꞌin ñaꞌa na sikana na ini nduta ñûꞌu, ya ná ïkan na saa, ndikuu ―káchi Jesús.

San Marcos 9:43

Saa ndi̱kaꞌan ka ra xiꞌin nda káchi ra saa: ―Saa tu ndóꞌo̱ va, tá tu ndaꞌa ndo kua xáa kíꞌvi xiꞌin ndo, ya íkan ndo ya väꞌa, ta vaꞌa ka kaꞌnda ndo ya chi vaꞌa ka koo ndo kutaku ndo xiꞌin Ndioxi tá tu íyo iindaa ndaꞌa ndo, süvi ka vi ya íyo uvi saa ya, ta kuꞌun ndo ndaya nuu köo ndáꞌva ñu̱ꞌu̱,

San Lucas 17:2

Vaꞌa ka án yachi ndi̱tikaa na iin yu̱ú itun molinu sukun na ta kiꞌin ñaꞌa na sikana na ini nduta ñûꞌu ya ndiꞌi xaꞌa na, ya ná täa sii na na vali ndíkun sata i ya kiꞌvi na kuachi.

San Juan 6:61

Saa ku̱ndaa ini Jesús ya ndíkani ini na, ta ndi̱kaꞌan ra xiꞌin na, káchi ra saa: ―¿Án uꞌvi ni káꞌan tuꞌun ya ndi̱kaꞌan i, túvi ndo?

ROMANOS 14:21

Yakan kua vaꞌa ka küxi ndo kuñu ni köꞌo ndo ndixi, tá tu xaꞌa ya ñaa ku ya táxi koyo na taꞌan ndo nuu kuachi. Nda iin ñaꞌa ïkan ndo nuu na taꞌan ndo ya sindikava ya ini na ndáa ni ini na xíni na Jesucristo.

1 Corintios 8:13

Yakan tá xaꞌa ya xíxi yo kuñu kua síndikava yo na taꞌan yo nuu kuachi, ta vaꞌa ka kua ná küxi ka yo kuñu nda iin ichí, ya ná täxi yo koyo na taꞌan yo nuu kuachi.

1 Corintios 8:9

Ta ndóꞌo̱ ta xa íyo va ichí ndo kuxi ndo ndiꞌi kúu ñaꞌa, sundi kuenta ni koo ndo, chi íyo na ñani yo, na vita ni ini, ta ìyo ni koyo na nuu kuachi xaꞌa ñaꞌa ya xíxi ndo.

2 Corintios 6:3

Ta ndee ni kuenta íyo nde xaꞌa ñaꞌa ya íkan nde, chi köo íkan ndikuu nde ndá ka ñaꞌa väꞌa nuu naꞌa ya ná nïꞌi na ndá ka ñaꞌa kaꞌan ndikuu na xaꞌa chiñu íkan nde.

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.

1 Tesalonicenses 5:22

Ta kuxika ndo nuu ndiꞌi ñaꞌa ya väꞌa.

Santiago 2:5

Ñani mani xiꞌin kuꞌva yo, ndóꞌo̱ ku ndo kúꞌvi ni ini i xíni i, ta kuni soꞌo ndo ya kaꞌan i xiꞌin ndo: Ndioxi ku ra ndi̱kaxin na ndaꞌvi ndóo ñuu ivi ya ná nduu na naꞌa, na ndinuꞌu ni ini ndáa ini xíni ra xiꞌin ndiꞌi nima na, ta saa ndikiꞌin na ya ndi̱kaꞌan ra taxi ndaꞌa na kúꞌvi ini xíni ra, saa koo na kaꞌnda chiñu na xiꞌin ra.