San Mateo 16:18 - Xochapa Mixteco

¹⁸ Ta yeꞌe káꞌan i xiꞌin un, vitin kunani un Pedro ta sata yu̱ú yóꞌó sikuaꞌa i veꞌe ñuꞌu i, ta nda iin kivi ndïꞌi xaꞌa ya, chi ya xáꞌni naꞌa ta küchiñu ya ndundee ka ya nuu na veꞌe ñuꞌu i.

San Mateo 16:18 Mawu Ofanana

San Mateo 10:2

Ta ya yóꞌó ku kivi nda ikán, ra núnu̱ú ku ra Simón, ra káꞌan na xiꞌin Pedro xiꞌin ñani ra, ra Andrés, xiꞌin ra Jacobo xiꞌin ra Juan ñani ra, nda seꞌe ra Zebedeo ku uvi saa nda ikán.

San Mateo 11:23

Ta ndóꞌo̱ na ñuu Capernaum, ¿Án ndíkani ini ndo ínuu vaꞌa ni tuꞌun ndo nda nuu ndivi, túvi ndo? Ndaꞌvi ni ndo chi nda kaꞌa ndaya nuu kunu ni̱nu̱ tiꞌvi Ndioxi ndóꞌo̱ kuꞌun ndo. Chi taꞌan yatuꞌun íkan i xiꞌin ndóꞌo̱ vitin, tá ndi̱xini na ñuu Sodoma ya ta xa ndi̱ko koo ini na xaꞌa ya väꞌa íkan na, ta ndïꞌi xaꞌa na táku na nda vitin, ndikuu.

San Mateo 18:17

Tá köo ndíxiin ra kuni soꞌo ra ya káꞌan ndo xiꞌin ra, ta vaꞌa ndituꞌun ndo xiꞌin na veꞌe ñuꞌu xaꞌa ya íkan ra. Tá tu köo ndíxiin ra kuni soꞌo ra ni ya káꞌan na veꞌe ñuꞌu xiꞌin ra, ta kütaꞌan ka ndo xiꞌin ra, vaꞌa ikan ndo tá íkan ndo xiꞌin naꞌa na, na köo xíni Ndioxi án na ndíkaya xuꞌun kuaꞌan ndaꞌa gobierno ñuu Roma.

San Mateo 4:18

Tá xíka Jesús yuꞌu nduta ñûꞌu Galilea ikán, saa xi̱ni ra uvi nda taa, iin ra náni Simón, ta káꞌan tu na xiꞌin ra Pedro va xiꞌin ra Andrés ta iin ñani uvi saa nda. Saa táan uvi saa nda ñunu nda ini nduta ñûꞌu, chi nda tíin tiaka ku nda.

San Mateo 7:24

Saa ndi̱kaꞌan tuku Jesús xiꞌin na, káchi ra saa: ―Ná ndituꞌun i xiꞌin ndo ndá kuꞌva íin na xíni soꞌo tuꞌun káꞌan i, nda tá káa iin taa ra ndíchi xiní, ra si̱kuaꞌa veꞌe sata kava yu̱ú teꞌe ni, saa íin na.

San Juan 1:42

Ta saa ndi̱kundaka ra Andrés, ra Simón ñani ra kuaꞌan xiꞌin ra nuu Jesús. Tá ndi̱xaa nda, ta ndi̱koto vaꞌa Jesús nuu ra saa ndi̱kaꞌan ra xiꞌin ra, káchi ra saa: ―Yóꞌo̱ ku Simón, seꞌe ra Jonás, ta vitin kunani un Cefas ―káchi ra xiꞌin ra. (Ta Cefas kúni kachi ya “Pedro”).

Los Hechos 2:47

Xáa toꞌo ka vi na Ndioxi. Ta ínuu vaꞌa ka vi tuꞌun na nuu inka naꞌa. Ta vitin taan íyo ka na ndíko koo ini xaꞌa kuachi na, ñaa xáa na ndíkundikun na Jesús ta síkaku Ndioxi na.

Los Hechos 20:28

Ta ndóꞌo̱ ku ndo ndi̱kaxin Tachi I̱í Ndioxi ya kundiso chiñu ndo xiꞌin na veꞌe ñuꞌu. Tá íkan nda ndáa levo sana nda, saa ikan ndo. Xaa kuenta ni ndo xiꞌin mií ndo tin xaa kuenta ni ndo xiꞌin na kuaꞌan ichí Jesús. Chi na ikán ku na sa̱ta ra xiꞌin ni̱í mií ra nduta ndi̱xita nuu cruzin.

Los Hechos 8:1

Saa tu ra Saulo va ndi̱xiyo yuꞌu ra xiꞌin na xa̱ꞌni ra Esteban. Tá ndi̱xiꞌi ra saa ku nuu xa̱á tíxuꞌvi ni na ndíkun Jesús ndóo ñuu Jerusalén, xaꞌa ya ikán kua ndi̱xita yava ndiꞌi na kuaꞌan na. Sava na kuaꞌan ñuu Judea xiꞌin ñuu Samaria, siin nda apóstol ku nda ndi̱ndoo ñuu Jerusalén.

