San Mateo 17:20 - Xochapa Mixteco

²⁰ Saa ndi̱kaꞌan ra xiꞌin nda, káchi ra saa: ―Köo kándixa ndo Ndioxi yakan köo ndi̱kuchiñu ndo tava ndo ya. Saa chi vani loꞌo ni kándixa ndo ra án nda tá káa iin ndikin loꞌo mostaza kuꞌva saa kándixa ndo ra, ta kuchiñu ndo kaꞌan ndo xiꞌin iku yóꞌó ya kutaꞌa ya, ta xaa súvi ya tuꞌun káꞌan ndo xiꞌin ya, kutaꞌa ya. Saa chi tá kándixa ndo Ndioxi, vani loꞌo ni kándixa ñaꞌa ndo, ta kuchiñu ndo xaa súvi ndiꞌi ndo ya, chi nda iin ñaꞌa köo uꞌvi tá kándixa ndo ra.

San Mateo 17:20 Mawu Ofanana

San Mateo 13:31

Saa ndi̱tuꞌun tuku Jesús inka tuꞌun ndíchi xiꞌin naꞌa ya sínaꞌa ra na, káchi ra saa: ―Ichí nuu xáꞌnda chiñu Ndioxi, tá kuꞌva káa ndikin itun mostaza ya chi̱ꞌi iin taa nuu ñuꞌú ra, saa káa ya.

San Mateo 14:29

Saa ndi̱kaꞌan Jesús xiꞌin ra Pedro, káchi ra: ―Vaꞌa, naꞌa ―káchi ra xiꞌin ra. Saa nu̱u ra Pedro sata barco, ta xa̱á ra xíka xaꞌa ra kuaꞌan ra nuu tikuii ndikitaꞌan ra xiꞌin Jesús.

San Mateo 17:17

Saa ndi̱kuiin Jesús ndi̱kaꞌan ra: ―¡Ndachu tuun ni ini ndo, köo xíin ndo kandixa ndo Ndioxi! ¿Án ndiꞌi saa vi kivi koo i xiꞌin ndo, kaꞌán ndo? ¡Ni kündee ka ini i xiꞌin ndo! ¡Vaꞌa! ¡Taxi ndo ra loꞌo ñaa ná kixi ra nuu i! ―káchi ra xiꞌin nda.

San Mateo 17:19

Saa ku̱yati nda ítaꞌan xiꞌin Jesús nuu ra, ñaa ndi̱kaꞌan sěꞌe nda xiꞌin ra, káchi nda: ―¿Ndachu köo ndíkuchiñu nde tava nde tachi nduvaꞌa kúu mií ra? ―káchi nda xiꞌin ra.

San Mateo 17:9

Tá ndi̱ko koo nda vaxi nda nuu xiki ikán, saa ndi̱kaꞌan Jesús xiꞌin nda, káchi ra saa: ―Nda iin naꞌa käꞌan ndo xiꞌin xaꞌa ya xi̱ni ndo. Nda kivi tá ná nditaku yeꞌe, Taa ra xaa ñuu ivi yóꞌó, tañu na ndíi, nda kivi saa ndituꞌun ndo xiꞌin na xaꞌa ya xi̱ni ndo ―káchi ra xiꞌin nda.

San Mateo 21:21

Saa ndi̱kuiin Jesús, káꞌan ra: ―Ya ndaa káꞌan i xiꞌin ndo, tá tu ndinuꞌu ni ini ndo kándixa ndo Ndioxi, köo xíka uvi ini ndo, ta saa kuchiñu ndo xaa súvi ndo taꞌan ya i̱kan i xiꞌin itun higo yóꞌó. Tá tu káꞌan ndo xiꞌin iin xiki kaꞌnu, káchi ndo soꞌva: “Kuataꞌa yóꞌó, ta kuáꞌan sikana un mií un ini nduta ñûꞌu”, kachi ndo, ta saa koo ya.

San Mateo 8:26

Saa ndi̱kuiin Jesús káchi ra saa: ―¿Ndachu íꞌvi ni ndo? ¿Án köo kándixa ndo yeꞌe ya sikaku i ndóꞌo̱? ―káchi ra xiꞌin nda. Saa ndi̱koo ra ndi̱kaꞌan ra xiꞌin tachi tin tikuii. Ñaa si̱yaa tachi tin tikuiin, iin taxiin ku̱u.

