San Mateo 16:19 - Xochapa Mixteco

¹⁹ Ta taxi i llave ndaꞌa un kuna un yeꞌe nuu kiꞌvi naꞌa nuu xáꞌnda chiñu Ndioxi. Saa tá kúu ndiꞌi ñaꞌa ya kátun un ñuu ivi yóꞌó, ta ndikunuꞌni ya nuu ndivi, tá kúu ndiꞌi ñaꞌa ndáxin un ñuu ivi yóꞌó, ta saa ndaxin tu ya nuu ndivi va ―káchi ra xiꞌin ra Pedro.

San Mateo 16:19 Mawu Ofanana

San Mateo 18:18

’Chi Ndioxi ta̱xi ra ichí ndaꞌa ndo tá kúu ndiꞌi ñaꞌa ya kátun ndo ñuu ivi yóꞌó, ta ndíkunuꞌni ya nuu ndivi, tá kúu ndiꞌi ñaꞌa ya ndáxin ndo ñuu ivi yóꞌó, ta saa ndáxin tu ya nuu ndivi va.

San Juan 20:23

Tá tu xáa kaꞌnu ini ndo xaꞌa kuachi naꞌa, ta saa tu Ndioxi xaa kaꞌnu ini ra xaꞌa kuachi na. Tá tu köo xáa kaꞌnu ini ndo xaꞌa kuachi na, ta ni Ndioxi xäa kaꞌnu ini ra xaꞌa kuachi na ―ka̱chi ra xiꞌin nda.

Los Hechos 15:7

Naꞌá ka vi ndi̱tuꞌun taꞌan na, ñaa ndi̱kundichi ra Pedro xa̱á ra káꞌan ra xiꞌin na, káchi ra saa: ―Ndóꞌo̱ na taꞌan yo, xa xíni mií ndo ndá kuꞌva ndi̱kaxin Ndioxi yeꞌe kaꞌan ndoso i tuꞌun vaꞌa xaꞌa Jesús xiꞌin na köo kúu judío ya kuni soꞌo na ya, ta saa kandixa na ra.

2 Corintios 2:10

Vaꞌa ná kundaa ini ndo, chi tá xáa kaꞌnu ini ndo xaꞌa kuachi i̱kan ra ñaa, ta saa tu yeꞌe va, xáa kaꞌnu ini i xaꞌa ra, xaꞌa ya i̱kan ra saa xiꞌin ndóꞌo̱ na veꞌe ñuꞌu. Ta nuu Cristo kua íkan i saa, xáa kaꞌnu ini i xaꞌa ra, xaꞌa ya kúꞌvi ni ini i xíni i ndóꞌo̱.

1 Tesalonicenses 4:8

Ta ndiꞌi naꞌa, na köo xíin xaa súvi ya yóꞌó, ta süvi ya káꞌan ndeꞌe kua köo xíin na xaa súvi na, chi ya káꞌan mií Iva yo Ndioxi kua köo xíin na xaa súvi na, chi mií ra ku ra táxi Tachi I̱í ra ndaꞌa yo íyo ya xiꞌin yo.

El Apocalipsis 1:18

Yeꞌe ra táku, ra ndi̱xiꞌi ta ndi̱taku i, saa kutaku i ndiꞌi ni kúu kivi ya vaxi. Ta yeꞌe ku i xáꞌnda chiñu nuu ya xáꞌni ndìì án ya náni Hades nuu xáꞌnda chiñu ndee yóꞌó.

El Apocalipsis 11:6

Ta ndee ni ndee kúu mií nda, chi vaꞌa kaꞌan nda küun savi, ta küun rá tá kivi xíka nda káꞌan ndoso nda tuꞌun i. Saa kúu mií nda ndee ya ndasa nda tikuii nduu rá nií, ta kúu tu mií nda ndee ya taxi nda tindoꞌo ndee ni tixuꞌvi naꞌa xiꞌin ndiꞌi saa nuu ya uꞌvi ni ñuu ivi yóꞌó. Ta kúu mií nda ndee ikan nda saa, ndisaa ka ichí kúni míi nda ikan nda saa.

El Apocalipsis 3:7

Saa ndi̱kaꞌan tuku ra xiꞌin i, káchi ra saa: ―Taa un tuꞌun yóꞌó nuu tutu ya kuꞌun ndaꞌa tatun Ndioxi, ya ndáa naꞌa, na kándixa yeꞌe, ta ndíkitaꞌan na ñuu Filadelfia xáa kaꞌnu na Ndioxi. Yeꞌe káꞌan xiꞌin ndo ku ra i̱í, ra ndixa ni ndaa. Yeꞌe ku ra níꞌi llave ya ku̱u mií ra rey David. Tá xúna i yéꞌe, ta nda iin na küchiñu ndikasi ya. Tá ndíkasi i ya ta nda iin na küchiñu kuna ya.

El Apocalipsis 9:1

Tá ti̱vi tatun Ndioxi ya uꞌun itun trompeta ya, ta saa xi̱ni i iin kiti kimi ke̱ta ri nuu ndivi, ta ndi̱kava ri nuu ñuꞌú. Saa ta̱xi Ndioxi llave ndaꞌa ri ya kuna ri yavi nǎꞌa, ya kúnu ni ini.