San Mateo 16:27 - Xochapa Mixteco

²⁷ Ta yeꞌe, Taa ra xa̱a ñuu ivi yóꞌó, vaxi kivi ndiko koo i ñuu ivi yóꞌó xiꞌin ndee ya vaꞌa Iva i Ndioxi, ta kixi na tatun ra xiꞌin i, ta saa chaꞌvi i iin iin na xaꞌa ya vaꞌa án ya väꞌa i̱kan na ñuu ivi yóꞌó.

San Mateo 16:27 Mawu Ofanana

San Mateo 13:41

Yeꞌe, Taa ra xa̱a ñuu ivi yóꞌó, tiꞌvi i na tatun i kaka na nuu xáꞌnda chiñu i, tava na ndiꞌi naꞌa, na táa sií naꞌa ikan na ya väꞌa xiꞌin ndiꞌi na íkan ya väꞌa.

San Mateo 13:49

Saa kuu tá ná ndiꞌi xaꞌa ñuu ivi, kana koo na tatun Ndioxi ndikaxin na naꞌa, na väꞌa, tava ñaꞌa na tañu na vaꞌa.

San Mateo 24:30

Ta ndiꞌi naꞌa kuni na koo seña nuu ndivi ya ndiko koo yeꞌe, Taa ra xa̱a ñuu ivi yóꞌó, saa kuaku ni na ñuu ivi yóꞌó, kusuchi ni ini na. Ta ndiꞌi naꞌa kuni na yeꞌe kixi i xiꞌin viko, kixi i xiꞌin ndee chee ni xiꞌin ndiꞌi ya yéꞌe̱ ni.

San Mateo 25:31

Saa ndi̱kaꞌan ka Jesús xiꞌin na, káchi ra saa: ―Kivi tá ná ndiko koo yeꞌe, Taa ra xa̱a ñuu ivi yóꞌó, ta ndiko koo i xiꞌin ndiꞌi na tatun Ndioxi, tá káa rey ra ndee ni ndee saa koo i tá ná ndiko koo i xiꞌin ndiꞌi ñaꞌa ya ndee ni luvi yéꞌe̱. Ta saa ndikunduꞌu i nuu tai toꞌo kaꞌnda chiñu i.

San Mateo 26:64

Saa ndi̱kuiin Jesús káꞌan ra: ―Tá íyo ya ndi̱kaꞌan un saa íyo ya, ikán ku i. Ta káꞌan tuku i xiꞌin ndo, vaxi kivi ta kuni ndo yeꞌe, Taa ra xa̱a ñuu ivi yóꞌó koo i nuu tai toꞌo, itun íyo ñaꞌñu kuáꞌá Ndioxi, ta ndee ni ndee kúu mií ra. Saa kuni ndo yeꞌe ndiko koo i kixi i tañu viko nuu ndivi ―káchi Jesús xiꞌin nda.

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Marcos 14:62

Saa ndi̱kuiin Jesús káꞌan ra: ―Ikán kuu i. Ta kuni ndo yeꞌe, Taa ra xa̱a ñuu ivi yóꞌó, kuni ndo kunduꞌu i ñaꞌñu kuaꞌá Ndioxi ra kaꞌnu, saa kuni ndo yeꞌe ndiko koo i kixi i tañu viko nuu ndivi ni̱nù ―káchi ra xiꞌin nda.

San Marcos 8:38

Saa tu na ndíkuáa yeꞌe va, tá tu ndíkuáa na tuꞌun i nuu na ñuu ivi kuachi yóꞌó, ta saa ndikuaa tu yeꞌe, ra xa̱a ñuu ivi yóꞌó va na. Chi tá ná ndiko koo i, ta iin yeyeꞌe koo i kixi i xiꞌin ya yeꞌe Iva i Ndioxi tin na tatun ra ―káchi Jesús xiꞌin na.

San Lucas 21:27

Tá sindiꞌi ikán, saa kuni ndiꞌi naꞌa yeꞌe, Taa ra xa̱a ñuu ivi yóꞌó, kuni na ndiko koo i kixi i xiꞌin viko kixi i, ta ndee ni koo ya yéꞌe̱ ná kixi i. Nda tá káa iin ra rey, ra chee, saa koo i kixi i, chi kixi ndee Ndioxi xiꞌin i.

San Lucas 22:69

Sundi vitin ta koo yeꞌe Taa ra xa̱a ñuu ivi yóꞌó xiꞌin Ndioxi ra ndee ni ndee kúu mií. Koo i xiꞌin ra nuu tai toꞌo ñaꞌñu kuaꞌá ra ―káchi Jesús xiꞌin nda.