San Marcos 11:22

Saa ndi̱kuiin Jesús káꞌan ra: ―Kundaa ni ini ndo kuni ndo Ndioxi.

San Marcos 11:23

Saa chi tá tu ndinuꞌu ni ini ndo ndáa ini ndo xíni ndo ra, ta ná kaꞌan ndo xiꞌin iku yóꞌó, kachi ndo saa: “Kuataꞌa nuu íin un ñaa, ta keta kuáꞌan ini nduta ñûꞌu”, ná kachi ndo xiꞌin ya, tá tu ndinuꞌu ini ndo kándixa ndo Ndioxi, köo xíka uvi ini ndo ya káꞌan ndo xiꞌin ya, ta keta ndixa ya kuꞌun ya.

San Marcos 4:31

Tá káa iin ndikin náni mostaza chíꞌi iin ra taa nuu ñuꞌú ra, saa káa ya. Chi vali ni ndikin ikán tá chíꞌi ra ya nuu ñuꞌú ra,

San Marcos 9:23

Saa ndi̱kaꞌan Jesús xiꞌin ra, káchi ra saa: ―¿Ndachu káꞌan un án kuchiñu i? ¿Án kuchiñu un kandixa un Ndioxi? Ndiꞌi va ya kuchiñu ikan Ndioxi xiꞌin na kándixa ñaꞌa ―káchi Jesús xiꞌin ra.

San Lucas 1:37

Saa chi nda iin ya köo ndíchi nuu Ndioxi ―káchi tatun Ndioxi xiꞌin yá.

San Lucas 17:6

Saa ndi̱kuiin Tata yo Jesús káchi ra saa: ―Tá ndáa ni ini ndo xíni ndo Ndioxi, vani loꞌo paꞌa tíin tá káa ndikin siꞌva mostaza saa ndáa ini ndo ra. Ta saa vaꞌa kaꞌan ndo xiꞌin itun sicómoro, vani kúnu ni ndíkaa tioꞌo nu ta keta nu kuꞌun nu ndikaa nu ini nduta ñûꞌu chi kuni soꞌo nu tuꞌun káꞌan ndo ―káchi Jesús xiꞌin nda.

San Lucas 18:27

Ñaa ndi̱kuiin Jesús káꞌan ra: ―Íyo ñaꞌa ndíchi ni köo kúchiñu na ivi yóꞌó ikan na, sundi nuu Ndioxi ta nda iin ya köo ndíchi ―káchi ra.

San Juan 11:40

Saa ndi̱kaꞌan Jesús xiꞌin yá, káchi ra saa: ―¿Án su xa ndi̱kaꞌan i xiꞌin un, tá tu kándixa un, ta kuni un ya vaꞌa ikan Ndioxi, káchi i xiꞌin un? ―káchi ra xiꞌin yá.

1 Corintios 12:9

Sava tuku na si̱niꞌi Tachi Ií Ndioxi ndee vaꞌa ni nuu na, ya ndee ni kándixa na ra, sava tuku na ndi̱niꞌi ndee vaꞌa ni nuu ra ya síndaꞌa na naꞌa, na kúꞌvi, ta suvi mií Tachi I̱í ra kua íkan saa.

1 Corintios 13:2

Tá tu vaꞌa ni káꞌan i tuꞌun yuꞌu Ndioxi, ni vaꞌa ni kúndaa tu ini i xiꞌin ndiꞌi ni kúu ya íyo sěꞌe, ni ndíchi ni káa i, ni kándixa ni i Ndioxi ya kuni soꞌo ra kaꞌan i xiꞌin ra ndinama ra iku kuꞌun ya inka ñaꞌñu, sundi tá tu köo ya kúꞌvi ini táxi Ndioxi íyo nima i, ya kuꞌvi ini i kuni i inka naꞌa, ta ni köo ndáa yaꞌvi mií vi i.

HEBREOS 3:19

Ta saa ndixa ndo̱ꞌo na, xaꞌa ya köo ndi̱kandixa na ra yakan kua köo ndi̱taxi ra kiꞌvi na koo na xiꞌin ra nuu ndikundee na.