San Mateo 17:23 - Xochapa Mixteco

²³ Ta na ikán kaꞌni na yeꞌe, sundi kivi uni nditaku i ―káchi ra xiꞌin nda. Tá xi̱ni soꞌo nda ítaꞌan xiꞌin ra ya ndi̱kaꞌan ra, saa ku̱chiꞌña ni ini nda.

San Mateo 17:23 Mawu Ofanana

San Mateo 16:21

Nda kivi saa xa̱á Jesús ndítuꞌun ra xiꞌin nda ítaꞌan xiꞌin ra, ya xíniñuꞌu kuꞌun ra ñuu Jerusalén. Ta ikán xaa nduvaꞌa ni na xikuaꞌa, xiꞌin nda ínuu nuu sutu tin nda maestro nda sínaꞌa ley Ndioxi, xaa nduvaꞌa ni nda xiꞌin ra. Saa kaꞌni nda ra, ta nditaku ra kivi uni.

San Mateo 17:9

Tá ndi̱ko koo nda vaxi nda nuu xiki ikán, saa ndi̱kaꞌan Jesús xiꞌin nda, káchi ra saa: ―Nda iin naꞌa käꞌan ndo xiꞌin xaꞌa ya xi̱ni ndo. Nda kivi tá ná nditaku yeꞌe, Taa ra xaa ñuu ivi yóꞌó, tañu na ndíi, nda kivi saa ndituꞌun ndo xiꞌin na xaꞌa ya xi̱ni ndo ―káchi ra xiꞌin nda.

San Mateo 20:19

Saa nditaxi nda yeꞌe ndaꞌa naꞌa, na köo kúu judío ya kusiki ndaa na yeꞌe, kuaku ndaa ni na yeꞌe, saa kani ni na yeꞌe xiꞌin kuarta xaa nduvaꞌa ni na xiꞌin i. Ta sindiꞌi, saa kaꞌni na yeꞌe ndaꞌa cruzin. Sundi kivi uni nditaku i ―káchi Jesús xiꞌin nda.

San Mateo 27:63

Ndi̱kaꞌan nda xiꞌin ra, káchi nda saa: ―Tata, ndi̱kaꞌán ini nde ya ndi̱kaꞌan ra Jesús ra síndaꞌvi naꞌa, tá xi̱taku ra ta ndi̱kaꞌan ra ya nditaku ra sindiꞌi tixin kivi uni.

San Marcos 8:31

Saa ku̱u xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Yeꞌe ku ra xa̱a ñuu ivi yóꞌó ta ndoꞌo ni i, saa kundasi nuu na xikuaꞌa ñuu yo Israel kuni na yeꞌe, xiꞌin nda naꞌnu nuu nda sutu xiꞌin nda maestro nda sínaꞌa ley ya ta̱a ra Moisés xinaꞌa ―káchi ra. Ndítuꞌun ra xiꞌin nda ítaꞌan xiꞌin ra ya xaa nduvaꞌa ni na chiñu xiꞌin ra kaꞌni ñaꞌa na, sundi kivi uni nditaku ra, káchi ra xiꞌin nda.

San Marcos 9:30

Saa tá ke̱e nda ñaꞌñu ikán kuaꞌan nda, ta ndi̱yaꞌa nda chí Galilea, ta köo ndi̱xiin Jesús ya kundaa ini naꞌa mií chí kuaꞌan ra.

San Juan 16:6

Ta ndóꞌo̱, suvi ndo ndi̱kava ini ku ndo xaꞌa ya ndi̱kaꞌan i xiꞌin ndo.

San Juan 2:19

Saa ndi̱kuiin Jesús ndi̱kaꞌan ra xiꞌin nda, káchi ra saa: ―Tá ná sindiꞌi xaꞌa ndo veꞌe ñuꞌu yóꞌó ta tixin kivi uni ta sikuaꞌa tuku i ya ―káchi ra xiꞌin nda.