San Lucas 9:26

Saa tu naꞌa na kúkaꞌan nuu xíni yeꞌe va, tá tu kúkaꞌan nuu na xíni na yeꞌe, ta saa tu yeꞌe ra kúu Taa xa̱a ñuu ivi yóꞌó va, kukaꞌan nuu i kuni i na. Chi tá ná ndiko koo i ta iin yéyéꞌe̱ koo i kixi i xiꞌin ya yéꞌe̱ Iva i Ndioxi tin ya yéꞌe̱ na tatun ra.

San Juan 21:22

Saa ndi̱kuiin Jesús, káchi ra saa: ―Tá tu kúni i ta kutaku ra ñuu ivi yóꞌó nda kivi ná ndiko koo i, ta kutaku va ra. Ta yóꞌo̱, ¿unkua ndóꞌo un ndíꞌi ini un? Naꞌa kii mií un kundikun un yeꞌe ―káchi Jesús xiꞌin ra.

San Juan 21:23

Xaꞌa ya yóꞌo̱ kua ndi̱xita niꞌnu ndiꞌi tuꞌun xaꞌa ra yóꞌo̱ tañu na veꞌe ñuꞌu, ya küvi ra ikán. Sundi Jesús ta köo ndi̱kaꞌan ra xaꞌa ra ya küvi ra, ndi̱kaꞌan ra káchi ra saa: “Tá tu kúni i kutaku ra nda kivi ná ndiko koo i ta kutaku ra, ta yóꞌo̱, ¿unkua ndóꞌo un ndíꞌi ini un?”, káchi ra.

Los Hechos 1:11

Saa xa̱á nda káꞌan nda, káchi nda saa: ―Ndóꞌo̱ na ñuu estado Galilea, ¿ndachu kua xíto ni ndo nuu ndivi ndíta ndo? Suvi Jesús, ra xi̱ni ndo nda̱a kuaꞌan nuu ndivi, suvi ra ñaa ku ra ndiko koo tuku, tá kuꞌva nda̱a ra kuaꞌan ra, saa kuu ndiko koo ra ―káchi nda ikán xiꞌin nda apóstol.

ROMANOS 14:12

Kuenta vaꞌa ná koo yo chi vaxi kivi, ta ndiꞌi ni kúu yo taxi kuenta ndaꞌa Ndioxi xaꞌa ya íkan yo.

ROMANOS 2:6

Kivi ikán kua chaꞌvi Ndioxi iin iin naꞌa, tá íyo chiñu i̱kan na, saa koo ya chaꞌvi ra na.

1 Corintios 15:23

Ta vívií koo ndiꞌi ñaꞌa tá íyo ya chi̱tuni mií Ndioxi saa koo ya. Ra núnuu ndi̱taku ku Tata yo Jesucristo, tá ná ndiko koo ra, saa nditaku naꞌa, na xi̱ndikun ñaꞌa.

1 Corintios 3:13

Sundi tá ná tindaa kivi ya ndiꞌi xaꞌa ñuu ivi yóꞌó, ta saa kua ndituvi teꞌe ndiꞌi ya xaꞌa chiñu ya i̱kan iin iin naꞌa. Ta ndee ni koko ñu̱ꞌu̱, ta xiꞌin ya ikán kua kuchiñu koto ndoso Ndioxi chiñu iin iin na ndá kuꞌva vaꞌa xa̱a chiñu na.

1 Corintios 8:8

Süvi xaꞌa ñaꞌa ya xíxi yo kua kúyati ka yoo nuu Ndioxi, tá ná kuxi yo ta köo ndúu i̱í ka yo nuu ra, ni tá ná küxi yo ta köo ndúkini ka yo nuu ra.

2 Corintios 5:10

Saa chi xa kúndaa ini yo vaxi kivi ta kundita ndiꞌi yo nuu Tata yo Jesucristo, nuu índuꞌu ra xáa nani ra kuachi. Ta saa kundita yo nuu ra ya xaa nani ra kuachi xiꞌin iin iin yo nuu chaꞌvi ra yoo xaꞌa chiñu i̱kan yo, án ya vaꞌa i̱kan yo, án ya väꞌa i̱kan yo kivi xi̱taku yo ini ikin kuñu yo ñuu ivi yóꞌó.

Efesios 6:8

Ta vaꞌa ná kundaa ini ndo chi vaxi kivi ta chaꞌvi mií Tata yo Jesucristo iin iin yo xaꞌa chiñu vaꞌa i̱kan yo, án yo xáa chiñu xiꞌin ya nduxa ku yo, án yo íyo ndíka ku yo, ta iin káchi chaꞌvi ra ndiꞌi yo.

Colosenses 3:25

Ta saa ndikaꞌán ini ndo ndiꞌi naꞌa, na íkan ya väꞌa ta kuꞌva saa ndikiꞌin na yaꞌvi na, saa chi Ndioxi ta iin káchi xaa nduvaꞌa ra xiꞌin ndiꞌi naꞌa.

