San Mateo 16:12 - Xochapa Mixteco

¹² Saa ku̱ndaa ini nda ya köo ndi̱kaꞌan ra xiꞌin nda xaꞌa uxan iya ya kuakee xiꞌin xita vaꞌa, sundi ndi̱kaꞌan ra xiꞌin nda xaꞌa kuꞌva ya sínaꞌa nda fariseo xiꞌin nda saduceo.

San Mateo 16:12 Mawu Ofanana

San Mateo 16:11

¿Án köo kúndaa ini ndo süvi xaꞌa xita vaꞌa kua káꞌan i xiꞌin ndo? Ya káꞌan i xiꞌin ndo saa kua, kuenta ni koo ndo xiꞌin uxan iya nda fariseo xiꞌin nda saduceo ―káchi Jesús xiꞌin nda ítaꞌan xiꞌin ra.

San Mateo 3:7

Saa xi̱ni ra Juan kuaꞌan kuaꞌa ni nda naꞌnu nuu na judío, nda fariseo xiꞌin nda saduceo, chi kúni nda kuchi nda. Saa ndi̱kaꞌan ra tuꞌun yóꞌó xiꞌin nda, káchi ra saa: ―¡Ndóꞌo̱ nǎꞌa ku ndo, tá íin seꞌe kiti ko̱ó saa íin ndo! ¿Unku ndi̱kaꞌan xiꞌin ndo kuchi ndo, ta xaꞌa ya íkan ndo saa ta sikaku Ndioxi ndóꞌo̱ nuu ya tixuꞌvi ndo, káꞌán ndo?

San Mateo 5:20

Ya ndixa káꞌan i xiꞌin ndo, tá tu köo íkan ndo ya vaꞌa ndinuꞌu nuu Ndioxi, ta küchiñu ndo kiꞌvi ndo koo ndo nuu xáꞌnda chiñu ra. Yakan tá tu kúni ndo kiꞌvi ndo nuu xáꞌnda chiñu ra, ta xíniñuꞌu ndo vaꞌa ni ka ikan ndo ya vaꞌa nuu taꞌan ya íkan nda fariseo xiꞌin nda sínaꞌa ley Ndioxi ―káchi Jesús xiꞌin na.

Los Hechos 23:8

Saa chi nda saduceo káꞌan köo ndítaku na ndíi ta ni tatun Ndioxi köo, ni tachi nduvaꞌa köo, káchi nda ikán. Ta nda fariseo kándixa nda ya ndítaku na ndíi ta kándixa nda ya íyo tatun Ndioxi xiꞌin tachi nduvaꞌa.

1 Corintios 5:6

Ta kütai ni ini ndo xiꞌin ya väꞌa íkan ra ñaa. Xa xíni ndo unkua káꞌan tuꞌun ndíchi ya káꞌan soꞌva: “Loꞌo paꞌa tíin uxan iya kuakee xiꞌin uxan xita vaꞌa ta ndee ni sínañu ñaꞌa ya”, káchi ya.