San Mateo 17:10 - Xochapa Mixteco

¹⁰ Saa ndi̱kaꞌan nda ítaꞌan xiꞌin ra, káchi nda: ―Ta ¿Ndachu káꞌan nda sínaꞌa ley Ndioxi, ya kixi xiꞌna ra Elías, ta sindiꞌi, saa kixi ra sikaku na ñuu ivi yóꞌó? ―káchi nda xiꞌin ra.

San Mateo 17:10 Mawu Ofanana

San Mateo 11:14

Xíniñuꞌu ndo kundaa ini ndo ya xa ndi̱xinu tuꞌun yóꞌó, saa chi tá kuꞌva ndi̱xiyo ra Elías saa íyo ra Juan, ra síkuchi naꞌa.

San Mateo 16:14

Saa ndi̱kuiin nda ítaꞌan xiꞌin ra, káchi nda saa: ―Sava na káꞌan, ra Juan ra síkuchi naꞌa ku un, ta sava tuku na káꞌan, ra profeta Elías, án ra Jeremías ku un, án ndá ka inka nda profeta káꞌan tuꞌun yuꞌu Ndioxi ku un, káchi na xaꞌa un ―káchi nda xiꞌin ra.

San Mateo 17:11

Saa ndi̱kuiin ra, káꞌan ra: ―Ya ndixa saa íyo ya, ra Elías ku ra xa ki̱xi xa̱a vií ichí nuu ra.

San Marcos 9:11

Saa ndi̱ndakan tuꞌun nda ra, káchi nda saa: ―¿Tata, ndachu kua káꞌan nda maestro, nda sínaꞌa ley Ndioxi, ya xiꞌna ra Elías ku ra ndiko koo kixi, saa kixi Taa ra sikaku na ñuu ivi? ―káchi nda xiꞌin ra.

San Juan 1:21

Saa ndi̱ndakan tuꞌun tuku ñaꞌa nda, káchi nda saa: ―¿Ta unku yóꞌo̱? ¿Án ra profeta Elías kúu un? ―káchi nda xiꞌin ra. Saa ndi̱kuiin ra káꞌan ra: ―Süvi i ―káchi ra. ―¿Án iin ra profeta ndi̱kaꞌan ndoso tuꞌun yuꞌu Ndioxi xinaꞌa va ku un? ―káchi nda xiꞌin ra. Saa ndi̱kuiin ra káꞌan ra: ―Süvi i ―káchi ra xiꞌin nda.

San Juan 1:25

Ta saa ndi̱kaꞌan nda xiꞌin ra, káchi nda saa: ―Tá tu süvi Cristo kuu un, ta ni süvi ra Elías ku un, ta ni süvi ra profeta ku un, ¿ta ndachu síkuchi un naꞌa? ―káchi nda xiꞌin ra.