San Mateo 17:22 - Xochapa Mixteco

²² Tá xíka Jesús xiꞌin nda ítaꞌan xiꞌin ra estado Galilea, saa ndi̱kaꞌan ra xiꞌin nda, káchi ra saa: ―Vaxi kivi ta iin taa taxi ra yeꞌe kúu Taa ra xa̱a ñuu ivi yóꞌó, nditaxi ra yeꞌe ndaꞌa na sáa ini xíni yeꞌe.

San Mateo 17:22 Mawu Ofanana

San Mateo 16:21

Nda kivi saa xa̱á Jesús ndítuꞌun ra xiꞌin nda ítaꞌan xiꞌin ra, ya xíniñuꞌu kuꞌun ra ñuu Jerusalén. Ta ikán xaa nduvaꞌa ni na xikuaꞌa, xiꞌin nda ínuu nuu sutu tin nda maestro nda sínaꞌa ley Ndioxi, xaa nduvaꞌa ni nda xiꞌin ra. Saa kaꞌni nda ra, ta nditaku ra kivi uni.

San Mateo 16:28

Ya ndaa káꞌan i xiꞌin ndo, sava ndo ndóo yóꞌó vitin, ta kutaku ka ndo nda kivi tá ná ndiko koo yeꞌe, Taa ra xa̱a ñuu ivi yóꞌó, ndiko koo i ya kaꞌnda chiñu i ―káchi Jesús.

San Mateo 17:12

Ta yeꞌe káꞌan xiꞌin ndo, ra Elías ta xa ki̱xi ra. Ta nda iin naꞌa köo ndi̱kuni ñaꞌa, i̱kan na xiꞌin ra ya kúni mií na. Saa ikan tu na xiꞌin yeꞌe, Taa ra xa̱a ñuu ivi yóꞌó va, saa xaa nduvaꞌa ni na xiꞌin i ―káchi ra xiꞌin nda.

San Mateo 17:23

Ta na ikán kaꞌni na yeꞌe, sundi kivi uni nditaku i ―káchi ra xiꞌin nda. Tá xi̱ni soꞌo nda ítaꞌan xiꞌin ra ya ndi̱kaꞌan ra, saa ku̱chiꞌña ni ini nda.

San Mateo 17:9

Tá ndi̱ko koo nda vaxi nda nuu xiki ikán, saa ndi̱kaꞌan Jesús xiꞌin nda, káchi ra saa: ―Nda iin naꞌa käꞌan ndo xiꞌin xaꞌa ya xi̱ni ndo. Nda kivi tá ná nditaku yeꞌe, Taa ra xaa ñuu ivi yóꞌó, tañu na ndíi, nda kivi saa ndituꞌun ndo xiꞌin na xaꞌa ya xi̱ni ndo ―káchi ra xiꞌin nda.

San Mateo 24:10

Ta kuaꞌa ni naꞌa ndiko koo ini xaꞌa ya kándixa na yeꞌe, ñaa ndixiko taꞌan mií na nuu na chiñu, ta kundasi ni nuu na kuni taꞌan mií na.

San Mateo 26:16

Nda kivi saa xa̱á ra Judas ndúku ra kuꞌva nditaxi ra Jesús ndaꞌa nda ikán.

San Mateo 26:46

Kuandikoo ndo koꞌyo. Xa vaxi ra nditaxi yeꞌe ndaꞌa naꞌa, na sáa ini xíni yeꞌe ―káchi Jesús xiꞌin nda.

San Marcos 8:31

Saa ku̱u xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Yeꞌe ku ra xa̱a ñuu ivi yóꞌó ta ndoꞌo ni i, saa kundasi nuu na xikuaꞌa ñuu yo Israel kuni na yeꞌe, xiꞌin nda naꞌnu nuu nda sutu xiꞌin nda maestro nda sínaꞌa ley ya ta̱a ra Moisés xinaꞌa ―káchi ra. Ndítuꞌun ra xiꞌin nda ítaꞌan xiꞌin ra ya xaa nduvaꞌa ni na chiñu xiꞌin ra kaꞌni ñaꞌa na, sundi kivi uni nditaku ra, káchi ra xiꞌin nda.

San Lucas 24:26

Taa ra ti̱ꞌvi Ndioxi vaxi sikaku na ñuu ivi yóꞌó ta xíniñuꞌu ra ndoꞌo ni ra, ta saa vaxi kivi saa ndiko koo tuku ra ndikunduꞌu ra kaꞌnda chiñu ra xiꞌin Ndioxi nuu ndi̱xiyo ra ―káchi Jesús xiꞌin nda.

San Lucas 24:46

Ta ndi̱kaꞌan ra xiꞌin na, káchi ra saa: ―Soꞌva káꞌan tuꞌun Ndioxi ya ta̱a na xinaꞌa: “Ra Cristo, ra ndi̱kaxin Ndioxi sikaku na ñuu ivi yóꞌó ta xíniñuꞌu ra ndoꞌo ni ra ta kuvi ra, sundi kivi uni nditaku ra.

San Lucas 9:22

Ta saa ndi̱kaꞌan ra xiꞌin nda, káchi ra saa: ―Yeꞌe ku Taa ra ti̱ꞌvi Ndioxi vaxi ñuu ivi yóꞌó, ta ndoꞌo ni i, saa kundasi nuu na xikuaꞌa kuni na yeꞌe xiꞌin nda sutu naꞌnu nuu sutu, saa tu nda sínaꞌa ley ya ta̱a ra Moisés va. Kaꞌni nda yeꞌe, sundi kivi uni nditaku i ―káchi ra xiꞌin nda.

San Lucas 9:43

Ta ndiꞌi na ndóo ikán ndi̱kanda ni ini na xíto na ku̱chiñu Jesús si̱nduvaꞌa ñaꞌa ra xiꞌin ndee Ndioxi. Ta ndóo ndiꞌi na ndi̱kanda ini na xíto na nuu Jesús ndóo na, saa ndi̱kaꞌan ra xiꞌin nda ítaꞌan xiꞌin ra, káchi ra saa:

Los Hechos 7:52

Saa chi xii sikua ndo ku na xa̱a nduvaꞌa ni xiꞌin nda ndi̱kaꞌan ndoso tuꞌun yuꞌu Ndioxi xinaꞌa, nda ndi̱tuꞌun xaꞌa taa ra xa íyo tuꞌun xaꞌa kixi. Ta ra ikán ku ra ti̱in ndo ndi̱taxi ndo ra ndaꞌa na sáa ini xíni ñaꞌa ta xa̱ꞌni na ra.

1 Corintios 11:23

Ta ya sínaꞌa i ndóꞌo̱ vitin ta mií Tata yo Jesucristo ku ra si̱naꞌa yeꞌe, ta saa íkan i xiꞌin ndo. Mí ñûu tá ndi̱xiko vata ñaꞌa ra Judas Tata yo Jesús, saa ti̱in ra xita vaꞌa,