San Mateo 17:1 - Xochapa Mixteco

¹ Ndi̱yaꞌa iñu kivi saa ndi̱kundaka Jesús ra Pedro xiꞌin ra Jacobo tin ra Juan ñani ra, ndi̱kundaka ra nda kuaꞌan nda xiꞌin ra iin iku sukun ni, ta ikán ndóo uni mií nda xiꞌin ra.

San Mateo 17:1 Mawu Ofanana

San Mateo 17:2

Ta ikán xi̱ni nda ndee ni ndi̱yeꞌe taxan nuu ra ndi̱nama ndiꞌi ra, nda tá kuꞌva yéꞌe̱ ñu̱ꞌù tá kaꞌñu sava, saa ndi̱yeꞌe nuu ra. Saa tu toto ra, ndee ni ndu̱yaa sami ya tá kuꞌva yéꞌe̱ ñu̱ꞌù, saa nduu ya.

San Mateo 26:37

Saa ndi̱kiꞌin ra ta Pedro xiꞌin uvi saa nda seꞌe ra Zebedeo ke̱e nda kuaꞌan nda xiꞌin ra, ñaa xa̱á kúchiꞌña ni ini ra, ta ndee ni kúsuchi ini ra.

San Marcos 13:3

Saa ndi̱kiꞌin nda kuaꞌan nda chí xiki itun Olivo, ya xíto ndaa veꞌe ñuꞌu kaꞌnu. Tá ndi̱xaa nda ikán saa ndi̱kunduꞌu koo Jesús. Ñaa ndi̱kaꞌan ra Pedro xiꞌin ra Jacobo tin ra Juan xiꞌin ra Andrés, ndi̱ndakan tuꞌun siin nda ra, káchi nda saa:

San Marcos 5:37

Saa ke̱e nda kuaꞌan nda veꞌe ra, ta köo ndi̱taxi ra kuꞌun ndá ka naꞌa xiꞌin ra, ndisaa ra Pedro xiꞌin ra Jacobo tin ra Juan ñani ra, nda ikán ku nda kuaꞌan xiꞌin ra.

San Lucas 8:51

Saa ke̱e Jesús ndi̱xaa ra veꞌe ra Jairo, ta köo ndi̱taxi ra kiꞌvi ndiꞌi naꞌa xiꞌin ra cuarto nuu kánduꞌu yá loꞌo ikán. Ndisaa siꞌí yá tin iva yá xiꞌin ra Pedro, xiꞌin inka ra Juan, inka ra Jacobo, nda ítaꞌan xiꞌin ra, ndisaa na ikán ku na ndi̱kee xiꞌin ra.

2 Corintios 13:1

Xa yati ni tindaa kivi ya xaa i koto i ndóꞌo̱, ta ichí uni kua xaa i nuu ndo. Yakan ndikaꞌán ini ndo tá kuꞌva káꞌan tuꞌun Ndioxi: “Ná koo uvi án uni naꞌa, na ndíkuiin xaꞌa kuachi ndóꞌo ndo, ta saa kua vaꞌa kuchiñu kunani kuachi xiꞌin ndo”.

2 Pedro 1:16

Ta xa ndi̱tuꞌun nde xiꞌin ndo, si̱naꞌa nde ndóꞌo̱ xaꞌa ndee ya kúu mií Tata yo Jesucristo xiꞌin ya ndiko koo ra kixi tuku ra ñuu ivi yóꞌó, ta ya ndaa ni kua ndi̱kaꞌan nde xiꞌin ndo, süvi kuento vata kua ndi̱tuꞌun nde xiꞌin ndo. Chi ndeꞌe ta xi̱ni xiꞌin nuu mií nde ndee chee ni kúu mií ra.

2 Pedro 1:18

Ta ndeꞌe xi̱ni soꞌo nde tachi Ndioxi ya ke̱e nuu ndivi ndi̱kaꞌan ya xiꞌin Tata yo Jesucristo, tá xi̱ndoo nde xiꞌin ra nuu xiki ya kúu iku i̱í ni.