1 Tesalonicenses 1:10

Ta káꞌan na xaꞌa ndo ya ndátun ndo Jesús, ra kúu seꞌe Ndioxi ra ke̱e nuu ndivi, ta ndiko koo tuku ra kixi ra ñuu ivi yóꞌó. Chi Ndioxi ku ra si̱taku ñaꞌa tañu na ndíi, ta ra ikán ku ra sikaku yoo nuu tindoꞌo ya ndee ni vaxi sata na ñuu ivi yóꞌó.

1 Tesalonicenses 4:16

Saa chi kivi tá ná ndiko koo ra kixi ra nuu ndivi, ta yáꞌa ni ndee kaꞌan ra xaꞌa ya kúu mií ra ichí xáꞌnda chiñu ra. Saa ndee ni tu kaꞌan iin mií tatun Ndioxi ya ínuu nuu ndiꞌi na tatun ra, ndee ni tivi ya itun trompeta Ndioxi tá ná ndiko koo Tata yo Jesucristo. Ta xiꞌna naꞌa, na ka̱ndixa ra ku na nditaku.

Santiago 5:7

Sundi ndóꞌo̱ ñani yo xiꞌin kuꞌva yo, ta ndaku ni koo ini ndo, kündiꞌi ini ndo, kundatun ndo nda ná ndiko koo Tata yo Jesucristo kixi ra. Tá ndóꞌo iin ra chíꞌi nuu ñuꞌú ra, köo ndíꞌi ini ra, kuekuee ndátun ra nda ná ndiyaa, küun ka savi, saa vi xáa ra síkee ra ñaꞌa chi̱ꞌi ra nuu ñuꞌú ra.

1 Pedro 1:17

Ta ndóꞌo̱, tá káꞌan ndo xiꞌin Ndioxi, ta kaꞌan ndo xiꞌin ra ya kúu ra Iva ndo. Ta vaꞌa va chi köo ndi̱kaxin ra nda iin naꞌa, iin kuꞌva xáa nani ra kuachi xiꞌin ndiꞌi na. Xaꞌa ya ñaa kua xíniñuꞌu ndo xaa súvi ndo ndiꞌi ñaꞌa íkan ndo xiꞌin ya toꞌo, nani ndóo naꞌa ndo ñuu ivi yóꞌó.

1 Juan 2:28

Ta káꞌan tuku i xiꞌin ndo ñani yo, ndóꞌo̱ ta tá íin seꞌe i na kúꞌvi ni ini i xíni i, saa íin ndo. Ta kutaꞌan vaꞌa ni ndo xiꞌin Tata yo Jesucristo ta saa tá ná ndiko koo ra ñuu ivi yóꞌó ta vaꞌa ni kuni ndo kuyati ndo nuu ra, kükaꞌan nuu ndo kuni ndo ra.

Judas 1:14

Ra Enoc, ra uxa ra kúu seꞌe ñani sikua ra Adán, ra ikán ku ra ndi̱kaꞌan xaꞌa nda taa nda sinaꞌa ya vata ñaa, ka̱chi ra saa: “¡Koto ndo vii! Xa xi̱ni i vaxi kuaꞌa ni mil na tatun Ndioxi xiꞌin ra,

El Apocalipsis 1:7

Vaxi kivi ta ndiko koo Tata yo Jesucristo ñuu ivi yóꞌó, kixi ra tañu vi̱kó. Ndiꞌi saa naꞌa kuni xiꞌin nuu na ra kixi ra. Nda naꞌa, na tu̱vi itun íyo kàà xi̱ín nuu, na xa̱a ndu̱vaꞌa ni xiꞌin ra, si̱tikueꞌe ni na ra, ta nda na ikán kuni kixi ra. Ta naꞌa, na ndóo ndiꞌi ni kúu ñaꞌñu ñuu ivi, na köo ndi̱xiin kandixa ñaꞌa, nda na ikán kusuchi ni ini, kuaku ni na tá ná kuni na ra. Saa ná koo.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.

El Apocalipsis 20:12

Saa xi̱ni i ndiꞌi na ndi̱xiꞌi, na kúu mií chiñu naꞌnu tin na kúu mií chiñu vali. Ta ndíta ndiꞌi na ikán yati nuu ndíchi tai i̱í itun toꞌo chee. Saa ndi̱xuna kuaꞌa ni tutu nuu ndóso ya i̱kan ndiꞌi naꞌa tá xi̱taku na ñuu ivi, ñaa ndi̱xuna inka tutu nuu ndóso kivi ndiꞌi na koo xiꞌin Ndioxi ndiꞌi saa kivi ya vaxi. Saa xa̱a nani Ndioxi xaꞌa kuachi ndiꞌi na xa ndi̱xiꞌi. Tá kuꞌva íyo ya i̱kan na ndóso nuu tutu ikán, saa íyo kuachi na ya xa̱a nani Ndioxi xiꞌin na, na i̱kan ya vaꞌa ta koo na xiꞌin ra, na i̱kan ya väꞌa ta kuꞌun na ndaya.