1 Corintios 15:55

Yóꞌo̱, ndìì ya xáꞌni naꞌa, ¿míí chí kuaꞌan ndee un ya xáꞌni un naꞌa? Köo ka ndee kúu míí un ya kaꞌni ka un naꞌa”, káchi tuꞌun Ndioxi.

Gálatas 2:9

Ta nda ñani yo ra Jacobo xiꞌin ra Pedro tin ra Juan, nda ikán ku nda ndíso chiñu xiꞌin na veꞌe ñuꞌu ñuu Jerusalén. Saa ndi̱kuni nda ikán yeꞌe ya ta̱xi Ndioxi chiñu ndaꞌa i xáa chiñu i nuu ra, ñaa ti̱in nda ndaꞌa i xiꞌin ra Bernabé ñani yo, ya ná kuꞌun ndeꞌe xaa chiñu nde xiꞌin na köo kúu judío ta mií nda ku nda xaa chiñu xiꞌin na judío.

Efesios 3:10

Xaꞌa ya i̱kan Ndioxi soꞌva kua kúni ra ná kuni ndiꞌi na tatun ra, na naꞌnu xáa chiñu nuu ra xiꞌin ndiꞌi ndee tachi nduvaꞌa ya xáa chiñu maꞌñu ndivi ni̱nù. Ta xaꞌa ya i̱kan ra soꞌva xiꞌin na veꞌe ñuꞌu kua kúni ra ná kundaa ini ndiꞌi ndee yóꞌó, ya iindaa mituꞌun mií Ndioxi ku ra ndee ni ndixa ndíchi nuu ndiꞌi ni kúu ñaꞌa.

Efesios 5:32

Ta ya káꞌan tuꞌun Ndioxi ya nduu na tíndaꞌa iin kuñu xiꞌin taꞌan na, ta ndee ni ndíchi kundaa ini yo xiꞌin ya yóꞌó, ta yeꞌe káchi saa, ya yóꞌó ta xaꞌa Cristo kua káꞌan ya xiꞌin yoo na kúu veꞌe ñuꞌu.

Colosenses 1:18

Mií Cristo ku ra ku xi̱ní xáꞌnda chiñu xiꞌin na veꞌe ñuꞌu, tá káa ikin kuñu ra saa íin na. Ta yuꞌu mií ra kua xa̱á íyo ndiꞌi ñaꞌa, ta mií ra ku ra chi̱nduꞌu xaꞌa ndiꞌi ñaꞌa, ta suvi xiꞌna mií ra ku ra núnu̱ú ndi̱taku tañu na ndíi. Xaꞌa ya ikán kua ndee ni ndee kúu mií ra nuu ndiꞌi ni kúu ñaꞌa.

1 Timoteo 3:15

chi án sana kuachi loꞌo ka i yóꞌó, yakan káꞌan kuee i xiꞌin un ya ná kundaa ini un ndá kuꞌva xíniñuꞌu ndo ikan ndo, xaꞌa ya kúu ndo na veꞌe Iva yo Ndioxi, ra táku. Ta tá kuꞌva tuun ni kuáꞌa xaꞌa veꞌe án tá káa itun ndee ni ndíso xi̱ní veꞌe, saa íin ndo, xaꞌa ya ndaa ku̱ndaa ini ndo xaꞌa tuꞌun ra.

1 Timoteo 3:5

Chi tá tu köo xíni nda kuniꞌi vií nda na veꞌe nda, ta saa ni küchiñu nda kundàà vií nda na veꞌe ñuꞌu.

HEBREOS 12:28

Nuu xáꞌnda chiñu Ndioxi, nuu koo yo xiꞌin ra kua ndoo koo chi küvi kanda ya ikán kutaꞌa ya. Yakan kua ná taxi ni yo tixaꞌvi ndaꞌa ra, ta saa ná xaa kaꞌnu ni yo ra tá kuꞌva kútoo mií ra, xaꞌa ya íꞌvi yo xíni yo ra.

El Apocalipsis 11:15

Saa ti̱vi tatun Ndioxi, ya uxa itun trompeta ya, ta xi̱ni soꞌo i tachi kuaꞌa ni na káꞌan nuu ndivi, ndee ka vi ndi̱kaꞌan na, káchi na saa: ―Iva yo Ndioxi ku ra xáꞌnda chiñu xiꞌin Tata yo Jesucristo. Ra yóꞌó ku ra ti̱ꞌvi Ndioxi vaxi sikaku na ñuu ivi yóꞌó. Ta ndiꞌi saa tiempo kaꞌnda chiñu ra ―káchi tachi na káꞌan ni na.

El Apocalipsis 21:14

Xaꞌa mií nama chee ni ya xinuu nduu sata mií ñuu ikán ñúꞌu uxi uvi yu̱ú ya naꞌnu ni, ta sata iin mií yu̱ú ikán ndi̱kaꞌi kivi iin iin uxi uvi saa nda apóstol nda xa̱a chiñu nuu mií ra kúu Levo ikán.